အမှိုက်သိမ်းဆည်းရေးလုပ်ငန်းများ ပိုမိုကောင်းမွန်နိုင်ရေးဆွေးနွေး
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ဖလမ်း ဖေဖော်ဝါရီ ၂၇ စည်ပင်သာယာရေးအဖွဲ့နှင့် လောကအလင်းတို့ပူးပေါင်း၍ ဖလမ်းမြို့တွင်း အမှိုက် သိမ်းဆည်းရေးလုပ်ငန်းများ ပိုမိုကောင်းမွန်နိုင်ရေး ဖလမ်းမြို့၊ ဖါရ်ထောက်ရပ်ကွက်နေ ဒေသခံပြည်သူများနှင့်တွေ့ဆုံဆွေးနွေးပွဲကို ဖေဖော်ဝါရီ ၂၇ ရက် နံနက် ၁၀ နာရီက ဖလမ်းမြို့ မြို့နယ်ခန်းမ၌ ပြုလုပ်သည်။ ရှေးဦးစွာ ဖလမ်းမြို့နယ်လောကအလင်းတာဝန်ခံ ဒေါ်ရွှေသန်းရီက အမှိုက် သိမ်းဆည်းရေးစနစ်စစ်တမ်းကောက်ယူမှုရလာဒ်များကို ရှင်းလင်းပြီးတက်ရောက်လာ ကြသူများအား အဖွဲ့(၂)ဖွဲ့ဖြင့်ခွဲကာ “ဒီဆွေးနွေးတဲ့အထဲက ဘယ်အရာက တက်ရောက် လာသူတွေအတွက်အရေးကြီးလဲ၊ အမှိုက်သိမ်းဆည်းရေးဝန်ဆောင်မှုပိုမိုကောင်းမွန်လာဖို့ လူထုက စည်ပင်ကို ဘာတွေလုပ်ပေးစေချင်သလဲ၊ အမှိုက်သိမ်းဆည်းရေးဝန်ဆောင်မှု ပိုမိုကောင်းမွန်လာဖို့ လူထုကကော ဘာတွေလုပ်ပေးနိုင်လဲ”ခေါင်းစဉ်ဖြင့် ဆွေးနွေး ခဲ့ကြသည်။ ထို့နောက် လောကအလင်း ချင်းပြည်နယ် Project Manager ဦးကမ်ထန်းက အမှိုက်သိမ်းဆည်းရေးလုပ်ငန်းတွင် စည်ပင်နှင့် လောကအလင်းတို့ ပူးပေါင်းဆောင်ရွက် သည့် အခြေအနေများကို ရှင်းလင်းခဲ့ကြကြောင်းသိရသည်။ ဂျွန်( ပြန်/ဆက် )

ဖလမ်းမြို့နယ်အတွင်း စေတနာ့ဝန်ထမ်းအဖွဲ့အစည်းများအားထောက်ပံ့ငွေပေးအပ်
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ဖလမ်း ဖေဖော်ဝါရီ ၂၇ ၂၀၁၉-၂၀၂၀ ဘဏ္ဍာရေးနှစ် ဖလမ်းမြို့နယ်အတွင်း စေတနာ့ဝန်ထမ်းအဖွဲ့အစည်း များအား လူမှုဝန်ထမ်းဦးစီးဌာနမှ ထောက်ပံ့ငွေပေးအပ်ခြင်းကို ဖေဖော်ဝါရီ ၂၇ ရက် နံနက် ၉ နာရီက ဖလမ်းမြို့လူမှုဝန်ထမ်းမူကြိုကျောင်း၌ ပြုလုပ်သည်။ ရှေးဦးစွာ လူမှုဝန်ထမ်းဦးစီးဌာန ဒုတိယညွှန်ကြားရေးမှူးချုပ် ဦးအောင်ကျော်မိုး က ထောက်ပံ့ငွေပေးအပ်ရခြင်းရည်ရွယ်ချက်များကို ရှင်းလင်းသည်။ ထို့နောက် ဖလမ်းမြို့ နယ်အတွင်း ကိုယ့်အားကိုယ်ကိုး မူလတန်းကြိုကျောင်း(၃)ကျောင်း၊ ဂေဟာ(၃)ခုနှင့် လူငယ်ရိပ်သာ(၄)ခုတို့အား ဒုတိယညွှန်ကြားရေးမှူးချုပ်နှင့်တာဝန်ရှိသူများက ထောက်ပံ့ ငွေများပေးအပ်ခဲ့ကြောင်းသိရသည်။ ဂျွန်( ပြန်/ဆက် )

ဂျပန်လေကြောင်းပညာရှင်များက ဆူရ်ဘုန်လေဆိပ်နှင့်လိုင်ဗားဆည်များ ကြည့်ရှုစစ်ဆေး
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ဖလမ်း ဖေဖော်ဝါရီ ၂၇ ဂျပန်လေကြောင်းပညာရှင် Strengthening of Civil Aviation Safety Oversight in the Republic of the Union of Myanmar Project မှ Akira HAHRDA ဦးဆောင်သော ပညာရှင်များသည် ချင်းပြည်နယ်အစိုးရအဖွဲ့ဝင် ပြည်နယ်လမ်းပန်း ဆက်သွယ်ရေးဝန်ကြီး ဦးရွှေထီးအို၊ ဖလမ်းမြို့နယ်အုပ်ချုပ်ရေးမှူး ဦးကြားအွယ် တို့နှင့်အတူ ဖေဖော်ဝါရီ ၂၆ ရက် နံနက်ပိုင်းက ဆူရ်ဘုန် လေဆိပ်စီမံကိန်းအား ကြည့်ရှု စစ်ဆေးသည်။ အဆိုပါအဖွဲ့သည် ဆူရ်ဘုန်လေဆိပ်စီမံကိန်းရှင်းလင်းဆောင်သို့ရောက်ရှိပြီး လေဆိပ်စီမံကိန်းတာဝန်ခံအင်ဂျင်နီယာ ဦးထွန်းဇော်က စီမံကိန်းလုပ်ငန်းဆောင်ရွက် နေမှုအခြေအနေများကို ရှင်းလင်းပြီး လေယာဉ်ပြေးလမ်း၊ လေဆိပ်အဆောက်အဦများကို ကြည့်ရှုစစ်ဆေးခဲ့ကြသည်။ ထို့နောက် ဖလမ်းမြို့နယ်ရှိ လိုင်ဗားအောက်ဆည်နှင့် အထက်ဆည်များကို ကြည့်ရှုပြီး ဆည်မြောင်းနှင့်ရေးအသုံးချမှုဦးစီးဌာန ဖလမ်းခရိုင်ဦးစီးမှူး ဦးသန်းဝင်းက အောက်ဆည်တည်ဆောက်နေမှုအခြေအနေများကို ရှင်းလင်းခဲ့ကြောင်းသိရသည်။ ဂျွန်( ပြန်/ဆက် )

ရိခေါ်ဒါရ်မြို့ လူထုအခြေပြုဗဟိုဌာန၌ ဝူဟန်ကိုရိုနာဗိုင်းရပ်စ်ရောဂါ (CONVID-9) ကြိုတင် ကာကွယ်ရေးဆိုင်ရာ ဆွေးနွေးပွဲကျင်းပ
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ရိခေါ်ဒါရ် ဖေဖော်ဝါရီ ၂၆ ချင်းပြည်နယ်၊ ရိခေါ်ဒါရ်မြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ရပ်ကွက် လူငယ်များ၊ ကျောင်းသားကျောင်းသူများ ပူးပေါင်းပြီး ဝူဟန်ကိုရိုနာဗိုင်းရပ်စ်ရောဂါ (CONVID-9) ကြိုတင်ကာကွယ်ရေးဆိုင်ရာ ဆွေးနွေးပွဲကို ဖေဖော်ဝါရီ ၂၆ ရက်က ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟိုဌာနခန်းမ၌ ကျင်းပသည်။ အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှူး ဦးလာလ်ပက်လောမ် က ဆွေးနွေးပွဲကျင်းပရခြင်း၏ ရည်ရွယ်ချက်များ၊ ရာသီအချိန်အခါအလိုက် ဆွေးနွေးမည့် အကြောင်းအရာ ရွေးချယ်စီစဉ်မှုများ၊ ဆွေးနွေးပွဲကျင်းပရခြင်း၏ အကျိုးကျေးဇူးများကို အကျယ် တဝင့်ရှင်းလင်းဆွေးနွေးသည်။ ထို့နောက် ဆွေးနွေးပွဲသို့ တက်ရောက်လာကြသူ ရပ်ကွက်လူငယ်များ၊ ကျောင်းသား ကျောင်းသူများက ဝူဟန်ကိုရိုနာဗိုင်းရပ်စ်ရောဂါ (CONVID-9) ရောဂါလက္ခဏာများ၊ ကြိုတင် ကာကွယ်ရေးဆိုင်ရာများနှင့် အသိပညာပေးရေးဆိုင်ရာလုပ်ငန်းများကို ကျန်းမာရေးဌာနနှင့် ပူးပေါင်းပြီး ပြည်သူများ၊ လူငယ်လူရွယ်များ၊ ကျောင်းသားကျောင်းသူများထံ ကျယ်ကျယ်ပြန့်ပြန့် အသိပညာပေးဆောင်ရွက်ရေးတို့တွင် ပူးပေါင်းပါဝင်ဆောင်ရွက်ကြရေးတို့ကို အသီးသီး ဆွေးနွေး ခဲ့ကြောင်း သိရသည်။

စိုက်ပျိုးရေးဌာနမှ ရိခေါ်ဒါရ်မြို့တောင်သူများထံ ဝဥမျိုးစေ့အခမဲ့ဖြန့်ဝေပေး
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ရိခေါ်ဒါရ် ဖေဖော်ဝါရီ ၂၆ ချင်းပြည်နယ်၊ ရိခေါ်ဒါရ်မြို့ စိုက်ပျိုးရေးဦးစီးဌာနမှ ရိခေါ်ဒါရ်မြို့ဒေသ စိုက်ပျိုးရေး ထုတ်ကုန်ပိုမိုဖွံ့ဖြိုးမြှင့်တင်နိုင်ရေးနှင့် တောင်သူဦးကြီးများ စိုက်ပျိုးရေးလုပ်ငန်းဖြင့် မိသားစု ဝင်ငွေပိုမိုတိုးပွားစေရေးအတွက် တောင်သူဦးကြီးများထံ ဝဥမျိုးစေ့များ အခမဲ့ ဖြန့်ဝေပေးအပ်ပွဲ အခမ်းအနားကို ဖေဖော်ဝါရီ ၂၆ ရက်က စိုက်ပျိုးရေးဦးစီးဌာနရုံးခန်း၌ ကျင်းပ သည်။ အခမ်းအနားတွင် စိုက်ပျိုးရေးဦးစီးမှူး ဦးလန့်ခေါထန်က ဝဥမျိုးစေ့ဖြန့်ဝေပေးရခြင်း၏ ရည်ရွယ်ချက်များ၊ ဝဥစိုက်ပျိုးရာတွင် GAP နည်းစနစ်ဖြင့် စိုက်ပျိုးရေးနည်းလမ်းများ၊ စိုက်ခင်း နှင့် ပျိုးပင်များ ပြုစုထိန်းသိမ်းစောင့်ရှောက်ရေးဆိုင်ရာများကို တောင်သူဦးကြီးများထံ အသေးစိတ်ရှင်းလင်း ဆွေးနွေးပေးသည်။ ထို့နောက် ရိခေါ်ဒါရ်မြို့ မြို့ပေါ်ရပ်ကွက် နှစ်ခုမှ တောင်သူဦးကြီး ၁၇ ဦးထံသို့ တစ်နှစ် သား ဝဥမျိုးစေ့ ၃၉၇၆ ပိဿာကို အခမဲ့ဖြန့်ဝေပေးအပ်ခဲ့ပြီး တောင်သူများ ဝမ်းသာ အားရကျေနပ်မှုရှိကြောင်း သိရသည်။

ရိခေါ်ဒါရ်၌ ကိုရိုနာဗိုင်းရပ်စ်ရောဂါ သံသယလူနာများတွေ့ရှိမိပါက အရေးပေါ်ကျန်းမာရေး စောင့်ရှောက်ပေးရန် တိုက်နယ်ဆေးရုံ၌ သီးသန့်လူနာခန်း ပြင်ဆင်ထား
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ရိခေါ်ဒါရ် ဖေဖော်ဝါရီ ၂၅ ချင်းပြည်နယ်မြောက်ပိုင်း မြန်မာ-အိန္ဒိယနှစ်နိုင်ငံနယ်စပ်ဝင်ထွက်ပေါက်ရှိသည့် ရိခေါ်ဒါရ် နယ်စပ်ဂိတ်၌ ကိုရိုနာဗိုင်းရပ်စ်ရောဂါ ကြိုတင်ကာကွယ်ရေးဆိုင်ရာ စောင့်ကြည့်စစ်ဆေးခြင်းကို ကျန်းမာရေးဌာနမှ ယနေ့အထိ နေ့စဉ်ပုံမှန် စစ်ဆေးဆောင်ရွက်လျက်ရှိကြောင်း သိရသည်။ အဆိုပါ ကျန်းမာရေးစောင့်ကြည့်စစ်ဆေးရာတွင် မြန်မာ-အိန္ဒိယနှစ်နိုင်ငံနယ်စပ်တံတား ဖြတ်ကျော်သွားလာသူ အများပြည်သူများ၊ အခြားမြို့နယ်ဒေသများမှ ဝင်ထွက်သွားလာသူ အများပြည်သူများကို နယ်စပ်တံတားဂိတ်နှင့် မြို့အဝင်ထွက်ပေါက်များမှ ကျန်းမာရေး အခြေအနေ စစ်ဆေးဆောင်ရွက်ပေးခြင်းဖြစ်ပြီး ယနေ့အထိ ကိုရိုနာဗိုင်းရပ်စ်ရောဂါ သံသယ လူနာ တစ်ဦးတစ်ယောက်မျှ တွေ့ရှိခြင်း မရှိသေးကြောင်း သိရသည်။ ထိုသို့ ကျန်းမာရေးအခြေအနေစောင့်ကြည့်စစ်ဆေးရာတွင် သံသယလူနာ တွေ့ရှိမိပါက အရေးပေါ်ကျန်းမာရေးစောင့်ရှောက်မှုများ ဆောင်ရွက်နိုင်ရန် ရိခေါ်ဒါရ်တိုက်နယ်ဆေးရုံ၌ သီးသန့်လူနာခန်းကို ဖေဖော်ဝါရီလအတွင်း ပြင်ဆင်ထားရှိခဲ့ကြောင်း သိရသည်။

ရိခေါ်ဒါရ်တိုက်နယ်ဆေးရုံ၌ တိုးချဲ့လူနာဆောင်၊ ဓာတ်မှန်ဆောင်နှင့် ခွဲစိတ်ခန်းများ တိုးချဲ့ ဆောက်လုပ်မည်
ဖေလ ၂၀၂၀ ခုနှစ်၊ ၂၇ ရက် U Min Eya Htyke

ရိခေါ်ဒါရ် ဖေဖော်ဝါရီ ၂၅ ချင်းပြည်နယ်၊ ရိခေါ်ဒါရ်မြို့တိုက်နယ်ဆေးရုံ၌ တိုးချဲ့လူနာဆောင်နှင့်အတူ ဓာတ်မှန် ဆောင်နှင့် ခွဲစိတ်ခန်းများကို ၂၀၁၉-၂၀၂၀ ဘဏ္ဍာရေးနှစ်အတွင်း ပူးတွဲတည်ဆောက်သွားရန် စီစဉ်ထားရှိပြီး အဆိုပါအဆောက်အအုံဆောက်လုပ်မည့်နေရာကို မြို့အုပ်ချုပ်ရေးမှူး ဦးကျင်လမ်းခိုင်၊ ရိခေါ်ဒါရ်တိုက်နယ်ဆေးရုံတာဝန်ခံဆရာဝန် ဒေါက်တာစန်းမာတို့နှင့်အတူ မြို့စည်ပင်သာယာရေးကော်မတီဝင်များ၊ ရပ်ကွက်အုပ်ချုပ်ရေးမှူးများနှင့် သက်ဆိုင်ရာ ဌာနများမှ ယမန်နေ့က ကွင်းဆင်းကြည့်ရှုစစ်ဆေးခဲ့ကြောင်း သိရသည်။ အဆိုပါ တိုးချဲ့လူနာဆောင်အသစ်ကို အလျား ၁၀၁ ပေ၊ အနံ ၈၁ ပေဖြင့် တည်ဆောက် သွားမည်ဖြစ်ပြီး တိုးချဲ့လူနာဆောင်နှင့်အတူ အလျား ၂၇ ပေ၊ အနံ ၃၀ ပေရှိ ဓာတ်မှန်ဆောင်နှင့် ခွဲစိတ်ခန်းပါ ပူးတွဲတည်ဆောက်သွားမည်ဖြစ်ကြောင်း၊ အဆိုပါတည်ဆောက်ရေးလုပ်ငန်းများကို Chin Cruisers Com. Ltd မှ တာဝန်ယူဆောင်ရွက်သွားမည်ဖြစ်ပြီး ယခုဖေဖော်ဝါရီလအတွင်း လုပ်ငန်းများ စတင်ဆောင်ရွက်လျက်ရှိကြောင်း သိရသည်။ ရိခေါ်ဒါရ်မြို့ တိုက်နယ်ဆေးရုံသည် လူနာကုတင် ၁၆ ဆံ့ဆေးရုံတစ်ခုဖြစ်ပြီး မြန်မာ-အိန္ဒိယနှစ်နိုင်ငံနယ်စပ်မြို့၌ တည်ရှိသည်နှင့်အညီ မြို့ပေါ်ရပ်ကွက်ပြည်သူများ၊ အနီးအနား ပတ်ဝန်းကျင်ရှိ ကျေးလက်နေပြည်သူများအပြင် အိမ်နီးချင်း အိန္ဒိယနိုင်ငံ၊ မီဇိုရမ်ပြည်နယ်မှ လည်း အားကိုးအားထားပြုသည့် ဆေးရုံတစ်ခုဖြစ်ကြောင်း၊ ယခုဆောက်လုပ်သည့် တိုးချဲ့လူနာ ဆောင်၊ ဓာတ်မှန်ဆောင်နှင့် ခွဲစိတ်ခန်းများ ဆောက်လုပ်ပြီးစီးသွားပါက လူနာ စမ်းသပ်ကြည့်ရှု ခြင်း၊ ကုသခြင်းလုပ်ငန်းများအတွက် များစွာအထောက်အကူပြုသွားမည်ဖြစ်ကြောင်း သိရသည်။

မြန်မာနိုင်ငံအမျိုးသမီးအားကစားအဖွဲ့ချုပ်နှင့်ပြည်နယ်အားကစားနှင့်ကာယပညာဦးစီးဌာနတို့ ပူးပေါင်း၍ ကိုယ်လက်လှုပ်ရှားဆေးတစ်ပါး (Exerciseis Medicine)အစီအစဉ် ပြုလုပ်
ဖေလ ၂၀၂၀ ခုနှစ်၊ ၂၆ ရက် U Min Eya Htyke

ဖလမ်း ဖေဖော်ဝါရီ ၂၄ မြန်မာနိုင်ငံအမျိုးသမီးအားကစားအဖွဲ့ချုပ်နှင့် ပြည်နယ်အားကစားနှင့်ကာယပညာဦးစီးဌာနတို့ပူး ပေါင်း၍ ကိုယ်လက်လှုပ်ရှားဆေးတစ်ပါး(Exercise is Medicine)အစီအစဉ်ကို ဖေဖော်ဝါရီ ၂၄ ရက် နံနက် ၇ နာရီက ဖလမ်းမြို့ မြို့မတင်းနစ်အားကစားကွင်း၌ ပြုလုပ်သည်။ ရှေးဦးစွာ ဒုတိယသမ္မတ ဦးဟင်နရီဗန်ထီးယူ၏ ဇနီး ဒေါက်တာ အန်နာရွှေလွှမ်းနှင့် မြန်မာနိုင်ငံအမျိုးသမီးအားကစားအဖွဲ့ချုပ် အထွေထွေအတွင်းရေးမှူး ဒေါ်အေးအေးရွှေတို့က အမှာစကားပြောကြားကြသည်။ ထို့နောက် တက်ရောက်လာကြသည့် ဌာနဆိုင်ရာတာဝန်ရှိသူများ၊ ဝန်ထမ်းများ၊ ကျောင်းသူများက Exercise is Medicine ကိုယ်လက်လှုပ်ရှားအားကစားများကိုစုပေါင်းပြုလုပ်ခဲ့သည်။ ကိုယ်လက်လှုပ်ရှားဆေးတစ်ပါး( Exercise is Medicine )အစီအစဉ်တွင် ပါဝင်ဆင်နွှဲကြသူများအား Gold Power မှ အားဖြည့်ဆန်ပြုတ်ထုပ်များ အခမဲ့ပေးအပ်ခဲ့ကြောင်းသိရသည်။

ရင်ခွင်မဲ့ကလေးငယ်များနှင့် တစ်ကိုယ်ရည်မိခင်များလျှော့ချရေး အသိပညာပေးဟောပြောပွဲ ဖလမ်းမြို့၌ ပြုလုပ်
ဖေလ ၂၀၂၀ ခုနှစ်၊ ၂၆ ရက် U Min Eya Htyke

ဖလမ်း ဖေဖော်ဝါရီ ၂၄ ရင်ခွင်မဲ့ကလေးငယ်များနှင့် တစ်ကိုယ်ရည်မိခင်များ လျှော့ချရေး အသိပညာပေးဟောပြောပွဲကို ဖေဖော်ဝါရီ ၂၄ ရက် နံနက် ၉ နာရီက ဖလမ်းမြို့ မြို့နယ်ခန်းမ၌ ပြုလုပ်သည်။ ရှေးဦးစွာ ချင်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဦးပေါင်လွန်းမင့်ထန်နှင့် မြန်မာနိုင်ငံရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေးအသင်း( ဗဟို )မှ ဒေါ်စမ်းစမ်းယုတို့က အမှာစကားပြောကြားကြသည်။ ထို့နောက် မြန်မာနိုင်ငံရင်ခွင်မဲ့ကလေးငယ် များလျှော့ချရေးနှင့် ကာကွယ်စောင့်ရှောက်ရေးအသင်း( ဗဟို )အထွေထွေအတွင်းရေးမှူး ဒေါက်တာ မြသီတာက မျိုးဆက်ပွားကျန်းမာရေးအကြောင်းကိုလည်းကောင်း၊ ဖလမ်းခရိုင် ပြည်သူ့ဆေးရုံကြီး သားဖွားမီးယပ်အထူးကု လက်ထောက်ဆရာဝန် ဒေါက်တာအေးခိုင်စိုးက သားဆက်ခြားနည်းလမ်း အကြောင်းကို လည်းကောင်း၊ မြန်မာနိုင်ငံရင်ခွင်မဲ့ကလေးငယ်များလျှော့ချရေးနှင့် ကာကွယ် စောင့်ရှောက်ရေးအသင်း( ဗဟို ) တွဲဖက်အတွင်းရေးမှူး ဒေါက်တာပြုံးမိုအိက အရေးပေါ် သားဆက်ခြားနည်းလမ်းများကို လည်းကောင်းအသိပညာပေးဟောပြောဆွေးနွေးခဲ့ကြပြီး တက်ရောက် လာသူများက သိရှိလိုသည်များ၊ မရှင်းလင်းသည့်အချက်များကို မေးမြန်းခဲ့ကြပြီး တာဝန်ရှိသူများက ပြန်လည်ဖြေကြား ဆွေးနွေး ခဲ့ကြသည်။ ဆက်လက်ပြီး ဒုတိယသမ္မတ ဦးဟင်နရီဗန်ထီးယူ၏ ဇနီး၊ Dingdi Dream Organization နာယက ဒေါက်တာ အန်နာရွှေလွှမ်းက နိဂုံးချုပ်အမှာစကားပြောကြားခဲ့ကြောင်းသိရသည်။ ဂျွန် ( ပြန်/ဆက် )