ပြည်နယ်အဆင့်ကဏ္ဍပေါင်းစုံပါဝင်သောအမျိုးသားအာဟာရဖွံ့ဖြိုးမှုဆိုင်ရာငါးနှစ်စီမံကိန်းလုပ်ငန်းစဉ် ရေးဆွဲရေးအလုပ်ရုံဆွေးနွေးပွဲကျင်းပ
ဒီလ ၂၀၁၉ ခုနှစ်၊ ၉ ရက် U Min Eya Htyke

ဟားခါး ဒီဇင်ဘာ ၉ ပြည်နယ်အဆင့်ကဏ္ဍပေါင်းစုံပါဝင်သောအမျိုးသားအာဟာရဖွံ့ဖြိုးမှုဆိုင်ရာငါးနှစ်စီမံကိန်းလုပ်ငန်းစဉ် ရေးဆွဲရေးအလုပ်ရုံဆွေးနွေးပွဲကို ယနေ့မွန်းလွဲ ၂ နာရီက ဟားခါးမြို့ CACC ခန်းမ၌ကျင်းပရာ ချင်းပြည်နယ် အစိုးရအဖွဲ့လူမှုရေးဝန်ကြီးဉီးပေါင်လွန်းမင့်ထန် ၊ ပြည်နယ်စိုက်ပျိုးရေး၊မွေးမြူရေး၊သစ်တောနှင့်သတ္တုဝန်ကြီး ဉီးမာန်ဟင်းဒါး ၊ ပြည်နယ်၊ခရိုင်၊မြို့နယ်အဆင့်ဌာနဆိုင်ရာအကြီးအကဲများ ၊ပြည်နယ်အဆင့်အာဟာရဖွံ့ဖြိုးမှု မြှင့်တင်ရေးကော်မတီဝင်များ၊UNICEFမှတာဝန်ရှိသူများ၊ လူမှုရေးအသင်းအဖွဲ့ဝင်များ၊ ဖိတ်ကြားထားသူများ တက်ရောက်ကြသည်။ အလုပ်ရုံဆွေးနွေးပွဲတွင် ချင်းပြည်နယ်အစိုးရအဖွဲ့လူမှုရေးဝန်ကြီး ဉီးပေါင်လွန်းမင့်ထန်က နိုင်ငံတော် အစိုးရအနေဖြင့် နိုင်ငံသားများ၏ အာဟာရအခြေအနေဖွံ့ဖြိုးတိုးတက်စေဖို့း ဆင်းရဲနွမ်းပါးမှုလျှော့ချရေး ၊ စားနပ်ရိက္ခာပိုမိုထုတ်လုပ်လာနိုင်ရေးစသည့် လုပ်ငန်းအစီအစဉ်များကို မူဘောင်များချမှတ်ကာ ဆောင်ရွက် လျက်ရှိပါကြောင်း ၊ ထို့သို့ဆောင်ရွက်သည့်အခါမှာ ကျန်းမာရေးနှင့် အားကစားဝန်ကြီးဌာနနှင့်အတူဆက် စပ်ဝန်ကြီးဌာနများမှလည်း ဝိုင်းဝန်းလုပ်ဆောင်လျက်ရှိပါကြောင်း ၊ အမျိုးသားအာဟာရ ဖွံ့ဖြိုးမှုဆိုင်ရာ ငါးနှစ်စီမံကိန်း ( Multi_ sectoral National Plan of Action on Nutrition) ကိုပြည်နယ်နှင့်တိုင်း အလိုက်ဉီးစားပေးဆောင်ရွက်မည့်လုပ် ငန်းများရွေးချယ်သတ်မှတ်ခြင်း ၊ စီမံကိန်းရေးဆွဲခြင်းနှင့် စောင့်ကြပ် ခြင်း၊အကဲဖြတ်ခြင်းတို့ကိုဆက်လက်လုပ် ဆောင်ရန်ရှိကြောင်း ၊ရှေ့ဆက်လုပ်ကိုင်ရမည့် လုပ်ငန်းစဉ် များအတွက် ပြည်ပမှပညာရှင်များ ၊ အာဟာရအကြံ ပေးပညာရှင်များနှင့် ညှိနှိုင်းရေးဆွဲထားသော Tools and Methodologies များကို ဆက်စပ်ဝန်ကြီးဌာနများမှ တာဝန်ရှိသူများနှင့် ပူးပေါင်းပြင်ဆင်ထားရှိပြီးဖြစ်ရာ ချင်းပြည်နယ်တွင် အဆင်ပြေချောမွေ့မှုရှိ၊မရှိ ၊ လက်တွေ့ အသုံးချနိုင်မှုရှိ၊မရှိ သိရှိနိုင်ရေး ယခုလိုညှိနှိုင်း အစည်းအဝေးပြုလုပ်ရခြင်းဖြစ်ကြောင်း၊ချင်းပြည်နယ်အတွက် ကဏ္ဍပေါင်းစုံပါဝင်သော အမျိုးသား အာဟာရ ဖွံ့ဖြိုး မှုဆိုင်ရာ ငါးနှစ်စီမံကိန်း ပီပြင်စွာဖြစ်ပေါ်လာရေးအတွက် အကောင်ဖော်ဆောင်ရွက် သွားမည်ဖြစ်ပါ ကြောင်းအမှာစကားပြောကြားသည်။ ထို့နောက် ချင်းပြည်နယ် ပြည်သူ့ကျန်းမာရေးနှင့်ကုသရေးဉီးစီးဌာနမှူးဒေါက်တာအောင်ငွေစံက ပြည်နယ်အဆင့်အာဟာရဖွံ့ဖြိုးမှုမြှင့်တင်ရေးကော်မတီဖွဲ့စည်းထားရှိမှုနှင့်ပတ်သက်၍လည်းကောင်း ၊ ပြည်သူ့ ကျန်းမာရေးဉီးစီးဌာန ၊ နေပြည်တော်အမျိုးသားအာဟာရဖွံ့ဖြိုးရေးနှင့်သုတေသနဌာနမှ ညွှန်ကြားရေးမှူး (တာဝန်ခံ) ဒေါက်တာလွင်မာလှိုင်က ကဏ္ဍပေါင်းစုံပါဝင်သောအမျိုးသားအာဟာရဖွံ့ဖြိုးမှုဆိုင်ရာ ငါးနှစ်စီမံကိန်း (MS_NPAN)နှင့်ပတ်သက်၍ ရှင်းလင်းတင်ပြကြပြီး စုပေါင်းမှတ်တမ်းတင်ဓာတ်ပုံရိုက်ကူးကြသည်။ အဆိုပါ အလုပ်ရုံဆွေးနွေးပွဲသို့ ချင်းပြည်နယ်အတွင်းရှိ (၉)မြို့နယ်မှ ၊ပြည်နယ်အဆင့်အာဟာရဖွံ့ဖြိုးမှု မြှင့်တင်ရေးကော်မတီဝင်များတက်ရောက်ခဲ့ကြပြီး အလုပ်ရုံဆွေးနွေးပွဲကို ဒီဇင်ဘာ ၉ ရက်နေ့မှ၁၁ရက်နေ့အထိ ၃ရက်ကြာ ကျင်းပသွားမည်ဖြစ်ကြောင်းသိရှိရသည်။ ကျော်စွာ(ပြန်/ဆက်)

ခရိုင်အမျိုးသမီးကော်မတီအစည်းအဝေးနှင့်အမျိုးသမီးများအား ကျား/မ အခြေပြု အကြမ်းဖက်မှုအသိပညာပေး သင်တန်းပြုလုပ်
ဒီလ ၂၀၁၉ ခုနှစ်၊ ၉ ရက် U Min Eya Htyke

ဖလမ်း ဒီဇင်ဘာ ၉ ဖလမ်းခရိုင်အမျိုးသမီးကော်မတီအစည်းအဝေးကို ဒီဇင်ဘာ ၉ ရက် မွန်းလွဲ ၂ နာရီက ဖလမ်းခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ပြုလုပ်သည်။ ရှေးဦးစွာ ချင်းပြည်နယ် လူမှုဝန်ထမ်းဦးစီးဌာန လက်ထောက်ညွှန်ကြားရေးမှူး ဒေါ်မြတ်ချိုဦးက အဖွင့်အမှာစကားပြောကြားပြီး ဖလမ်းခရိုင်အမျိုးသမီးကော်မတီ အတွင်းရေး မှူး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဖလမ်းခရိုင် ဦးစီးအရာရှိ ဦးရှိန်းတမ်က အစည်းအဝေးကျင်းပရခြင်းရည်ရွယ်ချက်များကို ရှင်းလင်းပြီး တက်ရောက်လာကြသူများက သိရှိလိုသည်များကို မေးမြန်းကြပြီး တာဝန်ရှိသူများက ပြန်လည်ဖြေကြားသည်။ ဆက်လက်၍ အမျိုးသမီးများအား ကျား/မအခြေပြု အကြမ်းဖက်မှု အသိပညာပေးနှင့် Gender၊ CDDAW၊ NSPAW သင်တန်းကို ပြည်နယ်လူမှုဝန်ထမ်းဦးစီးဌာန လက်ထောက် ညွှန်ကြားရေးမှူးက အသိပညာပေးဆွေးနွေးပြီး တက်ရောက်လာကြသူများက သိရှိလိုသည်များ၊ မရှင်းလင်းသည့်အချက်များကို မေးမြန်းဆွေးနွေးခဲ့ကြပြီး တာဝန်ရှိသူများက ပြန်လည်ဖြေကြား ဆွေးနွေးခဲ့ကြကြောင်းသိရသည်။ ဂျွန် (ပြန်/ဆက်)

အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့အထိမ်းအမှတ် အခမ်းအနားကျင်းပ
ဒီလ ၂၀၁၉ ခုနှစ်၊ ၉ ရက် U Min Eya Htyke

ဟားခါး ဒီဇင်ဘာ ၉ အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့အထိမ်းအမှတ်အခမ်းအနားကို ဒီဇင်ဘာ ၉ ရက် နံနက် ၉နာရီခွဲက ဟားခါးမြို့၊ အမှတ်(၁)အခြေခံပညာအထက်တန်းကျောင်း ဗိုလ်တိုက်ချွန်း ခန်းမ၌ကျင်းပရာ ချင်းပြည်နယ် အစိုးရအဖွဲ့ ဝန်ကြီးချုပ်ဉီးဆလိုင်းလျန်လွယ် ၊ ပြည်နယ်တရားလွှတ်တော်တရားသူကြီးချုပ် ဉီးဝင်းမြင့်ကျော် ၊ ပြည်နယ်အစိုးရအဖွဲ့ဝင်ဝန်ကြီးများ ၊ ပြည်နယ်ဉပဒေချုပ်ဉီးဆန်နီထန်ကျုံး၊ ပြည်နယ်စာရင်းစစ်ချုပ်ဉီးလာလ်တင်မန်း၊ ပြည်နယ် အစိုးရအဖွဲ့အတွင်းရေးမှူးဉီးတိုးဝင်း၊ ပြည်နယ်၊ခရိုင်၊ မြို့နယ်အဆင့် ဌာနဆိုင်ရာအကြီးအကဲများ ၊ ဆရာ၊ဆရာမများနှင့်ကျောင်းသား၊ကျောင်းသူများ တက်ရောက် ခဲ့ကြသည်။ အခမ်းအနားတွင် ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်က နိုင်ငံတော်သမ္မတဉီးဝင်းမြင့်ထံမှ ပေးပို့သည့် အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့အထိမ်းအမှတ် သဝဏ်လွှာအားဖတ်ကြား ပြီး အဂတိလိုက်စားမှုတိုက်ဖျက်ရေးကော်မရှင်မှညွှန်ကြားရေးမှူးဉီးစိန်တင်ကအဂတိလိုက်စားမှုတိုက်ဖျက်ရေး အခြေခံ သဘောတရားနှင့် လက်ရှိဆောင်ရွက်နေမှု အခြေအနေအား ရှင်းလင်း တင်ပြ သည်။ ထို့နောက် UNDP က ရိုက်ကူးထားသည့်အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့ အထိမ်း အမှတ် Video Clip ကိုပြသခဲ့ပြီးနောက် ဖြောင့်မတ်တည်ကြည်မှုမြှင့်တင်ရေးပညာပေး အစီအစဉ်များတွင် ပြည်နယ်အဆင့်ပြိုင်ပွဲဆုရရှိခဲ့ကြသည့် ကျောင်းသား၊ကျောင်းသူလေးများက တေးသရုပ်ဖော်၊ကဗျာသရုပ်ဖော် များဖြင့် ဖျော်ဖြေ တင်ဆက်ခဲ့ကြသည်။ ယင်းနောက် ပြည်နယ်အဆင့်အပြည်ပြည်ဆိုင်ရာ အဂတိလိုက်စားမှုတိုက် ဖျက်ရေးနေ့အထိမ်းအမှတ် ပြိုင်ပွဲများတွင်ဆုရရှိခဲ့ကြသူများကို ဆုများပေးအပ်ချီးမြှင့်ခဲ့ရာ ပြည်နယ်ဝန်ကြီးချုပ်ဉီးဆလိုင်းလျန်လွယ်က အထက်တန်းအဆင့်စာစီစာကုံးပြိုင်ပွဲတွင်ဆုရရှိသည့်ကျောင်းသား၊ကျောင်းသူများ ကိုလည်းကောင်း ၊ ပြည်နယ် တရားလွှတ်တော်တရားသူကြီးချူပ်ဉီးဝင်းမြင့်ကျော်က အလယ်တန်းအဆင့် စာစီ စာကုံးပြိုင်ပွဲတွင်ဆုရရှိသည့် ကျောင်းသား၊ကျောင်းသူများကိုလည်းကောင်း ၊ ပြည်နယ်လုံခြုံရေးနှင့်နယ်စပ်ရေး ရာဝန်ကြီး ဗိုလ်မှူးကြီး ဟန်ဝင်းအောင်က အလယ်တန်းအဆင့် တေးသရုပ်ဖော်ပြိုင်ပွဲတွင်ဆုရကျောင်းသား၊ ကျောင်းသူများကို လည်းကောင်း ၊ ပြည်နယ်စီမံကိန်းနှင့်ဘဏ္ဍာရေးဝန်ကြီးဉီးဝီကောက မူလတန်းအဆင့် ကဗျာပြိုင်ပွဲတွင် ဆုရရှိသည့် ကျောင်းသား၊ကျောင်းသူများကိုလည်းကောင်း ၊ ပြည်နယ်စိုက်ပျိုးရေး၊မွေးမြူရေး၊သစ် တောနှင့် သတ္တုဝန်ကြီး ဉီးမာန်ဟင်းဒါးလ်က မူလတန်းအဆင့် Role Play ပြိုင်ပွဲတွင် ဆုရရှိသည့်ကျောင်းသား ၊ ကျောင်းသူလေးများကိုဆုများအသီးသီးပေးအပ်ချီးမြှင့်ခဲ့ကြပြီး ပြည်နယ်လူမှုရေးဝန်ကြီးဉီးပေါင်လွန်းမင့်ထန် ကမြို့နယ်အဆင့် စာစီစာကုံးပြိုင်ပွဲ၊ တေးသရုပ်ဖော်ပြိုင်ပွဲ၊ ကဗျာသရုပ်ဖော်ပြိုင်ပွဲနှင့် Role Play ပြိုင်ပွဲဆုများကို ပြည်နယ် ပညာရေးမှူးရုံးမှ ဒုတိယညွှန်ကြားရေးမှူး (စီမံ)ဆရာကြီး ဉီးခေါဂေကီး ထံပေးအပ်ခဲ့ပြီးနောက် စုပေါင်းမှတ်တမ်း တင်ဓာတ်ပုံ ရိုက်ကူးခဲ့ကြကြောင်းသိရရှိရသည်။ ကျော်စွာ(ပြန်/ဆက်)

အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့အထိမ်းအမှတ်အခမ်းအနားကျင်းပပြုလုပ်
ဒီလ ၂၀၁၉ ခုနှစ်၊ ၉ ရက် U Min Eya Htyke

ဖလမ်း ဒီဇင်ဘာ ၉ အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့ အထိမ်းအမှတ်အခမ်း အနားကို ဒီဇင်ဘာ ၉ ရက် နံနက် ၁၀ နာရီက ဖလမ်းမြို့ အမှတ်(၁)အခြေခံ ပညာအထက်တန်းကျောင်း ရှလွယ်ခန်းမ၌ ပြုလုပ်သည်။ အခမ်းအနားတွင် နိုင်ငံတော်သမ္မတထံမှပေးပို့သော အပြည်ပြည်ဆိုင်ရာအဂတိ လိုက်စားမှုတိုက်ဖျက်ရေးနေ့သဝဏ်လွှာကို ဒုတိယခရိုင်အုပ်ချုပ်ရေးမှူး ဦးရဲမြတ်တင့် က ဖတ်ကြားသည်။ ထို့နောက် အပြည်ပြည်ဆိုင်ရာအဂတိလိုက်စား မှုတိုက်ဖျက်ရေး နေ့အထိမ်းအမှတ် တေးသရုပ်ဖော်၊ ကဗျာသရုပ်ဖော်၊ Role Play ပြိုင်ပွဲများတွင် ပထမဆုရရှိသော ကျောင်းသား/သူများက ပြန်လည်ဖျော်ဖြေတင်ဆက်ခဲ့ကြသည်။ ဆက်လက်၍ အပြည်ပြည်ဆိုင်ရာအဂတိလိုက်စားမှုတိုက်ဖျက်ရေးနေ့ အထိမ်း အမှတ် အထက်တန်းနှင့် အလယ်တန်းအဆင့် စာစီစာကုံး၊ အလယ်တန်းအဆင့် တေးသရုပ်ဖော်၊ မူလတန်းအဆင့် ကဗျာသရုပ်ဖော်၊ မူလတန်းအဆင့် Role Play ပြိုင်ပွဲများတွင် ဆုရရှိကြသော ကျောင်းသား/သူများအား ဒုတိယခရိုင် အုပ်ချုပ်ရေးမှူး နှင့် တာဝန်ရှိသူများက ဆုများအသီးသီးပေးအပ်ချီးမြှင့်ခဲ့ကြကြောင်းသိရသည်။ ဂျွန်( ပြန်/ဆက် )

နိုင်ငံတဝန်းမှုခင်းစီမံခန့်ခွဲမှုအစီအစဉ်မိတ်ဆက်ရှင်းလင်းခြင်းအခမ်းအနား ဟားခါးမြို့၌ကျင်းပ
ဒီလ ၂၀၁၉ ခုနှစ်၊ ၉ ရက် U Min Eya Htyke

ဟားခါး ဒီဇင်ဘာ ၉ တရားစီရင်ရေးဆိုင်ရာကိစ္စရပ်များအတွက် အထောက်အကူပြုစေရေး ၊ နိုင်ငံတဝန်းမှုခင်းစီမံခန့်ခွဲမှုအစီ အစဉ်များနှင့် ပတ်သက်သည့် မိတ်ဆက်ရှင်းလင်းခြင်းအခမ်းအနားကို ယနေ့နံနက် ၈ နာရီခွဲအချိန်က ချင်းပြည် နယ် ဟားခါးခရိုင် တရားရုံးအစည်းအဝေးခန်းမ၌ ကျင်းပပြုလုပ်ရာ ပြည်နယ် တရားရေ:ဉီးစီးမှူးဉီးအောင်သိန်း၊ ပြည်နယ်၊ခရိုင်၊မြို့နယ်တို့မှ တရားရုံးအမှုနှင့်သက်ဆိုင်သည့်တာဝန်ရှိသူများ ၊ ပြည်နယ်ဉပဒေအထောက်အကူ ပေးရေးအဖွဲ့အတွင်းရေးမှူး ဉီးထွန်းထွန်းဉီးနှင့် အထက်တန်းရှေ့နေများတက်ရောက်ခဲ့ကြသည်။ ရှေးဉီးစွာ ပြည်နယ်တရားရေးဉီးစီးမှူး ဉီးအောင်သိန်းက အမှုအခင်းများကို စစ်ဆေးစီရင်ရာတွင် စံသတ် မှတ်ကာလအတွင်း ပြီ:ပြတ်စေရန် မှုခင်းစစ်ဆေးစီရင်ခြင်းဆိုင်ရာလုပ်ထုံးလုပ်နည်းများနှင့်အညီ အမှုနှင့်သက် ဆိုင်သော တာဝန်ရှိသူများအားလုံးပူးပေါင်းပါဝင်ဆောင်ရွက်နိုင်ရေး ၊နှစ်ဘက်အမှုသည်၏ရှေ့နေများကြိုတင်ပြင် ဆင်ဆောင်ရွက်နိုင်စေရေး၊အများပြည်သူယုံကြည်မှုတိုးပွားလာစေရေးတို့အတွက် နိုင်ငံတဝန်းဆောင်ရွက်မည့် မှုခင်းစီမံခန့်ခွဲမှုအစီအစဉ်များနှင့်ပတ်သက်၍ မိတ်ဆက်ရှင်းလင်းပြောကြားသည်။ ထို့နောက်ဟားခါးခရိုင်တရားသူကြီးဉီးသန်းအောင်က ရာဇဝတ်မှု၊ တရားမမှုများစီမံခန့်ခွဲရာတွင် မှုခင်းအလိုက် ဆောင်ရွက်ရမည့် စံသတ်မှတ်ကာလများနှင့်ပတ်သက်၍ရှင်းလင်းတင်ပြပြီး နောက် တက်ရောက် လာကြသူများက စံသတ်မှတ်ကာလများနှင့်ပတ်သက်၍ သိရှိလိုသူများကို ပြန်လည်မေးမြန်းဆွေးနွေးခဲ့ကြ ကြောင်း သိရှိရပါသည်။ မြင့်နိုင်စိုး(ပြန်/ဆက်)

ဖလမ်း၌ (၂၈)ကြိမ်မြောက် ခရစ်စမတ်စျေးရောင်းပွဲတော်ကျင်းပ
ဒီလ ၂၀၁၉ ခုနှစ်၊ ၇ ရက် U Min Eya Htyke

ဖလမ်း ဒီဇင်ဘာ ၇ (၂၈)ကြိမ်မြောက် ခရစ်စမတ်စျေးရောင်းပွဲတော်ဖွင့်ပွဲကို ဒီဇင်ဘာ ၇ ရက် နံနက် ၉ နာရီက ဖလမ်းမြို့၊ ချင်းခရစ်ယာန်ဓမ္မတက္ကသိုလ်ကျောင်း မုခ်ဦး၌ ပြုလုပ်သည်။ စျေးရောင်းပွဲတော်ကို မြို့နယ်ပညာရေးမှူး ဒေါ်ငွန်ပဲင်းက ဖဲကြိုးဖြတ်ဖွင့် လှစ်ပေးသည်။ စျေးရောင်းပွဲကို ချင်းခရစ်ယာန်ဓမ္မတက္ကသိုလ်ကျောင်းဝန်း၌ နံနက် ၉ နာရီမှ စတင်ကာ ဖလမ်းမြို့ရှိ အသင်းတော်အသီးသီးမှ လူငယ်များက ရိုးရာအစား အစာမျိုးစုံ၊ အစားအစာမျိုးစုံများရောင်းချပြီး ပျော်ရွှင်စရာအားကစားမျိုးစုံများကို လည်း ကစားနိုင်အောင်ဆောင်ရွက်ထားသည်။ ခရစ်စမတ်စျေးရောင်းပွဲသည် အဆိုပါကျောင်းက နှစ်စဉ်ကျင်းပခြင်းဖြစ်ပြီး စျေးရောင်းပွဲမှ ရရှိသည့် အမြတ်ငွေများကို အသင်းတော်များက ကျောင်းအတွက် လှူဒါန်းသွားမည်ဖြစ်ကြောင်းသိရသည်။ ဂျွန်(ပြန်/ဆက်)

ဖလမ်း၌ ဒီဇင်ဘာ ပထမပတ် လူထုစုပေါင်းလမ်းလျှောက်ပွဲပြုလုပ်
ဒီလ ၂၀၁၉ ခုနှစ်၊ ၇ ရက် U Min Eya Htyke

ဖလမ်း ဒီဇင်ဘာ ၇ ကိုယ်လက်အင်္ဂါကျန်းမာရေး ၂၀၁၉ ခုနှစ် ဒီဇင်ဘာ ပထမပတ် လူထုစုပေါင်း လမ်းလျှောက်ပွဲကို ဒီဇင်ဘာ ၇ ရက် နံနက် ၆ နာရီက ဖလမ်းမြို့၌ ပြုလုပ်သည်။ လမ်းလျှောက်ပွဲကို ဖလမ်းမြို့၊ လမ်းဆုံထီးရိပ်မှစတင်ကာ လွတ်လပ်ရေး ကျောက်တိုင်ရှေ့ထိ စုပေါင်းလမ်းလျှောက်ခဲ့ကြသည်။ ထို့နောက် ခရိုင်အားကစား နှင့်ကာယပညာဦးစီးဌာန လက်ထောက်ညွှန်ကြားရေးမှူးနှင့်တာဝန်ရှိသူများဦးဆောင်မှုဖြင့် တက်ရောက်လာ ကြသူများက ကိုယ်လက်ကြံ့ခိုင်ရေးလေ့ကျင့်ခန်း အတွဲ ၁၊ ၂ နှင့် သွေးပူလေ့ကျင့် ခန်းများကို စုပေါင်းပြုလုပ်ကြသည်။ ယင်းနောက် အမျိုးသား၊ အမျိုးသမီး အားကစားပြိုင်ပွဲများပြုလုပ်ပြီး တာဝန်ရှိသူများက ဆုများအသီးသီးပေးအပ်ချီးမြှင့် ကြသည်။ အဆိုပ်လမ်းလျှောက်ပွဲတွင် ဖလမ်းခရိုင်အုပ်ချုပ်ရေးမှူး၊ ခရိုင်၊ မြို့နယ် ဌာနဆိုင်ရာဝန်ထမ်းများ၊ သူနာပြုသင်တန်းသား/သူများ၊ ဒေသခံပြည်သူများနှင့် ကျောင်းသား/သူများကပါဝင်ဆင်နွှဲခဲ့ကြကြောင်းသိရသည်။ ဂျွန်(ပြန်/ဆက်)

ချင်းပြည်နယ်ဟားခါးမြို့၌ဒီဇင်ဘာလပထမပတ်လူထုလမ်းလျှောက်ပွဲအခမ်းအနားကျင်းပ
ဒီလ ၂၀၁၉ ခုနှစ်၊ ၇ ရက် U Min Eya Htyke

ဟားခါး ဒီဇင်ဘာ ၇ ၂၀၁၉ ခုနှစ် ၊ ဒီဇင်ဘာလ ပထမပတ်လူထုလမ်းလျှောက်ပွဲအခမ်းအနားကို ဒီဇင်ဘာ ၇ ရက်နံနက် ၆ နာရီက ချင်းပြည်နယ်ဟားခါးမြို့၌ ကျင်းပပြုလုပ်ရာ ချင်းပြည်နယ်လွှတ်တော်ဉက္ကဌ ဉီးဇိုဘွဲ ၊ ပြည်နယ်တရား လွှတ်တော်တရားသူကြီးချုပ် ဉီးဝင်းမြင့်ကျော်၊ ပြည်နယ်ဉပဒေချုပ် ဉီးဆန်နီထန်ကျုံး ၊ပြည်နယ်စာရင်းစစ်ချုပ် ဉီးလာလ်တင်မန်းနှင့်အစိုးရအဖွဲ့ဝင်ဝန်ကြီးများ ၊ပြည်နယ်အစိုးရအဖွဲ့အတွင်းရေးမှှူးဉီးတိုးဝင်း၊ ပြည်နယ်၊ခရိုင် ၊မြို့နယ်အဆင့်ဌာနဆိုင်ရာ အကြီးအကဲများနှင့် ဝန်ထမ်းများ ၊ အခြေခံပညာကျောင်းများနှင့် ကိုယ်ပိုင် ကျောင်းများမှ ဆရာ၊ဆရာမများ၊ကျောင်းသားကျောင်းသူ များ၊ လူငယ်လေ့ ကျင့်ရေးကျောင်းနှင့်အမျိုးသမီး အိမ်တွင်းမှုသက်မွေးပညာသင်တန်းကျောင်းတို့မှ ကျောင်းသား၊ ကျောင်းသူများ၊ သင်တန်းသူသင်တန်းသား များနှင့် မြို့ပေါ်ရပ်ကွက်များမှပြည်သူများက စျေးသစ်ရပ်ကွက် ဆေးရုံ လမ်းဆုံမှ ဝမ္မသူးမောင်အားကစားကွင်း အထိ ပျော်ရွှင်စွာပါဝင်ဆင်နွှဲခဲ့ကြသည်။ ထို့နောက် အားကစားကွင်းအတွင်း ကိုယ်ကာယလေ့ကျင့်ခန်းများ ဆောင်ရွက်ခဲ့ကြပြီး လူထုလမ်း လျှောက်ပွဲပါဝင် ဆင်နွှဲကြသူများအား ကံစမ်းမဲများဖောက်ပေးကာမဲပေါက်သူများအား ချင်းပြည်နယ် လွှတ်တော်ဉက္ကဌ ဉီးဇိုဘွဲ နှင့်တာဝန်ရှိသူများက ဆုများအသီးသီးပေးအပ်ချီးမြှင့်၍ လွန်ဆွဲအားကစားပွဲများ ပျော်ရွှင်စွာ ဆင်နွှဲခဲ့ကြ ကြောင်းသိရှိရသည်။ ကျော်စွာ(ပြန်/ဆက်)

၂၀၂၀ ရွေးကောက်ပွဲပထမဆုံးအကြိမ် ဆန္ဒမဲပေးရမည့် လူငယ်လေးများအား ရွေးကောက်ပွဲဆိုင်ရာ လုပ်ငန်းစဉ်များဟောပြောသရုပ်ပြပွဲအခမ်းအနားကျင်းပ
ဒီလ ၂၀၁၉ ခုနှစ်၊ ၆ ရက် U Min Eya Htyke

ဟားခါး ဒီဇင်ဘာ ၆ ၂၀၂၀ရွေးကောက်ပွဲတွင် ပထမဆုံးအကြိမ်ဆန္ဒမဲပေးရမည့် လူငယ်လေးများအား ရွေးကောက်ပွဲဆိုင်ရာ လုပ်ငန်းစဉ်များသိရှိနိုင်စေရေးရည်ရွယ်လျက် ချင်းပြည်နယ်ရွေးကောက်ပွဲကော်မရှင်အဖွဲ့ခွဲက ဉီးဆောင်ကျင်းပ သည့် ရွေးကောက်ပွဲဆိုင်ရာ လုပ်ငန်းစဉ်များပညာပေးဆွေးနွေးပွဲနှင့် ဆန္ဒမဲပေးခြင်းလက်တွေ့သရုပ်ပြပွဲ အခမ်း အနားကို ယနေ့မွန်းလွဲ ၂ နာရီအချိန်က ချင်းပြည်နယ် ဟားခါးမြို့ရှိ Chin Christian University ခန်းမ၌ ကျင်းပ ပြုလုပ်ခဲ့ကြောင်းသိရှိရသည်။ အစီအစဉ်အရ ချင်းပြည်နယ်ရွေးကောက်ပွဲကော်မရှင်အဖွဲ့ခွဲ ဉက္ကဌ ဉီးအုပ်နောလ်က ရွေးကောက်ပွဲဆိုင် ရာလုပ်ငန်းစဉ်များ အကျယ်တဝင့်သိရှိဆောင်ရွက်နိုင်ရေး ၊ လူငယ်များပါဝင်နိုင်ရေးတို့အတွက် အမှာစကားပြော ကြားပြီးနောက် ပြည်နယ်ရွေးကောက်ပွဲကော်မရှင် အဖွဲ့ခွဲ အရာရှိ ဉီးလင်းကျော်က လူငယ်များနှင့်ဆန္ဒမဲပေးရ ခြင်းအကြောင်း၊ရွေးကောက်ပွဲလုပ်ငန်းစဉ်များတွင် လူငယ်များပါဝင်နိုင်သည့်အခန်းကဏ္ဍများနှင့်ပတ်သက်၍ အကျယ်တဝင့်ရှင်းလင်းပြောကြားသည်။ ထို့နောက် ဟားခါးမြို့နယ် ရွေးကောက်ပွဲကော်မရှင်အဖွဲ့ခွဲ အရာရှိက ဆန္ဒမဲပေးခြင်းလုပ်ငန်းစဉ်အဆင့် ဆင့်တို့ကို ရှင်းလင်းပြောကြားကာ တက်ရောက်လာကြသည့် ဆန္ဒမဲပေးနိုင်ခွင့်ရှိသူလူငယ်များအား ဆန္ဒမဲပေး ခြင်းဆိုင်ရာလုပ်ငန်းများကို မဲရုံမှူးနှင့်မဲရုံတာဝန်ထမ်းဆောင်ရွက်ရသည့်လုပ်ငန်းစဉ်များနှင့် ပတ်သက်၍ လက်တွေ့သရုပ်ပြ ဆောင်ရွက်ခဲ့ကြပါသည်။ အဆိုပါအခမ်းအနားသို့ ချင်းပြည်နယ်ရွေးကောက်ပွဲကော်မရှင်အဖွဲ့ခွဲဉက္ကဌနှင့်အဖွဲ့ဝင်များ ၊ ခရိုင်၊မြို့နယ် တို့မှရွေးကောက်ပွဲအဖွဲ့ခွဲဝင်များ ၊ Chin Christian University (CCU)မှ​​ ကျောင်းအုပ်ကြီးနှင့်ဆရာ၊ဆရာမများ၊ လူငယ်ကျောင်းသား၊ကျောင်းသူလေးများတက်ရောက်ခဲ့ကြပြီး ချင်းပြည်နယ်အတွင်း၌ ပထမဆုံးဆန္ဒမဲပေးပိုင် ခွင့်ရှိသူလူငယ်စုစုပေါင်း ၅၄၂၁၅ ဉီးရှိကြောင်း၊ ပထမဆုံးအကြိမ်ဆန္ဒမဲပေးပိုင်ခွင့်ရှိသူ လူငယ်လေးများအား ရွေး ကောက်ပွဲဆိုင်ရာ လုပ်ငန်းဆိုင်ရာ သိရှိစေရေး သင်တန်းကျောင်းများ ၊ တက္ကသိုလ်ကောလိပ်များတွင် ယခုကဲ့သို့ ပညာပေးဆွေးနွေးပွဲများ၊လက်တွေ့သရုပ်ပြခြင်းများဆောင်ရွက်ပေးလျက်ရှိ​ကြောင်း ပြည်နယ်ရွေးကောက်ပွဲ ကော်မရှင်အဖွဲ့ခွဲ အရာရှိ ဉီးလင်းကျော်ထံမှသိရှိရသည်။ မြင့်နိုင်စိုး(ပြန်/ဆက်)