ချင်းပြည်နယ်ဝန်ကြီးချုပ် ဦးဆလိုင်းလျန်လွယ် ကန်ပက်လက်မြို့၌ ကျင်းပသည့် လောက်နူးမြေရိုးရာယဉ်ကျေးမှုနှင့် ခေါ်နူးစုမ်တောင်ဇလပ်ပန်းပွဲတော်ဖွင့်ပွဲအခမ်းအနားသို့ တက်ရောက်
ဇန်လ ၂၀၂၀ ခုနှစ်၊ ၂၅ ရက် U Min Eya Htyke

ဟားခါး ဇန်နဝါရီ ၂၅ ချင်းပြည်နယ်၏ ဒေသတွင်း ခရီးသွားလုပ်ငန်းပိုမိုဖွံ့ဖြိုးတိုးတက်စေရေး လောက်နူးမြေ (ကန်ပက်လက်)ရိုးရာယဉ်ကျေးမှု ဓလေ့ထုံးစံများ၊အမွေအနှစ်များ ဖော်ထုတ်ထိန်းသိမ်းနိုင်ရေးနှင့် ခေါ်နူးစုမ်တောင်နှင့်သဘာဝပတ်ဝန်းကျင်ကို ထိန်းသိမ်းစောင့်ရှောက်နိုင်သည့်အလေ့အကျင့်ကောင်း များရရှိစေရေး ရည်ရွယ်လျက် ချင်းပြည်နယ်အစိုးရအဖွဲ့၏လမ်းညွှန်ကြီးကြပ်မှုနှင့်အတူ ချင်းပြည်နယ် ခရီးသွားလုပ်ငန်းဖွံ့ဖြိုးတိုးတက်ရေးကောင်မတီ၊ ချင်းပြည်နယ်ဟိုတယ်နှင့်ခရီးသွားညွှန်ကြားမှု ဦးစီးဌာန၊ လွှတ်​​တော်ကိုယ်စားလှယ်များနှင့်ဒေသခံပြည်သူများ၊ ခရိုင်/မြို့နယ် စီမံခန့်ခွဲမှုကော်မတီတို့ ပူးပေါင်း၍ ပထမဦးဆုံးအကြိမ်ကျင်းပသည့်လောက်နူးမြေယဉ်ကျေးမှုနှင့် ခေါ်နူးစုမ်တောင်ဇလပ်ပန်း ပွဲတော်ဖွင့်ပွဲအခမ်းအနားကို ယနေ့နံနက် ၉ နာရီအချိန်က ကန်ပက်လက်မြို့၊ အခြေခံပညာ အထက်တန်းကျောင်း ဘောလုံးကွင်း၌ ကျင်းပပြုလုပ်ရာ ရှေးဦးစွာ ဖွင့်ပွဲအခမ်းအနားအား ချင်းရိုးရာမုခ်ဦးရှေ့၌ ကျင်းပရာ ချင်းပြည်နယ်ဝန်ကြီးချုပ် ဦးဆလိုင်းလျန်လွယ်၊ ချင်းပြည်နယ် လွှတ်တော်ဥက္ကဋ္ဌဦးဇိုဘွဲ၊ စည်ပင်သာယာရေး၊လျှပ်စစ်နှင့်စက်မှုလက်မှုဝန်ကြီး ဦးစိုးထက်၊ လူစွမ်းအားအရင်းအမြစ်ဝန်ကြီးဦးဖွေအားနှင့် ပြည်သူ့လွှတ်တော်ကိုယ်စားလှယ် ဦးညွန့်ဝင်း တို့က ဖဲကြိုးဖြတ်၍ ဖွင့်လှစ်ပေးခဲ့ကြပြီး ဝန်ကြီးချုပ်နှင့် တက်ရောက်လာကြသည့် ဧည့်သည်တော်များ အမှတ်တရ ဓာတ်ပုံရိုက်ကူးခဲ့ကြသည်။ ထို့နောက် ဒုတိယပိုင်းအခမ်းအနားကို လောက်နူးမြေရိုးရာယဉ်ကျေးမှုနှင့် ခေါ်နူးစုမ် တောင်ဇလပ်ပန်းပွဲတော် ဖွင့်ပွဲမဏ္ဍပ်စင်မြင့်တွင် ဆက်လက်ကျင်းပရာ ချင်းပြည်နယ်ဝန်ကြီးချုပ်က ဒေသရဲ့ခရီးသွားလုပ်ငန်းပုံရိပ်ကို ပိုမိုမြှင့်တင်နိုင်ရန်လည်းကောင်း ၊ တိမ်မြှပ်ပျောက်ကွယ်နေတဲ့ရိုးရာ ယဉ်ကျေးမှုများကို ပြန်လည်ဖော်ထုတ်နိုင်ရန် လည်းကောင်း၊ ခေါ်နူးစုမ်တောင်နဲ့သဘာဝ ပတ်ဝန်းကျင်ကိုထိန်းသိမ်းစောင့်ရှောက်ရေး အလေ့အကျင့်ကောင်းများပေါ်ထွန်းစေရန် လည်း ကောင်း၊ လောက်နူးမြေရိုးရာယဉ်ကျေးမှုနှင့်ခေါ်နူးစုမ်တောင်ဇလပ်ပန်းပွဲတော် ကျင်းပရခြင်းဖြစ်ပါ ကြောင်း၊ ဒေသခံ ရပ်ရွာပြည်သူများ၏အသိုက်အဝန်း၊လုပ်ငန်းရှင်များအသိုက်အဝန်း၊အစိုးရဌာနများ နှင့်အသင်းအဖွဲ့များစသည့် အသိုက်အဝန်းတစ်ခု(Community)တစ်ခုမှအခြေခံကာ ဆောင်ရွက် နေသောလူထုအခြေပြု ခရီးသွားလုပ်ငန်း(Community Based Tourism)ကတဆင့် အသိုက်အဝန်းများနှင့်အဖွဲ့အစည်းများအားလုံး စုပေါင်းပါဝင်ဆောင်ရွက်သည့် ခရီးသွားလုပ်ငန်း (Community Involvement Tourism)သို့ တက်လှမ်းသောခြေလှမ်းတစ်ရပ်ပင်ဖြစ်ပါ ကြောင်း၊ကန်ပက်လက်မြို့အနေဖြင့် တန်ဖိုးမြင့် ခရီးသွားလုပ်ငန်းဆိုင်ရာ အရင်းအမြစ်ကောင်းများ ပိုင်ဆိုင်ထားခြင်း၊ဒေသခံများ၏ ခရီးသွားလုပ်ငန်းအပေါ်မှာ ပူးပေါင်းဆောင်ရွက်မှု အားကောင်းခြင်း၊ ခရီးသွားလုပ်ငန်းဆိုင်ရာအခြေခံအဆောက်အဦများ တည်ဆောက်ပြီးဖြစ်ခြင်းတို့ကြောင့် ခရီးသွား လုပ်ငန်းဆိုင်ရာ ဂုဏ်မြင့်မားသည့်အာဆီယံ (ASEAN)အဖွဲ့မှ(၂)နှစ်လျှင်တစ်ကြိမ် ချီးမြှင့်တဲ့ ASEAN Clean Tourist City ဆုကိုလည်း ရရှိအောင် ပူးပေါင်းဆောင်ရွက်စေလိုကြောင်း အဖွင့်အမှာစကား ပြောကြားပြီးနောက် အမျိုးသားလွှတ်တော်ကိုယ်စားလှယ် ဒေါ်ခင်ဆွေလွင်က ပွဲတော်အခမ်းအနား ကျင်းပရခြင်း၏ ရည်ရွယ်ချက်များနှင့် ပွဲတော် ကျင်းပဆောင်ရွက်နိုင်ခြင်းတို့ အတွက် ဒေသခံများ ကိုယ်စား ကျေးဇူးတင်စကား ပြောကြားသည်။ ယင်းနောက် လောက်နူးမြေ လူမျိုးစု (၅)စုတို့၏ ရိုးရာ အကများဖြစ်သော ရာ့ ရိုးရာ၊ မွင်းရိုးရာ၊ ဒါးရင်ဒူးရိုးရာ၊ ဥ(ပ်)ပူးရိုးရာနှင့် ဒိုင်ရိုးရာ ယဉ်ကျေးမှု အဖွဲ့တို့မှ ရိုးရာယဉ်ကျေးမှု အကများဖြင့် ကပြဖျော်ဖြေခဲ့ကြပြီး စုပေါင်း မှတ်တမ်းတင်ဓာတ်ပုံရိုက်ကူးခဲ့ကြပါသည်။ ထို့နောက် ဝန်ကြီးချုပ်နှင့် တက်ရောက်လာကြသူများသည် ပြခန်းများတွင် ပြသထားသော လောက်နူးမြေ ရိုရာယဉ်ကျေးမှုပြခန်းများကို လှည့်လည်ကြည့်ရှုခဲ့ကြပြီးနောက် ကန်ပက်လက်မြို့ Tourist Information Centre ဖွင့်ပွဲ အခမ်းအနားကို ပြည်နယ်ဝန်ကြီးချုပ်တက်ရောက်၍ ဖဲကြိုးဖြတ်ဖွင့်လှစ်ပေးခဲ့ပါသည်။ လောက်နူးမြေရိုးရာယဉ်ကျေးမှုနှင့် ခေါ်နူးစုမ်တောင်ဇလပ်ပန်းပွဲတော်ကို ဇန်နဝါရီလ ၂၅ ရက်နေ့မှ ၂၆ ရက်နေ့အထိ စည်ကားသိုက်မြိုက်စွာ ကျင်းပပြုလုပ်မည်ဖြစ်ပြီး ဇန်နဝါရီ ၂၅ရက်ညပိုင်းတွင်ရိုးရာလုံယူး ကျောက်ပျဉ်ချီ ပွဲတော် ကျင်းပခြင်း၊ တေးသံရှင် ယောကီးအပါအဝင် ဒေသတွင်း အဆိုတော်များဖြင့် သီဆိုဖျော်ဖြေခြင်း ဇန်နဝါရီလ ၂၆ ရက်နေ့တွင် ခေါ်နူးစုမ်တောင်သို့ (၁၁)မိုင်လမ်းခွဲမှစ၍ လမ်းလျှောက်ချီတက်ပြိုင်ပွဲ ကျင်းပခြင်းနှင့် ဆုချီးမြှင့်ခြင်း၊ ခေါ်နူးစုမ် တောင်ဇလပ်ပန်း ထိန်းသိမ်းစောင့်ရှောက်ခြင်းဆိုင်ရာ ကဗျာ၊စာစီစာကုံးနှင့် ဆောင်းပါးပြိုင်ပွဲ ဆုရရှိသူများအား ဆုချီးမြှင့်ခြင်းများဖြင့် စည်ကားသိုက်မြိုက်စွာ ကျင်းပမည်ဖြစ်ကြောင်း သိရှိရသည်။ ဆက်လက်ပြီး နေ့လယ် ၁၁နာရီအချိန်တွင် ဝန်ကြီးချုပ်နှင့်ဧည့်သည်တော်များသည် ၂၀၁၈−၂၀၁၉ဘဏ္ဍာနှစ် ပြည်ထောင်စုခွင့်ပြုရန်ပုံငွေ ကျပ်သန်း ၂၅၀ ဖြင့် ဆောက်လုပ်ပြီးစီးသည့် ကန်ပက်လက်မြို့ မိုးလုံလေလုံ အားကစား အဆောက်အဦဖွင့်ပွဲအားတက်ရောက်၍ ဖဲကြိုးဖြတ်ဖွင့် လှစ်ပေးကာ အဆောက်အဦအတွင်း လှည့်လည်ကြည့်ရှုစစ်ဆေးခဲ့ကြသည်။ ထို့နောက် မွန်းလွဲ ၂နာရီအချိန်တွင် ပြည်နယ်ဝန်ကြီးချုပ်နှင့်အဖွဲ့သည် ခေါ်နူးစုမ် လေယာဉ်ကွင်းဆောက်လုပ်မည့် နေရာသို့ သွားရောက်၍ ကြည့်ရှုရာ အမျိုးသားလွှတ်တော် ကိုယ်စားလှယ် ဒေါ်ခင်ဆွေလွင်နှင့် သက်ဆိုင်ရာတာဝန်ရှိသူများက လိုက်လံရှင်းလင်းပြသခဲ့ကြောင်း သိရှိရပါသည်။ မြင့်နိုင်စိုး(ပြန်/ဆက်)

(၇၂)နှစ်မြောက် ချင်းအမျိုးသားနေ့အခမ်းအနားစည်ကားသိုက်မြိုက်စွာဖြင့်အောင်မြင်စွာ ကျင်းပနိုင်ရေး ပဉ္စမအကြိမ်လုပ်ငန်းညှိနှိုင်းအစည်းအဝေးကျင်းပ
ဇန်လ ၂၀၂၀ ခုနှစ်၊ ၂၁ ရက် U Min Eya Htyke

(၇၂)နှစ်မြောက် ချင်းအမျိုးသားနေ့အခမ်းအနားစည်ကားသိုက်မြိုက်စွာဖြင့်အောင်မြင်စွာ ကျင်းပနိုင်ရေး ပဉ္စမအကြိမ်လုပ်ငန်းညှိနှိုင်းအစည်းအဝေးကျင်းပ

လူထုဗဟိုပြုစီမံကိန်းထပ်မံတိုးချဲ့ဆောင်ရွက်ရန်မြို့နယ်ရွေးချယ်ရေးအကြံဉာဏ်ရယူခြင်းအခမ်းအနားသို့ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်တက်ရောက်အမှာစကားပြောကြား
ဇန်လ ၂၀၂၀ ခုနှစ်၊ ၂၁ ရက် U Min Eya Htyke

လူထုဗဟိုပြုစီမံကိန်းထပ်မံတိုးချဲ့ဆောင်ရွက်ရန်မြို့နယ်ရွေးချယ်ရေးအကြံဉာဏ်ရယူခြင်းအခမ်းအနားသို့ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်တက်ရောက်အမှာစကားပြောကြား

ဟားခါးမြို့နယ်စည်ပင်သာယာရေးအဖွဲ့ပိုင်ပြည်တော်သာမြို့မစျေးအဆောက်အဉီအသစ်ဖွင့်ပွဲအခမ်းအနားသို့ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်တက်ရောက်
ဇန်လ ၂၀၂၀ ခုနှစ်၊ ၁၉ ရက် U Min Eya Htyke

ဟားခါး ဇန်နဝါရီ ၁၈ ချင်းပြည်နယ်အစိုးရအဖွဲ့၏လမ်းညွှန်မှု၊စည်ပင်သာယာရေး၊လျှပ်စစ်နှင့်စက်မှုလက်မှုဝန်ကြီး၏အနီးကပ် ကြီးကြပ်မှုဖြင့် အကောင်အထည်ဖော်တည်ဆောက်သည့် ဟာခါးမြို့နယ် စည်ပင်သာယာရေးအဖွဲ့ပိုင် ၊ပြည်တော် သာမြို့မစျေးအဆောက်အဉီအသစ်ဖွင့်ပွဲအခမ်းအနားကို ဇန်နဝါရီ ၁၈ ရက်နံနက် ၉ နာရီက အဆိုပါ အဆောက်အဉီ သစ်ရှေ့၌ကျင်းပသည်။ ရှေးဉီးစွာ ခရစ်ယာန်ဘာသာထုံးတမ်းအစဉ်အလာအရ သိက္ခာတော်ရဆရာတော်ဒေါက်တာစတီဗင်လျန် ဟုပ်လိန်းက အထူးဆုတောင်းပေးပြီးနောက် ချင်းပြည်နယ်တရားလွှတ်တော်တရားသူကြီးချုပ်ဉီးဝင်းမြင့်ကျော် ၊ ပြည်နယ်စာရင်းစစ်ချုပ် ဉီးလာလ်တင်မန်း ၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးဟန်ဝင်း အောင် ၊ ပြည်နယ်စည်ပင်သာယာရေး၊လျှပ်စစ်နှင့်စက်မှုလက်မှုဝန်ကြီးဉီးစိုးထက် ၊ ပြည်နယ်လူဝင်မှုကြီးကြပ် ရေးနှင့်လူ့စွမ်းအားအရင်းအမြစ်ဝန်ကြီးဉီးဖွေအား ၊ သိက္ခာတော်ရဆရာတော်ဒေါက်တာစတီဗင်လျန်ဟုပ်လိန်း၊ မြို့မိမြို့ဖဉီးငွန်ဆန်းအောင်တို့က ပြည်တော်သာမြို့မစျေးအဆောက်အဉီအသစ်အားဖဲကြိုးဖြတ်ဖွင့် လှစ်ပေး ကြသည်။ ဆက်လက်၍ ပြည်နယ်ဝန်ကြီးချုပ်ဉီးဆလိုင်းလျန်လွယ်က ပြည်တော်သာမြို့မစျေးအဆောက်အဉီ အသစ် ကမ္ပည်းမော်ကွန်း​ကျောက်စာအားစက်ခလုတ်နှိပ်ဖွင့်ပေးပြီးနောက် တက်ရောက်လာ ကြသည့်တာဝန် ရှိသူများကကမ္ပည်း မော်ကွန်းကျောက်စာအား အမွှေးနံ့သာရည်များပတ်ဖျန်းပေးကြကာ စုပေါင်းမှတ်တမ်း တင်ဓာတ်ပုံ ရိုက်ကူးခဲ့ကြသည်။ ထို့နောက်ဝန်ကြီးချုပ်နှင့် တာဝန်ရှိသူများသည် ပြည်တော်သာမြို့မစျေးအဆောက်အဉီအသစ်အတွင်း ရောင်းချလျက်ရှိသည့် စျေးဆိုင်ခန်းများအား လှည့်လည်ကြည့်ရှုစစ်ဆေးခဲ့ကြပြီး စျေးသည်၊စျေးဝယ်များအား ရင်းရင်းနှီးနှီးမိတ်ဆက်စကားပြော ကြားခဲ့ကြသည်။ အဆိုပါ ဟားခါးမြို့နယ်စည်ပင်သာယာရေးပိုင် ၊ ပြည်တော်သာမြို့မစျေးRC(၄)ထပ်အဆောက်အဉီကို နိုင်ငံတော်၏ ထောက်ပံ့ငွေကျပ်သန်း(၆၀၀)၊ ချင်းပြည်နယ်အစိုးရအဖွဲ့၏ခွင့်ပြုရန်ပုံငွေကျပ် (၂၁၅.၄၆) သန်း ၊ မူလဆိုင်ခန်းပိုင် ရှင်များနှင့်ဆိုင်ခန်းများရောင်းချခြင်းမှရရှိငွေကျပ်သန်း(၆၇၀) စုစုပေါင်းကျပ်(၁၄၈၅.၄၃၆) သန်း ဖြင့် အဆောက်အဉီးအထူးအဖွဲ့(၉)မှတာဝန်ယူဆောင်ရွက်ခဲ့ပြီး ဟားခါးမြို့နယ်အတွင်းရှိ ဒေသခံပြည်သူ များ အဆင်ပြေလွယ်ကူစွာရောင်းဝယ်နိုင်ရေးအတွက်ဟားခါးမြို့၏ ပထမဉီးဆုံးသော စျေးသစ်ကြီးဖြစ်ကြောင်း သိရသည်။ ကျော်စွာ(ပြန်/ဆက်)

မြန်မာ−ဂျပန် လူ့စွမ်းအားအရင်းအမြစ်ဖွံ့ဖြိုးတိုးတက်မှုဗဟိုဌာန(MJC)မှကျင်းပသည့်ဟောပြောပွဲအခမ်းအနားသို့ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်တက်ရောက်အမှာစကားပြောကြား
ဇန်လ ၂၀၂၀ ခုနှစ်၊ ၁၇ ရက် U Min Eya Htyke

မြန်မာ−ဂျပန် လူ့စွမ်းအားအရင်းအမြစ်ဖွံ့ဖြိုးတိုးတက်မှုဗဟိုဌာန(MJC)မှကျင်းပသည့်ဟောပြောပွဲအခမ်းအနားသို့ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်တက်ရောက်အမှာစကားပြောကြား

ချင်းပြည်နယ်ဒေသဆိုင်ရာခရီးသွားလုပ်ငန်းကော်မတီ(၁/၂၀၂၀) အစည်းအဝေးဟားခါး၌ကျင်းပ
ဇန်လ ၂၀၂၀ ခုနှစ်၊ ၁၆ ရက် U Min Eya Htyke

ဟားခါး ဇန်နဝါရီ ၁၆ ချင်းပြည်နယ် ဒေသဆိုင်ရာခရီးသွားလုပ်ငန်းကော်မတီ(၁/၂၀၂၀) အစည်းအဝေးကို ဇန်နဝါရီ ၁၆ ရက် ညနေ ၄ နာရီက ချင်းပြည်နယ် အစိုးရအဖွဲ့ရုံး အစည်းအဝေးခန်းမ၌ကျင်းပရာ ဒေသဆိုင်ရာခရီးသွား လုပ်ငန်းကော်မတီ ဉက္ကဌ၊ ပြည်နယ်ဝန်ကြီးချုပ်ဉီးဆလိုင်းလျန်လွယ်က အဖွင့်အမှာစကားပြော ကြားသည်။ ထို့နောက် ချင်းပြည်နယ်ဒေသဆိုင်ရာခရီးသွားလုပ်ငန်းကော်မတီ အတွင်းရေးမှူး၊ ဟိုတယ်နှင့် ခရီးသွားညွှန်ကြားမှုဉီးစီးဌာန ပြည်နယ်ဉီးစီးမှူး ဉီးအောင်ဖြိုးက ​ဒေသဆိုင်ရာခရီးသွားလုပ်ငန်း ကော်မတီ (၄/၂၀၁၉)၏ အစည်းအဝေးဆုံးဖြတ်ချက်များအား အကောင်အထည် ဖော်ထားရှိမှုများ၊ လောက်နူး မြေရိုးရာယဉ်ကျေးမှုနှင့်ခေါ်နူးစုမ် တောင်ဇလပ်ပန်းပွဲ တော်ကျင့်ပမည့် အစီအစဉ်များ နှင့်ဆက်လက်ဆောင်ရွက် ရမည့် လုပ်ငန်းစဉ်များ၊ချင်းပြည်နယ်ခရီးသွား လုပ်ငန်းတိုးတက်ရေးစီမံကိန်း (၂၀၂၀−၂၀၂၅)မူကြမ်း အတည်ပြုနိုင်ရေးအတွက်တင်ပြဆွေးနွေးခြင်းနှင့်ချင်းပြည်နယ်ခရီးသွားလုပ်ငန်းဖွံ့ဖြိုးတိုးတက်ရေးလုပ်ငန်းကိစ္စရပ်များအားရှင်းလင်းတင်ပြပြီးနောက် ချင်းပြည်နယ် ဒေသဆိုင်ရာခရီးသွားလုပ်ငန်း ကော်မတီ ဒုတိယဉက္ကဌ၊ ပြည်နယ်စည်ပင်သာယာရေး၊ လျှပ်စစ်နှင့်စက်မှု လက်မှုဝန်ကြီးဉီးစိုးထက်က ခရီးသွားလုပ်ငန်းဆိုင်ရာကိစ္စရပ် များအားဖြည့်စွက်ဆွေးနွေးပြောကြားသည်။ ထို့နောက် တက်ရောက်လာကြသည့်ကော်မတီဝင်များက အကြံပြုဆွေး နွေးကြကာ ပြည်နယ် ဝန်ကြီး ချုပ်ဉီးဆလိုင်းလျန်လွယ်က နိဂုံးချုပ်အမှာစကားပြောကြားသည်။ အဆိုပါ အခမ်းအနားသို့ ပြည်နယ်ဝန်ကြီးချုပ် ဉီးဆလိုင်းလျန်လွယ်၊ ပြည်နယ်အစိုးရအဖွဲ့ဝင် ဝန်ကြီးများနှင့် ကော်မတီဝင်များ၊ ချင်းပြည်နယ်ဒေသဆိုင်ရာခရီးသွား လုပ်ငန်းအထောက်အကူပြု ကော်မတီဝင် များတက်ရောက်ကြပြီး ခရီးသွားလုပ်ငန်း ဆောင်ရွက်ရာတွင် တွေ့ကြုံရသည့် အခက်အခဲများကို ဒေသဆိုင်ရာ ခရီးသွား လုပ်ငန်းကော်မတီအနေဖြင့် သက်ဆိုင်ရာဌာန၊ အဖွဲ့အစည်းများနှင့် ပေါင်းစပ်ညှိနှိုင်းဆောင်ရွက် ပေးသွားမည်ဖြစ်ကြောင်းသိရှိရသည်။ ကျော်စွာ(ပြန်/ဆက်)

ချင်းပြည်နယ်ဝန်ကြီးချုပ်နှင့်အဖွဲ့ ထန်တလန်မြို့သို့မီးဘေးသင့်ပြည်သူများအား ထောက်ပံ့‌ပေးအပ်
ဇန်လ ၂၀၂၀ ခုနှစ်၊ ၁၄ ရက် U Min Eya Htyke

ချင်းပြည်နယ်ဝန်ကြီးချုပ်နှင့်အဖွဲ့ ထန်တလန်မြို့သို့မီးဘေးသင့်ပြည်သူများအား ထောက်ပံ့‌ပေးအပ် ===================================== ထန်တလန် ဇန်နဝါရီ ၁၃ ချင်းပြည်နယ်ဝန်ကြီးချုပ် ဦးဆလိုင်းလျန်လွယ်၊ ပြည်နယ်လွှတ်တော်ဥက္ကဌ ဦးဇိုဘွဲနှင့် ပြည်နယ်လမ်းပန်းဝန်ကြီး ဦးရွှေထီးအိုတို့တက်ရောက်၍ မီးဘေးသင့်ပြည်သူများအား ထောက်ပံ့ပေးအပ်လှူဒါန်းပွဲအခမ်းအနားကို ယနေ့ ညနေ ၄ နာရီ ၂၀ အချိန်က  မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ပြုလုပ်သည်။ ရှေးဦးစွာ ပြည်နယ်ဝန်ကြီးချုပ်နှင့်အဖွဲ့သည် အမှတ်(၁)ရပ်ကွက်ရှိ နေအိမ်(၃)လုံး မီးလောင်သည့်နေရာအား သွားရောက်ကြည့်ရှုကြပြီးနောက်ထောက်ပံ့ပေးအပ်ပွဲအခမ်းအနားကို ကျင်းပရာ ပြည်နယ်ဝန်ကြီးချုပ်ဦးဆလိုင်းလျန်လွယ်နှင့် ပြည်နယ်လွှတ်တော်ဥက္ကဌဦးဇိုဘွဲတို့က နှစ်သိမ့်အားပေးစကားပြောကြားကြသည်။ ဆက်လက်၍ မီးဘေးသင့်ပြည်သူများအား ပြည်နယ်ဝန်ကြီးချုပ်ဦးဆလိုင်းလျန်လွယ်က ငွေကျပ်(၁)သိန်း၊ ပြည်နယ်လွှတ်တော်ဥက္ကဌဦးဇိုဘွဲက ငွေကျပ်(၁၀)သိန်း၊ ပြည်နယ်လမ်းပန်းဝန်ကြီးဦးရွှေထီးအိုက ငွေကျပ်(၂)သိန်း၊ စုစုပေါင်းငွေကျပ် (၁၃)သိန်းကို ထောက်ပံ့ပေးအပ်ပြီး မီးဘေးသင့်ပြည်သူများကိုယ်စား ဦးထလာကျံုးက ကျေးဇူးတင်စကားပြောကြားခဲ့သည်။ အဆိုပါ အခမ်းအနားသို့ ချင်းပြည်နယ်ဝန်ကြီးချုပ်ဦးဆလိုင်းလျန်လွယ်၊ပြည်နယ်လွှတ်တော်ဥက္ကဌဦးဇိုဘွဲ၊ ပြည်နယ်လမ်းပန်းဝန်ကြီးဦးရွှေထီးအို မြို့နယ်စီမံခန့်ခွဲမှုကော်မတီဥက္ကဌဦး‌ေအာင်‌ေဆွမြင့်နှင့်အဖွဲ့ဝင်များ၊ မြို့မိမြို့ဖများ၊ မီးဘေးသင့်ပြည်သူများတက်ရောက်ခဲ့ကြောင်းသိရသည်။ မြို့နယ်(ပြန်/ဆက်)

ဖလမ်းမြို့နယ်၊ တလန်ရောန်ကျေးရွာ ကျောင်းဆောင်သစ်ဖွင့်ပွဲသို့ ပြည်နယ်ဝန်ကြီးချုပ် တက်ရောက်
ဇန်လ ၂၀၂၀ ခုနှစ်၊ ၁၁ ရက် U Min Eya Htyke

ဖလမ်း ဇန်နဝါရီ ၁၀ ဖလမ်းမြို့နယ်၊ တလန်ရောန်ကျေးရွာ အခြေခံပညာအလယ်တန်းကျောင်းဆောင်သစ်ဖွင့်ပွဲကို ဇန်နဝါရီ ၁၀ ရက် နံနက် ၁၀ နာရီက အဆိုပါကျောင်း၌ ပြုလုပ်သည်။ ကျောင်းဆောင်သစ်ကို ချင်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးဆလိုင်းလျန်လွယ်၊ ပြည်နယ်စိုက်ပျိုးရေး၊ သစ်တောနှင့် သတ္တုဝန်ကြီး ဦးမာန်ဟင်းဒါးလ်နှင့် ပြည်နယ်လူမှုရေးဝန်ကြီး ဦးပေါင်လွန်းမင့်ထန် တို့က ဖဲကြိုးဖြတ်ဖွင့်လှစ်ပေးသည်။ အဆိုပါအဆောက်အအုံသည် ၂၀၁၇-၂၀၁၈ ဘဏ္ဍာရေးနှစ် ပြည်ထောင်စုရန်ပုံငွေ ကျပ်သိန်း (၈၀၀)ဖြင့် Chin Dairial ကုမ္ပဏီက (၁၂၀×၃၀)ပေ Steel Structre ဖြင့် တာဝန်ယူဆောက်လုပ်ခဲ့ခြင်းဖြစ်သည်။ ထို့နောက် ပြည်နယ်ဝန်ကြီးချုပ်သည် တလန်ရောန်ကျေးရွာနှင့် အနီးနားရှီ ကျေးရွာများမှ ဒေသခံပြည်သူများနှင့် တွေ့ဆုံပွဲကို အဆိုပါကျောင်း၌ ဆက်လက်ပြုလုပ်ရာ ပြည်နယ်ဝန်ကြီးချုပ်၊ စိုက်ပျိုးရေး၊ သစ်တောနှင့် သတ္တုဝန်ကြီး၊ လမ်းပန်းဆက်သွယ်ရေးဝန်ကြီး ဦးရွှေထီးအိုးနှင့် လူမှုရေးဝန်ကြီးတို့က အမှာစကားပြောကြားပြီး အမျိုးသားလွှတ်တော်ကိုယ်စားလှယ် ဦးဇုန်လှယ်ထန်းက လွှတ်တော်အတွေ့အကြုံများ ရှင်းလင်းသည်။ ထို့နောက် ကျေးရွာဒေသခံပြည်သူများက ဒေသဖွံ့ဖြိုးရေးလိုအပ်ချက်များကို တင်ပြကြပြီး ပြည်နယ်ဝန်ကြီးချုပ်က သက်ဆိုင်ရာတာဝန်ရှိသူ များနှင့် ပေါင်းစပ်ညှိနှိုင်းဆောင်ရွက်ပေးကြောင်းသိရသည်။ ဂျွန်( ပြန်/ဆက်)

(၇၂)နှစ်မြောက် ချင်းအမျိုးသားနေ့အခမ်းအနားစည်ကားသိုက်မြိုက်စွာဖြင့်အောင်မြင်စွာ ကျင်းပနိုင်ရေး စတုတ္ထအကြိမ်လုပ်ငန်းညှိနှိုင်းအစည်းအဝေးသို့ချင်းပြည်နယ်ဝန်ကြီးချုပ်တက်ရောက်
ဇန်လ ၂၀၂၀ ခုနှစ်၊ ၁၀ ရက် U Min Eya Htyke

(၇၂)နှစ်မြောက် ချင်းအမျိုးသားနေ့အခမ်းအနားစည်ကားသိုက်မြိုက်စွာဖြင့်အောင်မြင်စွာ ကျင်းပနိုင်ရေး စတုတ္ထအကြိမ်လုပ်ငန်းညှိနှိုင်းအစည်းအဝေးသို့ချင်းပြည်နယ်ဝန်ကြီးချုပ်တက်ရောက်

မြန်မာနိုင်ငံ၏​ရေရှည်တည်တံ့ခိုင်မြဲပြီး ဟန်ချက်ညီ​သော ဖွံ့ဖြိုးတိုးတက်မှူစီမံကိန်း    (MSDP) ၊ စီမံကိန်းဘဏ်(Project Bank)   ဆိုင်ရာ ရှင်းလင်း​ဆွေး​နွေးပွဲ အခမ်းအနား
ဇန်လ ၂၀၂၀ ခုနှစ်၊ ၉ ရက် U Min Eya Htyke

ဟားခါး           ဇန်နဝါရီ      ၈ နိုင်ငံတော်စီးပွားရေးရာပေါင်းစပ်ညှိနှိုင်းရေးကော်မတီရုံး၊ စီမံကိန်းရေးဆွဲရေးဉီးစီးဌာန၊ မြန်မာဖွံ့ဖြိုးမှုအဖွဲ့ အစည်းနှင့်Renaissance Institute နှင့်ချင်းပြည်နယ်အစိုးရအဖွဲ့တို့ပူးပေါင်းကျင်းပသည့် မြန်မာနိုင်ငံ၏​ရေရှည်တည်တံ့ခိုင်မြဲပြီး ဟန်ချက်ညီ​သော ဖွံ့ဖြိုးတိုးတက်မှုစီမံကိန်း    (MSDP) ၊စီမံကိန်း ဘဏ်    (Project Bank)   ဆိုင်ရာ ရှင်းလင်း​ဆွေး​နွေးပွဲနှင့် စီမံကိန်း အဆိုပြုလွှာပုံစံ ဖြည့်စွက်ခြင်းဆိုင်ရာရှင်းလင်းပွဲ အခမ်းအနားကို ယနေ့မွန်းလွဲ၁နာရီအချိန်က ချင်းပြည်နယ်ဟားခါးမြို့ အမှတ်(၁)အခြေခံပညာအထက်တန်းကျောင်း ဗိုလ်တိုက်ချွန်း ခန်းမ၌ ကျင်းပပြုလုပ်ရာ ချင်းပြည်နယ် ဝန်ကြီးချုပ် ဉီးဆလိုင်းလျန်လွယ် တက်ရောက်၍ အမှာစကား​ပြောကြားသည်။ ဆက်လက်၍ Myanmar Development Institute (MDI) မှ  Senior Policy Specialist ​ဒေါ်သီဒါနွဲ့က စီမံကိန်းလုပ်ငန်းများ ဆောင်ရွက်ရာတွင် အောင်မြင်စွာ အကောင်အထည်ဖော်ဆောင်ရွက်နိုင်ရေးအတွက် သတင်း အချက်အလက်များရရှိစေရေး၊ မြန်မာနိုင်ငံအတွက်ရေရှည်တည်တံ့ပြီးဟန်ချက်ညီသောဖွံ့ဖြိုးတိုးတက်မှုစီမံကိန်းများ နှင့် စီမံကိန်းဘဏ်ဆိုင်ရာ လုပ်ငန်းအချက်အလက်များနှင့်ပတ်သတ်၍ အကျယ်တဝင့်ရှင်းလင်း​ဆွေး​နွေးပြီး​နောက် Myanmar Development Institute (MDI)မှ  Project Evaluation Specialist ​ဒေါက်တာစိုးခိုင် က စီမံကိန်း အဆိုပြုလွှာ ဖြည့်စွက်ခြင်းများနှင့် ပတ်သတ်၍ တိကျ မှန်ကန်​သော ဖွံ့ဖြိုးမှူများနှင့် မြန်မာနိုင်ငံ၏  ရေရှည်တည်တံ့ ခိုင်မြဲပြီးဟန်ချက်ညီ​သော ဖွံ့ဖြိုးတိုးတက်မှုစီမံကိန်းများ ထွက်​ပေါ်လာ​ရေး ဖြည့်စွက်ရမည့် စီမံကိန်း အဆိုပြုလွှာပါ ပုံစံအချက်အလက်များနှင့်ပတ်သတ်၍ အကျယ်တဝင့် ရှင်းလင်းဆွေးနွေးသည်။ ထို့နောက်တက်ရောက်လာကြသူများက စီမံကိန်းဘဏ်၊စီမံကိန်းရှင်းလင်းဆွေးခြင်းများနှင့်ပတ်သတ်၍သိရှိလို သည်များကိုပြန်လည်မေးမြန်းဆွေးနွေးခဲ့ကြပါသည်။ယင်းနောက် ချင်းပြည်နယ်အစိုးရအဖွဲ့ဝန်ကြီးချုပ်က Myanmar Development Institute (MDI) မှ တာဝန်ရှိသူများနှင့်စီမံကိန်းရေးဆွဲရေးဉီးစီးဌာနရုံးချုပ်မှတာဝန်ရှိသူများကို အမှတ်တရလက်ဆောင်ပစ္စည်းများ ပေးအပ်ခဲ့ကြောင်း ၊ အဆိုပါ ရှင်းလင်းဆွေးနွေးပွဲအခမ်းအနားသို့ ချင်းပြည်နယ် ဝန်ကြီးချုပ် ဉီးဆလိုင်းလျန်လွယ်၊ ပြည်နယ်အစိုးရအဖွဲ့ဝင်ဝန်ကြီးများ ၊ ပြည်နယ်အစိုးရအဖွဲ့အတွင်းရေးမှူး ဉီးတိုးဝင်း နှင့် ပြည်နယ်၊ခရိုင်၊မြို့နယ်အဆင့်ဌာနဆိုင်ရာများမှတာဝန်ရှိသူများ တက်ရောက်ခဲ့ကြကြောင်းသိရှိရသည်။ မြင့်နိုင်စိုး(ပြန်/ဆက်)