ချင်းပြည်နယ်ပင်စင်ဉီးစီးဌာနရုံးနှင့် ပြည်နယ်ငွေရေးကြေးရေးကြီးကြပ်စစ်ဆေးရေးဉီးစီးဌာနရုံးအဆောက်အဉီသစ်ဖွင့်ပွဲသို့တက်ရောက်ဖွင့်လှစ်ပေး
နိုလ ၂၀၁၉ ခုနှစ်၊ ၁၄ ရက် U Min Eya Htyke

ဟားခါး နိုဝင်ဘာ ၁၄ စီမံကိန်းနှင့်ဘဏ္ဍာရေးဝန်ကြီးဌာန ပြည်နယ်ပင်စင်ဉီးစီးဌာနရုံးအဆောက်အဉီသစ်ဖွင့်ပွဲအခမ်းအနားကို နိုဝင်ဘာ၁၃ရက်နံနက်၈နာရီက ဟားခါးမြို့၊ မြို့သစ်ရပ်၊ဂေါက်ကွင်းလမ်းရှိအဆိုပါ ရုံးသစ်အဆောက်အဉီရှေ့၌ ကျင်းပ ရာ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်၊ စီမံကိန်း နှင့် ဘဏ္ဍာရေးဝန်ကြီးဌာန ဒုတိယ ဝန်ကြီးဉီးမောင်မောင်ဝင်း၊ ပြည်နယ်စီမံကိန်းနှင့်ဘဏ္ဍာရေးဝန်ကြီးဉီးဝီကော၊ ပြည်နယ်စည်ပင်သာယာ ရေး၊လျှပ်စစ်နှင့်စက်မှုလက်မှုဝန်ကြီးဉီးစိုးထက်၊ပင်စင်ဉီးစီးဌာနညွှန်ကြားရေးမှူးချုပ်ဒေါက်တာ ဝါဝါမောင်တို့က ရုံးသစ်အဆောက်အဉီအား ဖဲကြိုးဖြတ်ဖွင့်လှစ်ပေးကြပြီး အဆောက်အဉီ ကဗ္ပည်းမော်ကွန်းအား အမွေးနံ့သာ ရည်များဖြင့်ပက်ဖျန်းပေးကြသည်။ ထို့နောက် ပင်စင်ဉီးစီးဌာန ညွှန်ကြားရေးမှူးချုပ် ဒေါက်တာဝါဝါမောင်က ပြည်နယ်ဝန်ကြီးချုပ်၊ ဒုတိယဝန်ကြီးနှင့်ပြည်နယ်အစိုးရအဖွဲ့ဝင်ဝန်ကြီးများအား ဂုဏ်ပြုမှတ်တမ်းလွှာများ ပေးအပ်သည်။ ဆက်လက်၍ နံနက်၉နာရီတွင် ဟားခါးမြို့ ကျောက်ခွဲစက်ရပ် ထန်တလန်လမ်းဟောင်းရှိ ပြည်နယ်ငွေရေးကြေးရေး ကြီးကြပ် စစ်ဆေးရေးဉီးစီးဌာနရုံး အဆောက်အဉီသစ်ဖွင့်ပွဲအခမ်းအနားကို အဆိုပါ ရုံးရှေ့၌ကျင်းပရာ စီမံကိန်း နှင့်ဘဏ္ဍာရေးဝန်ကြီးဌာန ဒုတိယဝန်ကြီးဉီးမောင်မောင်ဝင်း၊ ပြည်နယ်တရား လွှတ်တော်တရားသူကြီးချုပ် ဉီးဝင်းမြင့်ကျော်၊ ပြည်နယ် စီမံကိန်းနှင့်ဘဏ္ဍာရေးဝန်ကြီးဉီးဝီကောနှင့် ငွေရေးကြေးရေးကြီးကြပ် စစ်ဆေးရေးဉီးစီးဌာန ညွှန်ကြားရေးမှူးချုပ် ဉီးဇော်နိုင်တို့က ဖဲကြိုးဖြတ်ဖွင့်လှစ် ပေးကြသည်။ ထို့နောက် ပြည်နယ်ဝန်ကြီးချုပ်ကရုံးသစ်ဆိုင်းဘုတ်အားဖွင့်လှစ်ပေးပြီး ဧည့်သည်တော်များနှင့်အတူ အဆောက်အဉီကဗ္ပည်းမော်ကွန်းအား အမွှေးနံ့သာရည်များဖက်ဖျန်းပေးကြကာ အဆောက်အဉီအားလှည့်လည် ကြည့်ရှုကြသည်။ ယင်းနောက် အခမ်းအနား ဒုတိယပိုင်းကို ပြည်နယ်ငွေရေးကြေးရေး ကြီးကြပ် စစ်ဆေးရေးဉီးစီးဌာနရုံး အစည်းအဝေးခန်းမ၌ ဆက်လက်ကျင်းပရာ ပင်စင်ဉီးစီးဌာနညွှန်ကြားရေးမှူးချုပ် ဒေါက်တာဝါဝါမောင်က ပြည်နယ်ပင်စင်ဉီးစီးမှူးရုံး အဆောက်အဉီတည်ဆောက်မှုနှင့် လုပ်ငန်းဆောင်ရွက်မှု အခြေအနေများကို လည်းကောင်း ၊ ငွေရေးကြေးရေးကြီးကြပ်စစ်ဆေးရေးဉီးစီးဌာန ညွှန်ကြားရေးမှူးချုပ် ဉီးဇော်နိုင်က ပြည်နယ် ငွေရေးကြေးရေးကြီးကြပ်စစ်ဆေးရေးဉီးစီးဌာနမှူးရုံးအဆောက်အဉီတည်ဆောက်မှုနှင့် ချင်းပြည်နယ်အတွင်း အသေးစားငွေရေးကြေးရေးအဖွဲ့အစည်းများ၏လုပ်ငန်းဆောင်ရွက်မှုအခြေအနေများကို လည်းကောင်းရှင်းလင်း တင်ပြကြပြီး ပြည်နယ်ဝန်ကြီးချုပ်နှင့်ဒုတိယဝန်ကြီးတို့က နိဂုံးချုပ်အမှာစကား ပြောကြား ခဲ့ကြသည်။ ယနေ့ဖွင့်လှစ်သည့် ပင်စင်ဉီးစီးဌာန ၊ ချင်းပြည်နယ်ရုံး ၊ ဝန်ထမ်းအိမ်ရာ၊ ခြံစည်းရိုးနှင့်မြေထိန်းနံရံတို့ကို ၂၀၁၈−၂၀၁၉ ဘဏ္ဍာရေးနှစ်ပြည်ထောင်စုခွင့်ပြုရန်ပုံငွေကျပ် (၁၅၆.၉၇၆)သန်းဖြင့်အလျား၄၀ပေ၊ အနံ၃၀RC တစ်ထပ်ရုံးအဆောက်အဉီ၊အလျား၄၅ပေ၊အနံ၂၅ပေရှိဝန်ထမ်းအိမ်ရာနှင့် ငွေရေးကြေးရေးကြီးကြပ်စစ်ဆေး ရေးဉီးစီးဌာနပြည်နယ်ရုံးအား ၂၀၁၈−၂၀၁၉ ဘဏ္ဍာရေးနှစ်ပြည်ထောင်စု ခွင့်ပြုရန်ပုံငွေ ကျပ် (၁၄၂.၅၀)သန်းဖြင့် အလျား ၅၀ ပေ ၊ အနံ ၃၀ ပေ ၊ အမြင့် ၂၃ ပေ ၊ RC (၂) ထပ်အဆောက်အဉီ ဖြစ်ကြောင်းသိရသည်။ ကျော်စွာ(ပြန်/ဆက်)

ဖလမ်းမြို့ မြန်မာ့လယ်ယာဖွံ့ဖြိုးရေးဘဏ်ခွဲအဆောက်အဦသစ်ဖွင့်ပွဲပြုလုပ်
နိုလ ၂၀၁၉ ခုနှစ်၊ ၁၄ ရက် U Min Eya Htyke

ဖလမ်း နိုဝင်ဘာ ၁၂ ဖလမ်းမြို့နယ် မြန်မာ့လယ်ယာဖွံ့ဖြိုးရေးဘဏ်ခွဲ အဆောက်အဦဖွင့်ပွဲကို နိုဝင်ဘာ ၁၂ ရက် မွန်းလွဲ ၁ နာရီက အဆိုပါရုံး၌ ပြုလုပ်သည်။ ရှေးဦးစွာ ချင်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးဆလိုင်းလျန်လွယ်နှင့် စီမံကိန်း နှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးစက်အောင်တို့က အမှာစကားပြောကြားကြသည်။ ထို့နောက် မြန်မာ့လယ်ယာဖွံ့ဖြိုးရေးဘဏ်ခွဲ ဖွင့်ပွဲအထိမ်းအမှတ်အလံကို မြန်မာ့လယ်ယာဖွံ့ဖြိုးရေး ဘဏ် ဦးဆောင်ညွှန်ကြားရေးမှူး ဦးမင်းသူကလည်းကောင်း၊ ဖွင့်ပွဲအထိမ်းအမှတ် ဓာတ်ပုံကို ချင်းပြည်နယ်ဘဏ်ခွဲမန်နေဂျာ ဦးကျော်လွင်တို့ကလည်းကောင်း အသီးသီးပေးအပ်ကြပြီး ပြည်နယ် ဝန်ကြီးချုပ်နှင့် ဒုတိယဝန်ကြီးတို့က လက်ခံရယူကြသည်။ ဆက်လက်၍ အဆောက်အဦသစ်အား ပြည်နယ်ဝန်ကြီးချုပ်၊ ဒုတိယဝန်ကြီး၊ ပြည်နယ် စီမံကိန်းနှင့်ဘဏ္ဍာရေးဝန်ကြီး ဦးဝိကောနှင့် ဦးဆောင်ညွှန်ကြားရေးမှူး ဦးမင်းသူတို့က ဖဲကြိုးဖြတ် ဖွင့်လှစ်ပေးကြပြီး အဆောက်အဦအား လှည့်လည်ကြည့်ရှုစစ်ဆေးခဲ့ကြသည်။ အဆိုပါဆောက်အဦသည် ၂၀၁၈-၂၀၁၉ ဘဏ္ဍာရေးနှစ် ပြည်ထောင်စု၏ ငွေလုံးငွေရင်း ရန်ပုံငွေ ကျပ်သန်း(၅၉.၂၀)ဖြင့် ကရိုင်တားကုမ္ပဏိက ပေ(၅၀×၄၀)ရှိ RC တစ်ထပ်တိုက်ဖြင့် ဆောက်လုပ် ခြင်းဖြစ်ကြောင်းသိရသည်။ ဂျွန်( ပြန်/ဆက် )

ဖလမ်း၌ စုပေါင်းမဟာဘုံကထိန်လျာသင်္ကန်းဆက်ကပ်လှူဒါန်းပွဲကျင်းပ
နိုလ ၂၀၁၉ ခုနှစ်၊ ၁၁ ရက် U Min Eya Htyke

ဖလမ်း နိုဝင်ဘာ ၁၁ စုပေါင်းမဟာဘုံကထိန်လျာသင်္ကန်းဆက်ကပ်လှူဒါန်းပွဲကို နိုဝင်ဘာ ၁၁ ရက် နံနက် ၉ နာရီက ဖလမ်းမြို့၊ တစ်မိုင်ထေရဝါဒဗုဒ္ဓသာသနာပြုကျောင်းတိုက်၌ ပြုလုပ်သည်။ အခမ်းအနားကို နမောတဿသုံးကြိမ်ရွတ်ဆိုဘုရားကန်တော့၍ ဖွင့်လှစ်ပြီး အဂ္ဂမဟာ ဂန္ထဝါစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ မြို့နယ်သံဃနာယကဉက္ကဋ္ဌဖြစ်တော်မူသော လုံပီးသာသနရကိ္ခတပရိယတ္တိစာသင်တိုက်၏ ပဓာနနာယကဆရာတော် ဘဒ္ဒန္တ ဉာဏိက အရှင် သူမြတ်ထံမှ သရဏဂုံသုံးပါးနှင့်ရှစ်ပါး သီလခံယူဆောက်တည်သည်။ ထို့နောက် ကထိန်လျာမြတ်သင်္ကန်းနှင့်တကွ လှူဖွယ်ဝတ္ထုအစုစုတို့ကို ဆရာတော် သံဃာတော်အရှင်သူမြတ်များထံဆက်ကပ်လှူဒါန်းကြပြီး ဆရာတော်သံဃာတော်အရှင်သူမြတ်များ ရွတ်ပွားချီးမြှင့်သရဇ္စျာယ်တော်မူသည့် ပရိတ်တရားတော်များကို နာယူပူဇော်ကြည်ညိုကြသည်။ ဆက်လက်၍ ဘုံကထိန်လျာသင်္ကန်းဆက်ကပ်လှူဒါန်းပွဲဖြစ်မြောက်ရေးအတွက် ရငွေ/ သုံးငွေ စာရင်းရှင်းတမ်းကို ဖလမ်းခရိုင်သာသနာရေးမှူး ဦးရွှေမောင်အေးက ဖတ်ကြားပြီး ကုသိုလ် ကောင်းမှုအစုစုတို့အတွက် လုံးပီးသာသနရကိ္ခတပရိယတ္တိစာသင်တိုက်၏ ပဓာနနာယကဆရာတော် ဘဒ္ဒန္တဉာဏိက အရှင်သူမြတ်ထံမှ ရေစက်သွန်းချအနုမောဒနာတရားနာကြားကာ ဗုဒ္ဓသာသ နံစိရံတိဋ္ဌတုသုံးကြိမ်ရွတ်ဆို ဆုတောင်း၍ အခမ်းအနားကို ရုပ်သိမ်းကြောင်းသိရသည်။ ဂျွန်( ပြန်/ဆက် )

ပြည်နယ်အဆင့်လူမှုကာကွယ်စောင့်ရှောက်ရေးပေါင်းစပ်ညှိနှိုင်းရေးကော်မတီသတ္တမအကြိမ် ညှိနှိုင်းအစည်းအဝေးကျင်းပ
နိုလ ၂၀၁၉ ခုနှစ်၊ ၇ ရက် U Min Eya Htyke

ဟားခါး နိုဝင်ဘာ ၇ လူ့ဘဝအစရက်(၁၀၀)အတွင်းအာဟာရနှင့်ကျန်းမာရေးဆိုင်ရာလိုအပ်ချက်များပြည့်မီ၍ ကလေးသူငယ် များ၏ဉီးနှောက်နှင့်ခန္ဓာကိုယ်ကောင်းစွာဖွံ့ဖြိုးတိုးတက်စေရန်ရည်ရွယ်လျက်ချင်းပြည်နယ်အတွင်းဆောင်ရွက် သည့်ကိုယ်ဝန်ဆောင်မိခင်များနှင့်၄င်းတို့မှ မွေးဖွားလာသော အသက်(၂)နှစ်အောက် ကလေးသူငယ်များအား ငွေကြေးထောက်ပံ့ရေးအစီအစဉ် သတ္တမအကြိမ်မြောက် ပြည်နယ်အဆင့်ပေါင်းစပ်ညှိနှိုင်းရေး ကော်မတီ အစည်းအဝေးကိုနိုဝင်ဘာ၇ရက်နံနက်၁၀နာရီက ဟားခါးမြို့ ပြည်နယ်အစိုးရအဖွဲ့ရုံးအစည်းအဝေးခန်းမ၌ ကျင်းပသည်။ အစည်းအဝေးတွင် ပြည်နယ်အဆင့်ပေါင်းစပ်ညှိနှိုင်းရေးကော်မတီဉက္ကဌ ၊ ပြည်နယ်အစိုးရအဖွဲ့ဝင် လူမှုရေးဝန်ကြီးဉီးပေါင်လွန်းမင့်ထန်က စိန်ခေါ်မှုတွေ ၊ အခက်အခဲတွေကို ဝိုင်းဝန်းကြိုးပမ်းအတူတကွ ကျော်ဖြတ်ရင်းဖြင့် (၁၄)ကြိမ်မြောက် ငွေကြေး ထောက်ပံ့မှုကို ဆောင်ရွက်နိုင်ခဲ့ပြီး စုစုပေါင်းအကျိုးခံစားခွင့် ရှိသူ(၃၃၀၀၀)ကျော်ကိုထောက်ပံ့ငွေစုစုပေါင်း (၉.၁၃၉)ဘီလီယံကျပ် ထောက်ပံ့နိုင်ခဲ့ပြီးဖြစ်ကြောင်း ၊ ဒီအပြင် ပြီးခဲ့သည့်(၂)နှစ်တာကာလအတွင်း အဓိကကျသည့် ကျန်းမာရေးဆိုင်ရာ ၊ အာဟာရဆိုင်ရာ အသိပညာပေးမှု များကို ပြည်သူ့ကျန်းမာရေးဉီးစီးဌာနနှင့် ပူးပေါင်း ၍ ဆောင်ရွက်နိုင်ခဲ့ကြောင်း ၊ ရပ်ကွက်၊ကျေးရွာများတွင် အဓိကကျသည့်အကျိုးခံစားခွင့်ရှိသူများအား စာရင်းသွင်း မှတ်ပုံတင်ခြင်း ၊ အကျိုးခံစားခွင့် ငွေကြေး ထုတ်ပေးခြင်း ၊ အာဟာရနှင့်ကျန်းမာရေးဆိုင်ရာအသိ ပညာပေးခြင်းနှင့် နစ်နာမှုများအား တိုင်ကြားခြင်းအဆင့် များကို တိကျမှုရှိစေရန် ၊ ပွင့်လင်းမြင်သာမှုရှိစေရန် အထူးအလေးထား၍ ဆောင်ရွက်စေလိုကြောင်း၊ မိမိတို့အကောင်အထည်ဖော်ဆောင်ရွက်နေသည့် ကိုယ်ဝန် ဆောင်မိခင်များနှင့် ၄င်းတို့မှမွေးဖွားလာသော အသက်(၂)နှစ်အောက်ကလေးသူငယ်များအား ငွေကြေး အထောက်အပံ့ပေးရေး အစီအစဉ်သည် မိမိတို့ ချင်းပြည်နယ်၏ အနာဂတ်ဖွံ့ဖြိုးရေးအတွက် ရင်းနှှီးမြှပ်နှံမှုတစ်ခုဖြစ်သည့်အတွက် သက်ဆိုင်ရာအဖွဲ့အစည်း များအားလုံးက ဝိုင်းဝန်းပူးပေါင်း၍ တက်တက်ကြွကြွ ဆောင်ရွက်စေလို ကြောင်း အမှာစကားပြောကြားသည်။ ထို့နောက် လူမှုဝန်ထမ်းဉီးစီးဌာန ၊ ပြည်နယ်ညွှန်ကြားရေးမှူး ဉီးအေးမင်းညွန့်က MCCT အစီအစဉ်နှင့် ပတ်သက်၍လည်းကောင်း ၊ လူမှုဝန်ထမ်းဉီးစီးဌာန(ရုံးချုပ်)မှ လက်ထောက်ညွှန်ကြားရေးမှူး ဒေါက်တာ ရှိန်မြင့်က ဆောင်ရွက်ပြီးစီးသည့် လုပ်ငန်းများနှင့်ဆက်လက်ဆောင်ရွက်မည့်လုပ်ငန်းများကို တင်ပြရာ တက်ရောက်လာကြသည့် ပြည်နယ်အဆင့်လူမှုကာကွယ်စောင့်ရှောက်ရေးပေါင်းစပ်ညှိနှိုင်းရေး ကော်မတီ အဖွဲ့ဝင်များက ပြန်လည်ဆွေးနွေး ခဲ့ကြပြီး ပြည်နယ်လူမှုရေးဝန်ကြီးက နိဂုံးချုပ်အမှာစကားပြောကြားခဲ့သည်။ ချင်းပြည်နယ်အတွင်း MCCT အစီအစဉ်ကို ၂၀၁၇ခုနှစ် ဇွန်လမှစ၍ စတင်ဆောင်ရွက်ခဲ့ရာ ငွေကြေး ထောက်ပံ့မှုကို တစ်လလျှင် ကျပ် ၁၅၀၀၀ ဖြင့် (၂) လတစ်ကြိမ်ထုတ်ပေးလျက်ရှိရာ ယနေ့အထိထောက်ပံ့မှုကို (၁၄)ကြိမ်ဆောင်ရွက်နိုင်ခဲ့ပြီး အကျိုးခံစားခွင့်ရှိသူ ၃၃၉၁၈ ဉီးကို စုစုပေါင်းကျပ်သန်းပေါင်း ၉၁၃၉ သန်းကျော် ထောက်ပံ့ပေးနိုင်ခဲ့ပြီးဖြစ်ကြောင်း လူမှုဝန်ထမ်းဉီးစီးဌာနမှသိရသည်။ ကျော်စွာ(ပြန်/ဆက်)

(၃၁)နှစ်မြောက် အထွေထွေအုပ်ချုပ်ရေးဦးစီးဌာန၏နှစ်ပတ်လည်နေ့အထိမ်းအမှတ်အခမ်းအနားကျင်းပ
နိုလ ၂၀၁၉ ခုနှစ်၊ ၇ ရက် U Min Eya Htyke

ဖလမ်း နိုဝင်ဘာ ၇ (၃၁)နှစ်မြောက် အထွေထွေအုပ်ချုပ်ရေးဦးစီးဌာန၏ နှစ်ပတ်လည်နေ့အထိမ်းအမှတ် အခမ်း အနားကို ဖလမ်းမြို့နယ်အထွေထွေအုပ်ချုပ် ရေးဦးစီးဌာနဝန်ထမ်းများက နိုဝင်ဘာ ၇ ရက် နံနက် ၁၀ နာရီက ဖလမ်းမြို့ တောင်ဇလပ်ရိပ်သာ၌ ပြုလုပ်ရာ ဖလမ်းမြို့နယ်အုပ်ချုပ်ရေးမှူး ဦးကြားအွယ်က အမှာစကားပြောကြားသည်။ ထို့နောက် ဖလမ်းမြို့နယ်အထွေထွေအုပ်ချုပ်ရေးဦးစီးဌာန ဝန်ထမ်းများမှ သွေးအလှူရှင် နှစ်ဦးကိုလည်းကောင်း၊ နှစ်ပတ်လည်နေ့အထိမ်းအမှတ် ပြိုင်ပွဲများတွင် ဆုရရှိသူများကို လည်းကောင်း၊ နှစ်ပတ်လည်နေ့အထိမ်းအမှတ် တူညီဝတ်စုံများကိုလည်းကောင်း ဂုဏ်ပြုမှတ်တမ်း လွှာနှင့် ဆုငွေများကို ခရိုင်အုပ်ချုပ်ရေးမှူး ဦးအောင်ကျော်ထွန်းနှင့် တာဝန်ရှိသူများက အသီးသီးပေး အပ်ချီးမြှင့်ခဲ့ကြကြောင်းသိရသည်။ ဂျွန်( ပြန်/ဆက် )

အထွေထွေအုပ်ချုပ်ရေးဉီးဌာန(၃၁)နှစ်ပြည့်အထိမ်းအမှတ် ဝန်ထမ်းများစုပေါင်းသွေးလှူဒါန်း
နိုလ ၂၀၁၉ ခုနှစ်၊ ၇ ရက် U Min Eya Htyke

ဟားခါး နိုဝင်ဘာ ၇ ချင်းပြည်နယ် ဟားခါးမြို့နယ် အထွေထွေအုပ်ချုပ်ရေးမှူးဉီးစီးဌာန (၃၁) နှစ်မြောက် အထိမ်းအမှတ် ဝန်ထမ်းများဆုပေါင်းသွေးလှူဒါန်းခြင်းကို နိုဝင်ဘာ ၆ ရက် နံနက် ၉ နာရီက ဟားခါးမြို့ပြည်သူ့ဆေးရုံကြီး၌ စုပေါင်းသွေး လှူဒါန်းခဲ့ကြပြီး သွေးလှူဒါန်းကြသည့် ဝန်ထမ်းမိသားစုများအား မြို့နယ်အုပ်ချုပ်ရေးမှူး ဉီးမြင့်ဉီးနှင့်တာဝန်ရှိသူများက အဟာရဖြစ်စေသည့် ကြက်ဉ ၊ နွားနို့နှင့်အချိုရည်များ ထောက်ပံ့ ပေးခဲ့ကြောင်း သိရှိရသည်။ ကျော်စွာ(ပြန်/ဆက်)

(၃၁)နှစ်မြောက်အထွေထွေအုပ်ချုပ်ရေးဉီးစီးဌာန နှစ်ပတ်လည်နေ့အခမ်းအနားကျင်းပ
နိုလ ၂၀၁၉ ခုနှစ်၊ ၇ ရက် U Min Eya Htyke

ဟားခါး နိုဝင်ဘာ ၇ ၂၀၁၉ခုနှစ် ၊ နိုဝင်ဘာ ၇ရက်နေ့တွင် ကျရောက်သည့် (၃၁)နှစ်မြောက်အထွေထွေအုပ်ချုပ်ရေးဉီးစီးဌာန ၏ နှစ်ပတ်လည်နေ့အခမ်းအနားတွင် သံဃာတော်များဆွမ်းဆက်ကပ်ခြင်း ၊ ပရိတ်တရားနာယူခြင်း ၊ ခရစ်ယာန် ဘာသာထုံးတမ်းစဉ်လာဆုတောင်းပွဲကျင်းပခြင်းနှင့် အထွေထွေအုပ်ချုပ်ရေးဉီးစီးဌာနတွင် တာဝန်ထမ်းဆောင် ခဲ့ကြသည့် အငြိမ်းစားဝန်ထမ်းများနှင့်တာဝန်ထမ်းဆောင်လျက်ရှိသည့် ဝန်ထမ်းများ အမှတ်တရလက်ဆောင် ချီးမြှင့်ခြင်းများကို နိုဝင်ဘာ ၇ ရက်နေ့က ဟားခါးခရိုင်အထွေထွေအုပ်ချုပ်ရေးဉီးစီးဌာနရုံးအစည်းအဝေးခန်းမ၌ ကျင်းပပြုလုပ်ခဲ့ကြောင်းသိရှိရပါသည်။ အစီအစဉ်အရ နံနက်(၇)နာရီအချိန်တွင် ပင့်သံဃာတော်များအား အာရုံဆွမ်းဆက်ကပ်လှူဒါန်းခြင်း ၊ ပရိတ်တရားတော်များနာယူကြည်ညိုခြင်းများဆောင်ရွက်ခဲ့ကြပြီး နံနက်(၁၀)နာရီခွဲအချိန်တွင် သိက္ခာတော်ရ ဆရာတော် ကျဲအိုဟမ်းက နှစ်ပတ်လည်နေ့အထိမ်းအမှတ်အထူးဆုတောင်းပေးပြီးနောက် ဟားခါးခရိုင် အထွေထွေအုပ်ချုပ်ရေးဉီးစီးဌာန ၊ ခရိုင်အုပ်ချုပ်ရေးမှူး ဉီးလွင်ကိုဉီးကသိက္ခာတော်ရ ဆရာတော်အား အမှတ်တရလက်ဆောင်ပစ္စည်းပေးအပ်ချီးမြှင့်ခဲ့သည်။ ထို့နောက်အထွေထွေအုပ်ချုပ်ရေးဉီးစီးဌာနမှအငြိမ်းစားယူခဲ့ကြသည့် ဝန်ထမ်းအငြိမ်းစားများ၊ တာဝန် ထမ်းဆောင်လျက်ရှိသော ဝန်ထမ်းများအား ချင်းပြည်နယ်အစိုးရအဖွဲ့ရုံးမှ ညွှန်ကြားရေးမှူး ဉီးဆန်းထွန်းစိန်၊ ဟားခါးခရိုင်အုပ်ချုပ်ရေးမှူးဉီးလွင်ကိုဉီး၊ ဒုတိယခရိုင်အုပ်ချုပ်ရေးမှူးဉီးဇော်စိုးတို့က အမှတ်တရ လက်ဆောင် ပစ္စည်းများပေးအပ် ချီးမြှင့်ခဲ့ကြောင်းသိရှိရသည်။ မြင့်နိုင်စိုး(ပြန်/ဆက်)

ဒေါ်ခင်ကြည်ဖောင်ဒေးရှင်းမှလှူဒါန်းသော ပေ(၃၀×၈၃)RCတစ်ထပ်ကျောင်းဆောင်(၁)ဆောင်အား ပညာရေးဝန်ကြီးဌာနသို့လွှဲပြောင်းပေးအပ်ခြင်းအခမ်းအနား ဟားခါး၌ကျင်းပ
နိုလ ၂၀၁၉ ခုနှစ်၊ ၇ ရက် U Min Eya Htyke

ဟားခါး နိုဝင်ဘာ ၇ ချင်းပြည်နယ် ၊ ဟားခါးမြို့ ၊ အမှတ်(၂)အခြေခံပညာအထက်တန်းကျောင်းတွင် ဒေါ်ခင်ကြည် ဖောင်ဒေးရှင်းမှလှူဒါန်းသော ပေ(၃၀×၈၃)RCတစ်ထပ်ကျောင်းဆောင်(၁)ဆောင်အား ပညာရေးဝန်ကြီးဌာနသို့ လွှဲပြောင်းပေးအပ်ခြင်းအခမ်းအနားကို နိုဝင်ဘာ ၇ ရက် နံနက် ၈နာရီက အဆိုပါကျောင်းဆောင်ရှေ့၌ကျင်းပ သည်။ ဆက်လက်ပြီးအစီအစဉ်အရ ရှေးဉီးစွာ ချင်းပြည်နယ်လွှတ်တောဉက္ကဌ ဉီးဇိုဘွဲ ၊ ပြည်နယ်လူမှုရေး ဝန်ကြီး ပေါင်လွန်းမင့်ထန်၊ ဒေါ်ခင်ကြည်ဖောင်ဒေးရှင်းမှ အမှုဆောင်ညွှန်ကြားရေးမှူးဉီးမိုးဇော်ဉီးတို့က ဖဲကြိုးဖြတ်ဖွင့် လှစ်ပေးပြီးနောက် အဆောင်သစ်အားလှည့်လည်ကြည့်ရှုခဲ့ကြသည်။ အခမ်းအနား ဒုတိယပိုင်းကို ဆက်လက်ကျင်းပရာ ပြည်နယ်လူမှုရေးဝန်ကြီး ဉီးပေါင်လွန်းမင့်ထန်က ပညာရေးဝန်ကြီးဌာနအနေဖြင့် ကျောင်းနေအရွယ်ကလေးများအားလုံး ကျောင်းနေ ရေးအတွက် ဘက်ပေါင်းစုံ၊ ကဏ္ဍစုံမှ ကြိုးစားဆောင်ရွက်လျှက်ရှိကြောင်း၊ ကလေးများကျောင်းနေပျော်၍ စာတော်သည့်ကလေးများဖြစ် လာစေရန်အတွက် ရုပ်ပိုင်းဆိုင်ရာနှင့်စိတ်ပိုင်းဆိုင်ရာများ ပံ့ပိုးမှုများစွာ လိုအပ်လျှက်ရှိပြီး ကျောင်းဉပဓိရုပ် ကောင်းမွန်မှသာ ကလေးများကျောင်းနေပျော်မှာဖြစ်ကြောင်း ၊ ကလေးများ၏ စိတ်ဓာတ်၊စည်းကမ်း၊ပညာဘက် စုံဖွံ့ဖြိုးနိုင်ရေးအတွက် ဆရာ၊ဆရာမများမှ စိတ်အားထက်သန်စွာ ကူညီလေ့ကျင့်ပေးနိုင်ဖို့လည်း အလွန်အရေး ကြီးကြောင်း ၊ ဆရာ၊ဆရာမများ၏ လူနေမှုဘဝမြင့်မားလာအောင်လည်း နိုင်ငံတော်အစိုးရအနေဖြင့် ဖြည့်ဆည်း ဆောင်ရွက်လျှက်ရှိကြောင်း ၊ အခြေခံပညာကျောင်းတိုင်းတွင် အခြားဒေသများမှ တာဝန်ထမ်းဆောင်နေကြ သောဆရာ၊ဆရာမများ၏ နေထိုင်ရေးအဆင်ပြေအောင်လည်း ကြိုးစားဆောင်ရွက်လျက်ရှိပါကြောင်း အမှာစကားပြောကြားသည်။ ထို့နောက် ဒေါ်ခင်ကြည်ဖောင်ဒေးရှင်းမှ အမှုဆောင်ညွှန်ကြားရေးမှူး ဉီးမိုးဇော်ဉီးက ဆရာ​ဆောင် လှူဒါန်းရခြင်းနှင့်ပတ်သက်၍ ရှင်းလင်းပြောကြားပြီး ကျောင်းဆောင်သစ်အား ပညာရေးဝန်ကြီးဌာနသို့ လွှဲပြောင်းပေးအပ်ရာ ဟားခါးမြို့နယ်ပညာရေးမှူး ဉီးဆန်ကျုံးကလက်ခံရယူကာ ပြည်နယ်လူမှုရေးဝန်ကြီးက ဒေါ်ခင်ကြည်ဖောင်ဒေးရှင်းမှ အမှုဆောင်ညွှန်ကြားရေးမှူးထံ ဂုဏ်ပြုမှတ်တမ်းလွှာပြန်လည်ပေးအပ်သည်။ ဆက်လက်၍ ကျောင်းဆောင်ဆောက်လုပ်ရာတွင် တာဝန်ယူဆောက်လုပ်ပေးသည့် သူရလင်း ဆောက်လုပ်ရေး ကုမ္ပဏီလီမိတက်မှ Managing Director ဉီးကိုကိုနိုင်အားဒေါ်ခင်ကြည် ဖောင်ဒေးရှင်း မှ ဂုဏ်ပြုမှတ်တမ်းလွှာပေးအပ်ပြီးနောက် အမှတ်(၂)အခြေခံပညာအထက်တန်းကျောင်း၊ ကျောင်းအုပ်ကြီး ဉီးလာပွီးက ကျေးဇူးတင်စကားပြန်လည်ပြောကြားကာ ချင်းပြည်လွှတ်တော်ဉက္ကဌဉီးဇိုဘွဲက နိဂုံးချုပ်အမှာ စကား ပြောကြားခဲ့ကြောင်းသိရှိရသည်။ ကျော်စွာ(ပြန်/ဆက်)

မြို့နယ်အုပ်ချုပ်ရေးမှူးဖလားအသက်(၂၁)အောက်အမျိုးသားဘောလုံးပြိုင်ပွဲ ဗိုလ်လုပွဲနှင့် ဆုပေးပွဲဟားခါး၌ကျင်းပ
နိုလ ၂၀၁၉ ခုနှစ်၊ ၆ ရက် U Min Eya Htyke

ဟားခါး နိုဝင်ဘာ ၆ ၂၀၁၉−ခုနှစ် ၊ မြို့နယ်အားကစားဖွံ့ဖြိုးတိုးတက်ရေး(TSDP) အစီအစဉ်အရ ကျင်းပပြုလုပ် သော ဟားခါးမြို့နယ်အုပ်ချုပ်ရေးမှူး ဖလားအသက်(၂၁)အောက် အမျိုးသားဘောလုံး ပြိုင်ပွဲ ဗိုလ်လုပွဲနှင့်ဆုပေးပွဲအခမ်းအနားကို နိုဝင်ဘာလ ၆ ရက် မွန်းလွဲ ၂ နာရီက ဟားခါးမြို့ ဝမ္မသူးမောင် အားကစားကွင်း၌ကျင်းပသည်။ အဆိုပါ ဘောလုံးပြိုင်ပွဲဗိုလ်လုပွဲစဉ်အဖြစ် ဟားခါးမြို့နယ် စျေးသစ်အသင်း နှင့် မြို့သစ် အသင်း တို့ယှဉ်ပြိုင်ကစားကြရာ မြို့သစ်အသင်းက ၄ဂိုး၂ဂိုးဖြင့် အနိုင်ရရှိပြီး အသက်(၂၁)နှစ် အောက် အမျိုးသားဘောလုံးပြိုင်ပွဲဆုဖလားရရှိကာ မြို့နယ်အုပ်ချုပ်ရေးမှူး ဉီးမြင့်ဉီးနှင့် မြို့နယ် ဌာနဆိုင်ရာ တာဝန်ရှိသူများက အကောင်းဆုံးဂိုးသမားဆု ၊အကောင်းဆုံးနောက်တန်းဆု၊ အကောင်းဆုံးအလယ်တန်းဆုနှင့်ပွဲစဉ်တစ်လျှောက်အကောင်းဆုံး အကောင်းဆုံးကစားသမားဆု တို့ကိုဆုတံဆိပ်နှင့် ပထမ၊ဒုတိယရရှိသည့် အသင်းနှစ်သင်းအား ဆုဖလားနှင့်ငွေသားဆုများ ပေးအပ်ချီးမြှင့်ခဲ့​ကြောင်းသိရှိရသည်။ ကျော်စွာ(ပြန်/ဆက်)