အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချင်းပြည်နယ်ဦးစီးမှူးရုံး၏ (၇.၁၁.၂၀၁၉)မှ (၁၃.၁၁.၂၀၁၉)ထိ ဆောင်ရွက်ချက်များ
နိုလ ၂၀၁၉ ခုနှစ်၊ ၁၈ ရက် James Sing

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချင်းပြည်နယ်ဦးစီးမှူးရုံး၏ (၇.၁၁.၂၀၁၉)မှ (၁၃.၁၁.၂၀၁၉)ထိ ဆောင်ရွက်ချက်များ အများပြည်သူများ သိရှိစေရန် တင်ပြသည်။

ချင်းပြည်နယ်အတွင်းရှိ ချင်းလူမျိုးစုများ၏ တိုင်းရင်းသားစာပေ ဆွေးနွေးပွဲ ဟားခါး၌ကျင်းပ
နိုလ ၂၀၁၉ ခုနှစ်၊ ၁၆ ရက် U Min Eya Htyke

ဟားခါး နိုင်ဝင်ဘာ ၁၆ ချင်းပြည်နယ်အတွင်းရှိ ချင်းလူမျိုးစုများ၏ တိုင်းရင်းသားစာပေ ဆွေးနွေးပွဲကို နိုဝင်ဘာ ၁၅ရက် မွန်းလွဲ ၁ နာရီက ဟားခါးမြို့၊ ချင်းပြည်နယ်လွှတ်တော် ရေးရာကော်မတီ အစည်းအဝေးခန်းမ၌ ကျင်းပရာ ချင်းပြည်နယ် ဝန်ကြီးချုပ် ဦးဆလိုင်းလျန်လွယ်နှင့် ပြည်နယ်လွှတ်တော် ဉက္ကဌ ဦးဇိုဘွဲတို့က အဖွင့်အမှာစကား ပြောကြားကြသည်။ ထို့နောက် ပြည်နယ်လူမှုရေးဝန်ကြီး ဦးပေါင်လွန်းမင့်ထန်က တိုင်းရင်းသားစာပေဆိုင်ရာများကို ရှင်းလင်းပြောကြားပြီး ချင်းပြည်နယ်အတွင်းရှိ မြို့နယ်(၉)မြို့နယ်မှ တိုင်းရင်းသားစာပေနှင့် ယဉ်ကျေးမှုကော်မတီ ဉက္ကဌနှင့် အတွင်းရေးမှူးများက လူမျိုးစုအလိုက် တိုင်းရင်းသားစာပေ ဆိုင်ရာများကို ဆွေးနွေးကြရာ ဆွေးနွေးချက်များအပေါ် ပြည်နယ်ဝန်ကြီးချုပ်နှင့် ပြည်နယ်လွှတ်တော် ဉက္ကဌတို့က ဖြည့်စွက်ဆွေးနွေးခဲ့ကြသည်။ အဆိုပါ ဆွေးနွေးပွဲသို့ ပြည်နယ်ဝန်ကြီးချုပ်၊ ပြည်နယ်လွှတ်တော် ဉက္ကဌနှင့်ဒုတိယဉက္ကဌ အစိုးရအဖွဲ့ဝင်ဝန်ကြီးများ ၊လွှတ်တော်ကိုယ်စားလှယ်များ၊ မြို့နယ်(၉)မြို့နယ်မှ တိုင်းရင်းသားစာပေနှင့် ယဉ်ကျေးမှုကော်မတီဉက္ကဌနှင့် အတွင်းရေးမှူးများ၊ ချင်းပြည်နယ် တိုင်းရင်းသား စာပေနှင့် ယဉ်ကျေးမှုဦးစီးဌာနရုံးမှ တာဝန်ရှိသူများ တက်ရောက်ခဲ့ကြောင်းသိရသည်။ ဆလိုင်း(ပြန်/ဆက်)

ချင်းပြည်နယ်ဝန်ကြီးချုပ်ဉီးဆလိုင်းလျန်လွယ် ပလက်ဝမြို့နယ်မီးဇာကျေးရွာမှပြောင်းရွှေ့လာသော အိမ်ထောင်စုဝင်များအားအလှူငွေနှင့်ပစ္စည်းများထောက်ပံ့
နိုလ ၂၀၁၉ ခုနှစ်၊ ၁၆ ရက် U Min Eya Htyke

ဟားခါး နိုဝင်ဘာ ၁၆ ချင်းပြည်နယ် ပလက်ဝမြို့နယ် မီးဇာကျေးရွာမှထန်တလန်မြို့နယ်သီကီရ်ကျေးရွာသို့ပြောင်းရွှေ့ နေထိုင်မည့် တိုက်ပွဲရှောင်ဘောမ်လူမျိုးများအား အလှူငွေနှင့်ပစ္စည်းများ ထောက်ပံ့ခြင်း အခမ်းအနားကို ထန်တလန်မြို့ အမှတ်(၂)ရပ်ကွက်ရှိ ထန်တလန်နှစ်ခြင်း အသင်းတော်(TBC)ဘုရားကျောင်း၌ ကျင်းပရာ ချင်းပြည်နယ်အစိုးအဖွဲ့ဝန်ကြီးချုပ်ဉီးဆလိုင်းလျန်လွယ် ၊ ပြည်နယ်လွှတ်တော်ဉက္ကဌဉီးဇိုဘွဲ တို့ကအားပေး စကားပြောကြားသည်။ ထို့နောက် ပြောင်းရွှေ့လာသည့် အိမ်ထောင်စုဝင်များအားအလှူငွေနှင့်ပစ္စည်းများပေးအပ်ရာ ပြည်နယ် အစိုးရအဖွဲ့မှ ငွေကျပ် (၁၀)သိန်း ၊ ပြည်နယ်လွှတ်တော်မှ ငွေကျပ်(၁၀)သိန်းတို့ကို ထောက်ပံ့ ပေးအပ်ပြီး ပြည်နယ်လူမှုရေးဝန်ကြီး ဉီးပေါင်လွန်းမင့်ထန်က ပြည်နယ်သဘာဝဘေး စီမံခန့်ခွဲမှု ကော်မတီမှ လှူဒါန်းသည့် အသုံးအဆောင်ပစ္စည်း(၁၁)ဖာ၊စောင်၊အထည်နှင့်ပုဆိုး(၆)အိတ်၊ စစ်ဗျူဟာ (အခြေချ)ဟားခါးမှစစ်ဗျူဟာမှူး ဗိုလ်မှူးကြီးသန့်ဇင်ဉီးကဆန်(၁၀)အိတ်၊ပဲ(၁)အိတ်၊ ရွှေဖီဉီး(၃၀)ထုပ်ပါ(၁)ဖာ၊ဆီ(၂၀)ပိဿာ၊နို့မှုန့်(၃၀)ထုပ်၊ ဖျော်ရည်(၅၀)ဗူးနှင့်အားကစားပစ္စည်းများ၊ ပြည်နယ် ကျေးလက်ဒေသ ဖွံ့ဖြိုးတိုးတက်ရေးဉီးစီးဌာန မှ Family Kit(၄၀)ဗူးနှင့်ရေဆွဲပုံး(၄၀)၊ပြည်နယ် ဆည်မြောင်းနှင့်ရေအသုံးချမှုစီမံခန့်ခွဲရေးဉီးစီးဌာနမှ ငွေကျပ် (၂)သိန်း၊ ပြည်နယ်ပညာရေးမှူးမှ ကျောင်းသုံးဗလာစာအုပ် (၃၀)ဒါဇင်၊ ကျန်းမာရေးဉီးစီးဌာနမှဆေးဝါးပစ္စည်းများ၊ ထန်တလန်မြို့နယ် ဌာနဆိုင်ရာများမှ ငွေကျပ်(၂)သိန်း၊တီဘီစီအသင်းတော်မှစောင်(၁၂၇)ထည်၊ ခေါင်းအုံး(၁၂၄) လုံး၊ဖျာ(၄၃)ချပ်၊အခင်း(၆၂)ခု၊အဝတ်အထည်(၁)အိတ်၊ နှာဟရိန်မြို့ရှိ ဧမာနွေလနှစ်ခြင်း အသင်းတော်မှ ငွေကျပ်(၁)သိန်း၊ ကက်သလစ်အသင်းတော်မှငွေကျပ်(၁)သိန်း၊အလှူရှင်(၂)ဉီးမှ​ငွေကျပ်(၁၀)သိန်းနှင့်သီကီရ် ကျေးရွာ အုပ်စုရှိဒေသခံ ပြည်သူများမှ တစ်အိမ်ထောင်စုလျှင်ဆန်(၁)အိတ်တို့ဖြင့် ဆန်၊ဆီ၊မီးဖိုချောင်သုံး ပစ္စည်း များ၊ စာရေးကိရိယာနှင့်ရေသန့်ဗူးများ၊ ပစ္စည်းအမျိုးအမည်ပေါင်း(၂၁)မျိုးစုစုပေါင်းတန်ဖိုးငွေကျပ် (၁၇၁၉၈၀၀) ကျပ်နှင့်ထောက်ပံ့ငွေကျပ်(၃၆)သိန်းအား အသီးသီးထောက်ပံ့ ပေးအပ် ခဲ့ကြပြီး ပြောင်းရွှေ့လာသူများကိုယ်စား ဉီးကျော်စန်း က ကျေးဇူးတင်စကားပြောကြားသည်။ ပြောင်းရွှေ့လာသည့် အိမ်ထောင်စုဝင်များပြန်လည်ထူထောင်ရေးအတွက် ကျေးလက်နေအိမ်(၂၄)လုံး အနက် နေအိမ်အလုံး(၂၀)တွင်နေရာချထားပြီးဖြစ်ကြောင်း ၊ သောက်သုံးရေးရရှိရေးအတွက် ချင်းပြည်နယ်အစိုး ရအဖွဲ့မှ ငွေကျပ်သိန်း(၁၉၁)သိန်းဖြင့်ရေသွယ်ယူခြင်း လုပ်ငန်းဆောင်ရွက်ပေးထားပြီး၊ လျှပ်စစ်ဓာတ်အားသုံးစွဲ နိုင်ရေးအတွက် ကျပ်သိန်း (၂၀)ဖြင့် ဆောင်ရွက်ပေးထားပြီး ဖြစ်ကြောင်း ၊ လုပ်ကိုင်စားသောက်မှုအနေဖြင့် မြေနေရာရရှိ လုပ်ကိုင်ဆောင်ရွက်နိုင်ရေး ချင်းပြည်နယ်အစိုးရအဖွဲ့နှင့် ပြည်နယ်လယ်ယာမြေစီမံခန့်ခွဲရေးနှင့် စာရင်းအင်းဉီးစီးဌာန၊ အမှတ်(၃) ကုန်းမြင့်လယ်ယာ မြေဖော်ထုတ် ရေးစီမံကိန်းရုံး ၊ စိုက်ပျိုးရေး ဉီးစီးဌာန၊ မွေးမြူရေးနှင့်ကုသရေးဉီးစီးဌာန၊ ကျေးလက်ဒေသဖွံ့ဖြိုးတိုးတက်ရေးဉီးစီးဌာန၊ နယ်စပ်ဒေသနှင့် တိုင်းရင်း သားလူမျိုးများ ဖွံ့ဖြိုးတိုးတက်ရေးဉီးစီးဌာန တို့ပါဝင်သည့် ပြန်လည် ထူထောင်ရေးကော်မတီများဖွဲ့စည်း ဆောင်ရွက်ပေးသွားမည်ဖြစ်ကြောင်း၊ တိုက်ပွဲရှောင် ပြည်သူများအား ချင်းပြည်နယ်အစိုးရအဖွဲ့နှင့် ဒေသခံ ပြည်သူများ ပူးပေါင်း၍ လတ်တလော စားဝတ်နေရေး အဆင်ပြေ စေရန်အတွက်ထောက်ပံ့ ပေးခြင်းဖြစ်ကြောင်း နှင့် အိမ်ထောင်စုစာရင်း များကိုလည်း ထုတ်ပေးခဲ့ပြီး ဖြစ်ကြောင်း သိရသည်။ ကျော်စွာ(ပြန်/ဆက်)

မြို့နယ်အဆင့် ကျောင်းပေါင်းစုံ အားကစားပြိုင်ပွဲတွင်ဝင်ရောက်ယှဉ်ပြိုင်မည့် အားကစားသမားများ ရွေးချယ်
နိုလ ၂၀၁၉ ခုနှစ်၊ ၁၅ ရက် U Min Eya Htyke

ဖလမ်း နိုဝင်ဘာ ၁၅ မြို့နယ်အဆင့် ကျောင်းပေါင်းစုံ အားကစားပြိုင်ပွဲတွင် ဝင်ရောက်ယှဉ်ပြိုင်မည့် အားကစား သမားများရွေးချယ်ပွဲကို နိုဝင်ဘာ ၁၅ ရက် နံနက်ပိုင်းက ဖလမ်းမြို့၊ ရာပြည့်အားကစားကွင်း၌ ပြုလုပ်သည်။ မြို့နယ်အဆင့် ကျောင်းပေါင်းစုံပြိုင်ပွဲတွင် ဘောလုံး( ကျား/မ )၊ ဘောလီဘော်( ကျား/မ )၊ ပိုက်ကျော်ခြင်း( ကျား )၊ မီတာ ၁၀၀( ကျား/ မ )၊ ၂၀၀( ကျား/မ )၊ ၄၀၀( ကျား/မ )၊ ၈၀၀( ကျား/မ )၊ ၁၅၀၀( ကျား/မ )၊ ၃၀၀၀( မ )၊ ၅၀၀၀( ကျား )အပြေး၊ သံလုံးပစ်( ကျား/မ )၊ သံပြားပစ်( ကျား/မ )၊ လှံတံပစ်( ကျား/မ )၊ အမြင့်ခုန်( ကျား/မ )၊ လက်ဆင့်ကမ်း မီတာ(၄၀၀)အပြေး( ကျား/မ )ပြိုင်ပွဲများအတွက် ဖလမ်းမြို့နယ်အဆင့် အားကစားသမားများရွေးချယ်ခြင်းဖြစ်ပြီး အဆိုပါ ရွေးချယ်သည့် အားကစားသမားများသည် ချင်းပြည်နယ်၊ ဟားခါးမြို့၌ ကျင်းပမည့် မြို့နယ်အဆင့် ကျောင်းပေါင်းစုံ အားကစားပြိုင်ပွဲများတွင် ဝင်ရောက်ယှဉ်ပြိုင်မည်ဖြစ် ကြောင်းသိရသည်။ ဂျွန်( ပြန်/ဆက် )

(၉၉)နှစ်မြောက်အမျိုးသားအောင်ပွဲနေ့အထိမ်းအမှတ်စာစီစာကုံးပြိုင်ပွဲဟားခါး၌ကျင်းပ
နိုလ ၂၀၁၉ ခုနှစ်၊ ၁၅ ရက် U Min Eya Htyke

ဟားခါး နိုဝင်ဘာ ၁၄ ပြန်ကြားရေးနှင့်ပြည်သူ့ဆက်ဆံရေးဉီးစီးဌာနနှင့်အခြေခံပညာကျောင်းများပူးပေါင်း၍ ကျောင်းသား၊ ကျောင်းသူများ ဉာဏစွမ်းရည်ဖွံ့ဖြိုးလာစေရေးနှင့် စာပေလေ့လာဖတ်ရှုခြင်းအလေ့အထကောင်းများရရှိ စေရေးနှင့် မျိုးချစ်စိတ်ဓာတ်များရှင်သန်ထက်မြက်လာစေရေး ရည်ရွယ်၍ (၉၉)နှစ်မြောက်အမျိုးသားအောင်ပွဲ နေ့အထိမ်းအမှတ် အထက်တန်းအဆင့်နှင့်အလယ်တန်းအဆင့် စာစီစာကုံးပြိုင်ပွဲကို နိုဝင်ဘာ ၁၄ ရက် နေ့တွင်ဟားခါးခရိုင်လူထုအခြေပြုဗဟိုဌာန (Cmmunity Centre)ခန်းမ၌ ကျင်းပရာဟားခါးမြို့ပေါ်ရှိ အခြေခံ ကျောင်းများမှကျောင်းသား၊ကျောင်းသူ(၄၆)ဉီးပါဝင်ယှဉ်ပြိုင် ကြသည်။ ရှေးဉီးစွာ ခရိုင်ပြန်ကြားရေးနှင့်ပြည်သူ့ဆက်ဆံရေးဉီးစီးဌာန ၊ ဒုတိယဉီးစီးမှူး ဒေါ်နီလာဝင်းက ပြိုင်ပွဲ ကျင်းပရခြင်း၏ရည်ရွယ်ချက်များအား ပြောကြားပြီး နံနက်(၁၀)နာရီတွင် အထက်တန်း အဆင့်စာစီစာကုံးပြိုင်ပွဲ ကို “ထိန်းသိမ်းအပ်ပေအမျိုးသားအမွေ”ခေါင်းစဉ်ဖြင့်လည်းကောင်း ၊ မွန်းလွဲ၁နာရီတွင် အလယ်တန်းအဆင့် စာစီစာကုံးပြိုင်ပွဲကို“အမျိုးသားနေ့တို့မမေ့”ခေါင်းစဉ် ဖြင့်လည်းကောင်း ကျင်းပခဲ့သည်။ အဆိုပါ (၉၉)နှစ်မြောက်အမျိုးသားအောင်ပွဲနေ့အထိမ်းအမှတ်အထက်တန်းအဆင့်နှင့် အလယ်တန်း အဆင့် စာစီစာကုံးပြိုင်ပွဲတွင် ပထမဆု ၊ ဒုတိယဆု ၊ တတိယဆု ရရှိသည့် ကျောင်းသား၊ကျောင်းသူလေးများကို နိုဝင်ဘာ ၂၀ ရက်နေ့ နံနက်၁၀နာရီတွင် ဆုများအသီးသီးပေးအပ်ချီးမြှင့်သွားမည်ဖြစ်ကြောင်း သိရသည်။ ကျော်စွာ(ပြန်/ဆက်)

ချင်းပြည်နယ်အတွင်းရှိလူငယ်များကြုံတွေ့နေရသောပြဿနာရပ်များအပေါ် ဉီးစားပေးဖြေရှင်းပေးနိုင်ရေး လုပ်ငန်းစီမံချက်ရေးဆွဲခြင်းအလုပ်ရုံဆွေးနွေးပွဲကျင်းပ
နိုလ ၂၀၁၉ ခုနှစ်၊ ၁၅ ရက် U Min Eya Htyke

ဟားခါး နိုဝင်ဘာ ၁၄ ချင်းပြည်နယ်လူမှုဝန်ထမ်းရုံး ၊ ချင်းပြည်နယ်လူငယ်ရေးရာကော်မတီနှင့် UNICEF အဖွဲ့တို့ပူးပေါင်း၍ ချင်းပြည်နယ်အတွင်းရှိ လူငယ်များကြုံတွေ့နေရသော ပြဿနာရပ်များအပေါ် ဉီးစားပေးဖြေရှင်းပေးနိုင်ရေး လုပ်ငန်းစီမံချက်ရေးဆွဲခြင်း အလုပ်ရုံဆွေးနွေးပွဲကို နိုဝင်ဘာ ၁၄ ရက် နံနက် ၉ နာရီက ဟားခါးမြို့ CACC ခန်းမ ၌ကျင်းပသည်။ အလုပ်ရုံဆွေးနွေးပွဲတွင် ပြည်နယ်လူမှုရေးဝန်ကြီး ဉီးပေါင်လွန်းမင့်ထန်က အမှာစကားပြောကြားရာတွင် မြန်မာနိုင်ငံလူငယ်ရေးရာမူဝါဒကို ၂၀၁၇ခုနှစ် ၊ နိုဝင်ဘာ (၈)ရက်နေ့တွင် ပြည်ထောင်စုအစိုးရအဖွဲ့မှအတည်ပြု ခဲ့ပြီး ၂၀၁၈ ခုနှစ် ဇန်နဝါရီ ၅ ရက်နေ့တွင် နိုင်ငံတော်၏အတိုင်ပင်ခံပုဂ္ဂိုလ်ကိုယ်တိုင် မိတ်ဆက်ဖြန့်ချိပေးခဲ့ပြီး ဖြစ်ပါကြောင်း၊ ချင်းပြည်နယ် လူငယ်ရေးရာကော်မတီအနေဖြင့် လူငယ်ရေးရာမူဝါဒဆိုင်ရာ အမျိုးသားအဆင့် မဟာဗျူဟာရေးဆွဲရေးလုပ်ငန်းအစည်းအဝေးတတိယအကြိမ်ထိကျင်းပနိုင်ခဲ့ပြီးချင်းပြည်နယ်အတွက် အဓိက ဉီးစားပေးဖြေရှင်းရမည့် ကဏ္ဍအဖြစ် ပညာရေး ၊ ကျန်းမာရေး ၊ နိုင်ငံရေးနှင့်လူ့အခွင့်အရေးကဏ္ဍများကို ရွေးချယ်ခဲ့ပါကြောင်း ၊ လတ်တလော ဖြေရှင်းရန် အလိုအပ်ဆုံးဖြစ်သည့် ကျန်းမာရေးကဏ္ဍ(မူးယစ်ဆေးဝါး)၊ စီးပွားရေးကဏ္ဍ၊(အလုပ်အကိုင်)နှင့် လူ့အခွင့်အရေးကဏ္ဍ (ကျား/မတန်းတူညီမျှရေး)ကဏ္ဍထား(၃)ခုကို အဓိက အလေးထားဆွေးနွေးပြီး လုပ်ငန်းစီမံချက် ရေးဆွဲသွားမည်ဖြစ်ကြောင်းဖြင့်ထည့်သွင်းပြောကြားသည်။ ထို့နောက် ပြည်နယ်လူမှုဝန်ထမ်းရုံး ညွှန်ကြားရေးမှူး ဉီးအေးမင်းညွန့်က အလုပ်ရုံဆွေးနွေးပွဲနှင့် ပတ်သက်၍ ရှင်းလင်းတင်ပြပြီး တက်ရောက်လာကြသူများ စုပေါင်းမှတ်တမ်းတင်ဓာတ်ပုံရိုက်ကူးကြသည်။ အဆိုပါ အလုပ်ရုံဆွေးနွေးပွဲသို့ ချင်းပြည်နယ်အတွင်းရှိ လူငယ်ရေးရာကော်မတီဝင်များ ၊ အဖွဲ့အစည်း အသီးသီးမှတာဝန်ရှိသူများ တက်ရောက်ကြပြီး အလုပ်ရုံဆွေးနွေးပွဲကို နိုဝင်ဘာ ၁၅ ရက်အထိ ကျင်းပမည်ဖြစ် ကြောင်းသိရသည်။ ကျော်စွာ (ပြန်/ဆက်)

ချင်းပြည်နယ် သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းစီမံချက် အတည်ပြုခြင်း အလုပ်ရုံဆွေးနွေးပွဲ ဟားခါး၌ကျင်းပ
နိုလ ၂၀၁၉ ခုနှစ်၊ ၁၅ ရက် U Min Eya Htyke

ဟားခါး နိုင်ဝင်ဘာ ၁၄ သဘာဝဘေးအန္တရာယ်ကြောင့် ထိခိုက်ဆုံးရှုံးမှုနည်းပါးစေရေးနှင့်ဘေးလျော့ပါးစေရေးကို ရည်ရွယ်၍ချင်းပြည်နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနနှင့် ရွှေ့ပြောင်းသွားလာ နေထိုင်ခြင်းဆိုင်ရာ နိုင်ငံတကာအဖွဲ့အစည်း(IOM)တို့ ပူးပေါင်းဆောင်ရွက်သည့် ချင်းပြည်နယ် သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းစီမံချက် အတည်ပြုခြင်း အလုပ်ရုံဆွေးနွေးပွဲကို နိုဝင်ဘာ ၁၄ရက် နံနက် ၉နာရီခွဲက ဟားခါးမြို့၊မြို့နယ်စုပေါင်းရုံး အစည်းအဝေးခန်းမ၌ကျင်းပသည်။ ရှေးဦးစွာ ပြည်နယ်လူမှုရေးဝန်ကြီး ဦးပေါင်လွန်းမင့်ထန်က အဖွင့်အမှာစကားပြောကြားရာ ချင်းပြည်နယ်တွင် ၂၀၁၅ခုနှစ်၊မိုးသည်းထန်စွာရွာသွန်းမှုများကြောင့် မြေပြိုမှုများကြုံတွေ့ခဲ့ရပြီး ပြည်သူများ ဘေးဒဏ်ကြုံတွေ့ခြင်း၊ပျက်စီးဆုံးရှုံးမှုများစွာခံစားရခြင်းများ ဖြစ်ပွားခဲ့သဖြင့် ယင်းဖြစ်စဉ်များကို သင်ခန်းစာယူဆန်းစစ်လေ့လာပြီး ထိခိုက်ဆုံးရှုံးမှုနည်းပါးစေရေး၊ ဘေးလျော့ပါးစေရေးတို့အတွက် ချင်းပြည်နယ် သဘာဝဘေးအန္တရာယ်ဆိုင်ရာ စီမံခန့်ခွဲမှု လုပ်ငန်းစီမံချက်ကို ၂၀၁၇ခုနှစ်တွင် စတင်ရေးဆွဲခဲ့ပြီး ယခုတွင် နောက်ဆုံးအကြိမ်ပြုလုပ်ခြင်း ဖြစ်၍ တက်ရောက်လာသူများအနေဖြင့် မိမိတို့အတွေ့အကြုံများ၊နည်းပညာများကို မိမိတို့ဒေသ၏ သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းများ အကောင်အထည်ဖော်ရေး ဆောင်ရွက်နိုင်ရေးအတွက် ဆွေးနွေးပေးကြရန် ပြောကြားသည်။ ထို့နောက် IOMအဖွဲ့မှ အမျိုးသားအစီအစဉ်အရာရှိ ဒေါ်အေးသိမ့်သူက ချင်းပြည်နယ် သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းစီမံချက် အတည်ပြုဆွေးနွေးခြင်းနှင့်ပတ်သက်၍ ရှင်းလင်းပြီး တက်ရောက်လာကြသူများက လုပ်ငန်းစီမံချက်နှင့်ပတ်သက်၍ ပြန်လည်ဆွေးနွေး ခဲ့ကြကြောင်းသိရသည်။ အခမ်းအနားသို့ ပြည်နယ်လူမှုရေးဝန်ကြီး၊ IOMအဖွဲ့မှတာဝန်ရှိသူများ၊ချင်းပြည်နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ပြည်နယ်ဦးစီးမှူး ဦးကျော်စိုးဝင်းနှင့်ဝန်ထမ်းများ၊ ပြည်နယ်အဆင့် ဌာနဆိုင်ရာအကြီးအကဲများတက်ရောက်ခဲ့ကြောင်းသိရသည်။ ဆလိုင်း(ပြန်/ဆက်)

အမှတ်(၃) ကုန်းမြင့်ဒေသ လယ်ယာမြေဖော်ထုတ်ရေးစီမံကိန်းရုံး
နိုလ ၂၀၁၉ ခုနှစ်၊ ၁၄ ရက် James Sing

အမှတ်(၃) ကုန်းမြင့်ဒေသ လယ်ယာမြေဖော်ထုတ်ရေးစီမံကိန်းရုံးအနေဖြင့် ယခုပတ်အတွင်း ၂၀၁၉-၂၀၂၀ ဘဏ္ဍာရေးနှစ်အတွင်း ဌာနအစီအစဉ်ဖြင့် ဖော်ထုတ်မည့် ထန်တလန်မြို့နယ်၊ ဒေါန်ကျေးရွာအုပ်စု၊ ရာလ်ပဲလ်ကျေးရွာတွင် ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။၂၀၁၉-၂၀၂၀ ဘဏ္ဍာရေးနှစ်အတွင်းကန်ထရိုက်စနစ်ဖြင့် ဆောင်ရွက်မည့် တင်ဒါစိစစ်ရွေးချယ်ရေးအခမ်းအနားအား (၇.၁၁.၂၀၁၉)ရက်နေ့တွင် မိမိစီမံကိန်းရုံးတွင် ကျင်းပပြုလုပ်ခဲ့ပါသည်။

စိုက်ပျိုးရေးဉီးစီးဌာနနှင့်စက်မှုလယ်ယာဉီးစီးဌာနတို့ပူးပေါင်း၍ Combine Harvester ဖြင့် ရိတ်သိမ်းခြွေလှေ့ခြင်းသရုပ်ပြပွဲနှင့်မိုးစပါးစံကွက်ရိတ်သိမ်း
နိုလ ၂၀၁၉ ခုနှစ်၊ ၁၄ ရက် U Min Eya Htyke

ဟားခါး နိုဝင်ဘာ ၁၄ ချင်းပြည်နယ် စိုက်ပျိုးရေးဉီးစီးဌာနနှင့် စက်မှုလယ်ယာဉီးစီးဌာနတို့ ပူးပေါင်း၍ Combine Harvester ဖြင့် ရိတ်သိမ်းခြွေလှေ့ခြင်းသရုပ်ပြပွဲနှင့်မိုးစပါးစံကွက်ရိတ်သိမ်းခြင်းအခမ်းအနားကို နိုဝင်ဘာ ၁၄ ရက် နံနက် ၈ နာရီက ဟားခါးမြို့နယ် သီးမစ်တောင်(ခ)ကွင်းအမှတ်(၅/၅)တွင်ကျင်းပသည်။ ရိတ်သိမ်းခြွေလှေ့ခြင်းသရုပ်ပြပွဲနှင့် မိုးစပါးစံကွက်ရိတ်သိမ်းပွဲသို့ ပြည်နယ်စိုက်ပျိုးရေး ၊ မွေးမြူရေး သစ်တောနှင့်သတ္တုဝန်ကြီး ဉီးမန်ဟင်းဒါးလ် ၊ ဟားခါးခရိုင် အထွေထွေအုပ်ချုပ်ရေးဉီးစီးဌာန အုပ်ချုပ်ရေးမှူး ဉီးလွင်ကိုဉီး၊ ပြည်နယ်စက်မှုလယ်ယာဉီးစီးဌာနပြည်နယ်ဉီးစီးမှူး ဉီးခင်မောင်ဝင်း ၊ ပြည်နယ်စိုက်ပျိုးရေး ဉီးစီးဌာန ဒုတိယပြည်နယ်ဉီးစီးမှူးများ ၊ မြို့နယ်အထွေထွေအုပ်ချုပ်ရေးဉီးစီးဌာန အုပ်ချုပ်ရေးမှူး ဉီးမြင့်ဉီး၊ ခရိုင်၊မြို့နယ် အဆင့်ဌာနဆိုင်ရာဝန်ထမ်းများနှင့်ဒေသခံတောင်သူများတက်ရောက်အားပေးခဲ့ကြသည်။ ၂၀၁၈−၂၀၁၉ မိုးစပါးရာသီတွင် သီးမစ်တောင်(ခ)ကွင်းအမှတ်(၅/၅)တွင် တောင်သူ(၂၂)ဉီးမှရွှေရင်အေး မျိုးစပါး၊ မျိုးသန့်မျိုးပွားမျိုးစေ့ကိုတောင်သူ(၂၂)ဉီးမှ (၂၅)ဧက စတင်စိုက်ပျိုးခဲ့ပြီး မျိုးပွားထုတ်လုပ်ပြီးရရှိလာ သည့်စီးပွားဖြစ်မျိုးသန့်မျိုးစေ့စိုက်ပျိုးနိုင်သောမျိုးသန့်ကို ဒေသတွင်းဖြန့်ဖြူးပေးလျက်ရှိကြောင်း ၊ ယနေ့ရိတ် သိမ်းသည့် တောင်သူဒေါ်လွန်ဆုန်၏မိုးစပါးစံကွက်တွင် ၁ ဧက မိုးစပါးအစို ၉၇ တင်း ထွက်ရှိကြောင်း မြို့နယ်စိုက်ပျိုးရေး ဉီးစီးဌာန မြို့နယ်ဉီးစီးမှူး ဉီးရဲဝင်းအောင်ထံမှသိရသည်။ ကျော်စွာ(ပြန်/ဆက်)

ချင်း ပြည်နယ်ပုဂ္ဂလိကကဏ္ဍဖွံ့ဖြိုးတိုးတက်ရေးအတွက်ငွေကြေးရရှိစေနိုင်မှုဆိုင်ရာကိစ္စရပ်များညှိနှိုင်းဆွေးနွေးပွဲ သို့တက်ရောက်
နိုလ ၂၀၁၉ ခုနှစ်၊ ၁၄ ရက် U Min Eya Htyke

ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်နှင့်ဒုတိယဝန်ကြီးဉီးမောင်မောင်ဝင်း ပြည်နယ်ပုဂ္ဂလိကကဏ္ဍဖွံ့ဖြိုးတိုးတက်ရေးအတွက်ငွေကြေးရရှိစေနိုင်မှုဆိုင်ရာကိစ္စရပ်များညှိနှိုင်းဆွေးနွေးပွဲ သို့တက်ရောက်