ရိခေါ်ဒါရ်၌ ယာဉ်နှင့်လမ်းအန္တရာယ်ကင်းရှင်းရေးအတွက် စစ်ဆေးခြင်းနှင့် အသိပညာပေး ခြင်းဆောင်ရွက်
ဇန်လ ၂၀၂၀ ခုနှစ်၊ ၂၅ ရက် U Min Eya Htyke

ရိခေါ်ဒါရ် ဇန်နဝါရီ ၂၅ ချင်းပြည်နယ်၊ ရိခေါ်ဒါရ်မြို့၊ ရိခေါ်ဒါရ်နယ်မြေရဲစခန်းမှ စခန်းမှူး ရဲအုပ်အောင်ဆန်းလင်း ဦးဆောင်မှုဖြင့် ရဲတပ်ဖွဲ့ဝင်များသည် ယာဉ်အန္တရာယ်၊ လမ်းအန္တရာယ်ကင်းရှင်းရေးအတွက် အသိပညာပေးခြင်းနှင့် စစ်ဆေးခြင်းကို ဇန်နဝါရီ ၂၅ ရက်က ရိခေါ်ဒါရ်မြို့၊ အမှတ်(၂)ရပ်ကွက်၊ ဗိုလ်ချုပ်လမ်းမကြီးတစ်လျှောက်တွင် စစ်ဆေး ဆောင်ရွက်သည်။ အဆိုပါကွင်းဆင်းစစ်ဆေးဆောင်ရွက်ရာတွင် ဗိုလ်ချုပ်လမ်းတစ်လျှောက်၌ မောင်းနှင်လာသည့် ယာဉ်များအား ယာဉ်စည်းကမ်းနှင့်ကိုက်ညီမှုရှိ/မရှိ၊ လမ်းစည်းကမ်း လိုက်နာမှုရှိ/မရှိ စစ်ဆေးဆောင်ရွက်ပြီး၊ လူ့အသက်အန္တရာယ်ထိခိုက်စေနိုင်မည့် ဆိုင်ကယ် ဦးထုပ်မဆောင်းထားခြင်း၊ ယာဉ်ခါးပတ်ကြိုးတပ်ဆင်မထားခြင်း၊ သတ်မှတ်အမြန်နှုန်း ထက် ကျော်လွန်မောင်းနှင်ခြင်း၊ ဝန်ပိုတင်ဆောင်ထားခြင်း စသည်တို့ကိုလည်းကောင်း၊ ပတ်ဝန်းကျင်ကို ထိခိုက်စေနိုင် မည့် ဆိုင်ကယ်အိတ်ဇောပိုက်များ ဖြုတ်၍ မောင်းနှင်ခြင်း၊ စက်အသံကျယ်လောင်စေအောင် မောင်းနှင်ခြင်း၊ လမ်းကြောင်းလွဲမောင်းနှင်ခြင်း စသည်တို့ကိုလည်းကောင်း အသေးစိတ် စစ်ဆေးဆောင်ရွက်ပြီး ယာဉ်စည်းကမ်း/ လမ်းစည်းကမ်းဆိုင်ရာ အသိပညာပေးခြင်းနှင့် လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။ ရိခေါ်ဒါရ်မြို့သည် မြန်မာ-အန္ဒိယနှစ်နိုင်ငံနယ်စပ်ရှိ ကုန်သွယ်ရေးလမ်းကြောင်းတစ်ခု ဖြစ်သည်နှင့်အညီ လူနှင့်ယာဉ်များ ဝင်ထွက်သွားလာမှုအလွန်များပြားသည့် မြို့တစ်ခုဖြစ်ပြီး တောင်ပေါ်မြို့ဖြစ်သည်နှင့်အညီ မြို့တွင်းလမ်း အတက်အဆင်းကြမ်းတမ်း၍ လူနှင့် ယာဉ်အန္တရာယ် အထူးအလေးထားရန်လိုအပ်ကြောင်း၊ ထို့ကြောင့် လူနှင့်ယာဉ်အန္တရာယ် ကင်းရှင်းရေးအား ရှေးရှုပြီး မြို့အဝင်လမ်းနှင့် အထွက်လမ်းသီးသန့် သတ်မှတ်ထားခဲ့ ကြောင်း သိရသည်။ ယာဉ်နှင့်လမ်းအန္တရာယ်ကင်းရှင်းရေးအတွက် အသိပညာပေးခြင်းနှင့် စစ်ဆေးခြင်း များကို မြန်မာနိုင်ငံရဲတပ်ဖွဲ့မှ အခါအားလျော်စွာ ဆောင်ရွက်ပေးပြီး ပြည်သူများ ဝမ်းသာ အားရကျေနပ်မှုရှိကြောင်း သိရသည်။

သက်တမ်းလွန်ဆေးဝါးများနှင့် တရားမဝင်ဆေးဝါးရောင်းချမှု မရှိစေရေး ကွင်းဆင်းစစ်ဆေး
ဇန်လ ၂၀၂၀ ခုနှစ်၊ ၂၄ ရက် U Min Eya Htyke

သက်တမ်းလွန်ဆေးဝါးများနှင့် တရားမဝင်ဆေးဝါးရောင်းချမှု မရှိစေရေး ကွင်းဆင်းစစ်ဆေး

၆၆ ကေဗွီ ဂန့်ဂေါ-ဟားခါး ဓာတ်အားလိုင်း တိုင်အမှတ်-၁၃၉ Diversion လုပ်ငန်းဆောင်ရွက်မည်ဖြစ်ပါသဖြင့် ဖလမ်းမြို့၌ သုံးရက် မီးပြတ်မည်
ဇန်လ ၂၀၂၀ ခုနှစ်၊ ၂၂ ရက် U Min Eya Htyke

၆၆ ကေဗွီ ဂန့်ဂေါ-ဟားခါး ဓာတ်အားလိုင်း တိုင်အမှတ်-၁၃၉ Diversion လုပ်ငန်းဆောင်ရွက်မည်ဖြစ်ပါသဖြင့် ဖလမ်းမြို့၌ သုံးရက် မီးပြတ်မည်

သက်တမ်းလွန်စားသောက်ကုန်များနှင့် တရားမဝင်ဆိုးဆေးအသုံးပြုသောစားသောက်ကုန်များ ရောင်းချမှုမရှိစေရေး ကွင်းဆင်းစစ်ဆေး
ဇန်လ ၂၀၂၀ ခုနှစ်၊ ၂၂ ရက် U Min Eya Htyke

သက်တမ်းလွန်စားသောက်ကုန်များနှင့် တရားမဝင်ဆိုးဆေးအသုံးပြုသောစားသောက်ကုန်များ ရောင်းချမှုမရှိစေရေး ကွင်းဆင်းစစ်ဆေး

ပြည်သူလူထုသို့ တိုက်ရိုက်ဝန်ဆောင်ပေးနေမှုများဆိုင်ရာ အသိပညာပေးအလုပ်ရုံဆွေးနွေးပွဲ ဟားခါး၌ကျင်းပ
ဇန်လ ၂၀၂၀ ခုနှစ်၊ ၂၁ ရက် U Min Eya Htyke

ပြည်သူလူထုသို့ တိုက်ရိုက်ဝန်ဆောင်ပေးနေမှုများဆိုင်ရာ အသိပညာပေးအလုပ်ရုံဆွေးနွေးပွဲ ဟားခါး၌ကျင်းပ

ချင်းပြည်နယ်၊ မြန်မာ့ဆက်သွယ်ရေးလုပ်ငန်း (MPT) မှ အမှတ်(၁) အခြေခံပညာ အထက်တန်းကျောင်းတွင် ADSL Internet Line လှူဒါန်း
ဇန်လ ၂၀၂၀ ခုနှစ်၊ ၂၁ ရက် Thuhta Par

ချင်းပြည်နယ်၊ မြန်မာ့ဆက်သွယ်ရေးလုပ်ငန်း(MPT)မှ အမှတ်(၁) အခြေခံပညာအထက်တန်းကျောင်းတွင် ADSL Internet Line ကို (၁၅-၁-၂၀၂၀)ရက်နေ့တွင် လှူဒါန်းခဲ့ကြောင်းသိရှိရပါသည်။

ဟားခါးမြို့ မြို့သစ်ရပ်ကွက်အိမ်တစ်အိမ်၌မီးကြွင်းမီးကျန်မှတဆင့်မီးလောင်မှုဖြစ်ပွား
ဇန်လ ၂၀၂၀ ခုနှစ်၊ ၁၉ ရက် U Min Eya Htyke

ဟားခါးမြို့ မြို့သစ်ရပ်ကွက်အိမ်တစ်အိမ်၌မီးကြွင်းမီးကျန်မှတဆင့်မီးလောင်မှုဖြစ်ပွား

ရိခေါ်ဒါရ်တိုက်နယ်ဆေးရုံသို့ Oxygen Cylinder လှူဒါန်း
ဇန်လ ၂၀၂၀ ခုနှစ်၊ ၁၉ ရက် U Min Eya Htyke

ရိခေါ်ဒါရ် ဇန်နဝါရီ ၁၈ ချင်းပြည်နယ်၊ ရိခေါ်ဒါရ်မြို့တိုက်နယ်ဆေးရုံ၌ အသုံးပြုရန်အတွက် Oxygen Cylinder စက်များပေးအပ်လှူဒါန်းပွဲအခမ်းအနားကို ဇန်နဝါရီ ၁၈ ရက်က ရိခေါ်ဒါရ်တိုက်နယ်ဆေးရုံ၌ ကျင်းပသည်။ အခမ်းအနားတွင် ရိခေါ်ဒါရ်မြို့တိုက်နယ်ဆေးရုံအထောက်အကူပြုအဖွဲ့ဥက္ကဌ မြို့အုပ်ချုပ်ရေးမှူး ဦးကျင်လမ်းခိုင်က အမှာစကားပြောကြားပြီး စေတနာအလှူရှင် ဦးဘွဲ့လီယို (USA Mission Myanmar)မှ စက်ပစ္စည်းများလှူဒါန်းပေးရခြင်း၏ ရည်ရွယ်ချက်နှင့် USA Myanmar Mission ၏လုပ်ငန်းဆောင်ရွက်ချက်များကို ရှင်းလင်းဆွေးနွေးသည်။ ထို့နောက် USA MM မှ တာဝန်ရှိသူများက ကာလတန်ဖိုး ကျပ် ၂၅ သိန်းကျော်တန်ဖိုးရှိOxygen Cylinder စက်ပစ္စည်းနှင့်ဆက်စပ်ပစ္စည်းများအား ဆေးရုံအထောက်အကူပြုကော်မတီဝင်များထံသို့ ပေးအပ်လှူဒါန်းသည်။ ထို့နောက် ရိခေါ်ဒါရ်မြို့တိုက်နယ်ဆေးရုံတာဝန်ခံဆရာဝန် ဒေါက်တာစန်းမာက ကျေးဇူးတင်စကားပြန်လည်ပြောကြားပြီး အဆိုပါ Oxygen Cylinder စက်ပစ္စည်းများ အသုံးပြုမည့်အနေအထားများ၊ ဆေးရုံအတွက်လိုအပ်မှုအ‌ခြေအနေနှင့် အကျိုးကျေးဇူးများကို ရှင်းလင်းပြောကြားပြီးနောက် Rev. Daniel Ngun Thawng Lian က စက်ပစ္စည်းလှူဒါန်းမှုအပေါ် မေတ္တာပို့သဆုတောင်းဆက်ကပ်ပေးသည်။ အဆိုပါအခမ်းအနားသို့ ဌာနဆိုင်ရာ ဝန်ထမ်းများ၊ ရပ်မိရပ်ဖများ၊ ဆေးရုံအ‌ေထာက်အကူပြုကော်မတီဝင်များ၊ USAMM အဖွဲ့အစည်းမှ တာဝန်ရှိသူများနှင့် ကျန်းမာရေးဌာနဝန်ထမ်းများ တက်ကောက်ခဲ့ကြောင်း သိရသည်။

ဟားခါးမြို့၌ကျင်းပပြုလုပ်သည့်​​ ​​တောရိုင်းတိရစာ္ဆန်များကာကွယ်ခြင်း၊ပြုစု​ ​စောင့်ရှောက်ခြင်းဆိုင်ရာ ၃ ရက်ကြာသင်တန်း၊အလုပ်ရုံဆွေးနွေးပွဲအောင်မြင်စွာကျင်းပပြီးစီး
ဇန်လ ၂၀၂၀ ခုနှစ်၊ ၁၉ ရက် U Min Eya Htyke

ဟားခါး ဇန်နဝါရီ ၁၈ သံယံဇာတနှင့်သဘာဝပတ်ဝန်းကျင်ထိန်းသိမ်း​​ရေးဝန်ကြီးဌာန၊သစ်​​တောဉီးစီးဌာနနှင့်မြန်မာနိုင်ငံ သားငှက်ထိန်းသိမ်း​ရေးအဖွဲ့နှင့်လိပ်မျိုးဆက်ရှင်သန်​ေရးအဖွဲ့တို့ပူး​ေပါင်းကျင်းပသည့်​တောရိုင်းတိရစာ္ဆန် များကာကွယ်ခြင်း ၊ပြုစုစောင့်ရှောက်ခြင်းဆိုင်ရာ အလုပ်ရံု​ေဆွး​ေနွးပွဲအခမ်းအနားကို ချင်းပြည်နယ် ဟားခါးမြို့CACCခန်းမ၌ ၃ ရက်ကြာ​အောင်မြင်စွာကျင်းပပြုလုပ်ခဲ့ရာ ဇန်နဝါရီ၁၇ရက်နေ့ညနေ ၅ နာရီ အချိန်တွင် သင်တန်းဆင်းပွဲနှင့်သင်တန်းဆင်းလက်မှတ်ပေးအပ်ပွဲအခမ်းအနားကို အဆိုပါ သင်တန်းခန်းမ၌ ကျင်းပပြုလုပ်ခဲ့ ပါသည်။ ရှေးဉီးစွာ ချင်းပြည်နယ်သစ်တောဉီးစီးဌာနညွှန်ကြားရေးမှူးကိုယ်စားဉီးစီးအရာရှိ ဉီးသန်းထွန်းဉီးက သင်တန်းဆင်းအမှာစကားပြောကြားခဲ့ပြီး သင်တန်းဆင်းလက်မှတ်များကိုပေးအပ်ရာ သင်တန်းသား ၊ သင်တန်းသူများကိုယ်စား သင်တန်းသားနှစ်ဉီးကလက်ခံရယူကာသင်တန်းတက်ရောက်ကြသူများကိုယ်စား သင်တန်းသူ Dr Lessay (မြို့နယ်မွေး/ကုဉီးစီးဌာန)က ကျေးဇူးတင်စကားပြန်လည်ပြောကြားပြီးနောက် အမှတ်တရစုပေါင်းမှတ်တမ်းတင်ဓာတ်ပုံရိုက်ကူးခဲ့ကြသည်။ အဆိုပါ သင်တန်းသို့ ချင်းပြည်နယ် တောရိုင်းတိရစာ္ဆန်များကာကွယ်ရေးကော်မတီတွင်ပါဝင်သည့် ဌာနဆိုင်ရာများမှ အရာထမ်း၊အမှုထမ်းများနှင့် စိတ်ပါဝင်စားသူများတက်ရောက်ခဲ့ကြပြီး တောရိုင်းတိရစာ္ဆန်များ ၊ ဖမ်းဆီးသတ်ဖြတ်ခြင်း၊ ရောင်းဝယ်ဖောက်ကားခြင်းတို့မှ တားဆီးကာကွယ်နှိမ်နှင်းရေး ၊ ဖမ်းဆီးရမိသော တောရိုင်းတိရစာ္ဆန်များအား အသက်ရှင်သန်အောင်ပြုစု၍ မျိုးဆက်ပြန့်ပွားနိုင်ရေးတို့အတွက် သစ်တောဉီးစီးဌာ န (ရုံးချုပ်)နေပြည်တော်မှ နည်းပြများနှင့် WCS ( Windlife Conscrvation Society )၊ TSA ( Turtle Survival Alliance ) တို့မှနည်းပြဆရာများ လာရောက်ဆွေးနွေးပို့ချခဲ့ကြကြောင်းသိရှိရသည်။ မြင့်နိုင်စိုး(ပြန်/ဆက်)