ဖလမ်းမြို့နယ်၊ ရမ်ထလိုကျေးရွာအနီးတွင် မြေစာပြိုကျမှုဖြစ်
ဩလ ၂၀၁၉ ခုနှစ်၊ ၇ ရက် U Min Eya Htyke

ဖလမ်း သြဂုတ် ၇ မိုးအဆက်မပြတ်ရွာသွန်းခြင်းကြောင့် သြဂုတ် ၇ ရက်နေ့၌ ဖလမ်းမြို့နယ်၊ ရမ်ထလိုကျေးရွာအနီး ဇိန်မှုတောင် တောင်ကျချောင်းရေနှင့်အတူ မြေစာများ မျောပါလာပြီး ဖလမ်း-ဟားခါး ကားလမ်းမပေါ်တွင် မြေစာများပိတ်ဆို့နေခြင်းကြောင့် ခရီးသွားပြည်သူများ ဖြတ်သန်းသွားလာရာတွင် အခက်အခဲကြုံတွေ့ နေရကြောင်း သိရှိရသည်။ ရမ်ထလိုကျေးရွာအုပ်ချုပ်ရေးမှူးက “ ဇိန်မှုတောင်ပေါ်မှာ ပြိုပြီးသားမြေစာများ တောင်ကျရေနှင့် မျောပါလာတာပါ။ ယနေ့ညနေ ၂ နာရီခန့်ကဖြစ်တာပါ။ ကျွန်တော်တို့ရွာကနေ တစ်ဖာလုံလောက်ဝေးတဲ့ ဟားခါးမြို့အထွက်ဘက်မှာဖြစ်ပြီး ရေပွန်လည်းပျက်စီးနေပါတယ်။ အခုတော့ သွားလို့တော့ရပါပြီလို့” ပြောသည်။ မိုးရွာသွန်းပြီး တောင်ကျချောင်းရေနှင့်အတူ မြေစာများ မျောပါလာပြီး ကားလမ်းမပေါ်တွင်ရောက်ရှိ ခဲ့ခြင်းကြောင့် ကားလမ်းပိတ်ခဲ့သော်လည်း သက်ဆိုင်ရာတာ၀န်ရှိသူများက စက်ကြီးများနှင့် ​မြေစာများဖယ်ရှားပေးခြင်းကြောင့် ပြန်လည်သွားလာ၍ရကြောင်း သိရသည်။ ခရိုင်ပြန်/ဆက်

မိုးအဆက်မပြတ်ရွာသွန်းနေမှုကြောင့် ဟားခါးမြို့နယ်အတွင်း မြေပြိုမှုအချို့ဖြစ်ပွားလျက်ရှိရာ ကားလမ်းပိတ်ဆို့မှုမဖြစ်စေရေး လမ်းဉီးစီးဌာနကဆောင်ရွက်လျက်ရှိ
ဩလ ၂၀၁၉ ခုနှစ်၊ ၇ ရက် U Min Eya Htyke

ဟားခါး သြဂုတ်−၇ ချင်းပြည်နယ်အတွင်း မိုးအဆက်မပြတ်ရွာသွန်းနေမှုများကြောင့် မြေပြိုမှုအချို့ဖြစ်ပွားလျက်ရှိရာ သြဂုတ်လ ၇ ရက် နံနက် ၄ နာရီအချိန်တွင် ကလေး−ဖလမ်း−ဟားခါးလမ်းကီလိုမီတာ(၁၇၀−၁၇၁)ကြား အလျား၂၀ မီတာခန့် ၊ ကီလိုမီတာ (၁၈၀−၁၈၁)ကြား အလျား ၁၅ မီတာခန့် ၊ ကီလိုမီတာ (၁၈၁−၁၈၂)ကြားအလျား ၁၅ မီတာခန့် သြဂုတ်လ၇ရက်နံနက်၇နာရီခွဲတွင် မုံရွာ−ပုလဲ−ဂန့်ဂေါ−ဟားခါးလမ်း ကီလိုမီတာ (၃၀၆−၃၀၇)ကြား အလျား ၄၀ မီတာခန့် ၊ ကီလိုမီတာ (၂၈၉−၂၉၀)ကြား အလျား၁၀မီတာခန့်တို့တွင် မြေပြိုခြင်း တောင်ပြိုခြင်းများ ဖြစ်ပွားခဲ့ရာ မြို့နယ်လမ်းဉီးစီးဌာနမှ ယာဉ်လမ်းပိတ်ဆို့မှုမဖြစ်စေရေး စက်ကြီးများအသုံးပြုလျက် လူအား၊ စက်အားဖြင့် ဖယ်ရှား ဆောင်ရွက်လျက်ရှိပါသည်။ ထိုသို့ဆောင်ရွက်ခြင်းကြောင့် ကလေး−ဖလမ်း−ဟားခါးလမ်းပိုင်းကို နံနက်၁၀နာရီခွဲတွင်လည်းကောင်း၊ မုံရွာ−ပုလဲ−ဂန့်ဂေါ −ဟားခါးလမ်းပိုင်းကို နံနက် ၁၀ နာရီအချိန်တွင်လည်းကောင်း ယာဉ်သွားလမ်းများ ဖွင့်ပေး နိုင်ခဲ့ပါကြောင်း၊ ကျန်ရှိနေသောတောင်ပြိုမြေများကို ဆက်လက်ဖယ်ရှားရှင်းလင်းလျက်ရှိကြောင်း မြို့နယ် လမ်းဉီးစီးဌာနမှသိရှိရပါပသည်။ ချင်းပြည်နယ် ဟားခါးမြို့တွင် သြဂုတ်လ ၇ရက်နေ့တွင် မိုးရေချိန် ၇၂ မီလီမီတာ(၂.၈၃ လက္မ) ရွာသွန်း ခဲ့ပြီး ၂၀၁၉ ခုနှစ် ဇန်နဝါရီလ၁ရက်မှသြဂုတ်လ၇ရက်နေ့အထိ မိုးရွာသွန်းသည့်ရက်ပေါင်း ၆၄ ရက်ရှိပြီး ရွာသွန်း သည့်မိုးရေချိန်စုစုပေါင်း ၇၆၆ မီလီမီတာ (၃၀.၁၅ လက္မ ) ရှိြပီဖြစ်ကြောင်း ချင်းပြည်နယ်မိုးလေဝသနှင့်ဇလဗေဒ ဉီးစီးဌာနရုံးမှ သိရှိရပါသည်။ ယခုလက်ရှိဖြစ်ပွားနေသောမုန်တိုင်းငယ်၏အရှိန်ကြောင့် မိုးအဆက်မပြတ်ရွာသွန်း မှုနှင့်အတူတောင်ပေါ်တွင် မြေပြိုမှုများဖြစ်နိုင်ခြင်း ၊ လမ်းပိတ်ဆို့နေမှုများဖြစ်နိုင်ခြင်းတို့ကြောင့် အန္တရာယ် မရှိစေရေး ယာဉ်မောင်း များသတိထားမောင်းနှင် နေကြရကြောင်း၊ ဟားခါး−မန္တလေးနှင့် ဟားခါး−ကလေးမြို့များသို့ပြေးဆွဲမောင်းနှင်နေ သော ယာဉ်မောင်းဉီးနိုင်အောင်ထံမှ သိရှိရပါသည်။

ဖလမ်းမြို့နယ်၊ လုမ်ဘန်းကျေးရွာ၌ “ ကျေးလက်ဒေသဖွံ့ဖြိုးရေး ” ခေါင်းစဉ်ဖြင့် ပြည်သူ့စကားဝိုင်း ပြုလုပ်မည်
ဩလ ၂၀၁၉ ခုနှစ်၊ ၇ ရက် U Min Eya Htyke

ဖလမ်း သြဂုတ် ၇ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဖလမ်းခရိုင်ရုံး၏ ဦးဆောင်မှုဖြင့် ဖလမ်းမြို့နယ်၊ လုမ်ဘန်းကျေးရွာ၌ “ ကျေးလက်ဒေသဖွံ့ဖြိုးရေး” ခေါင်းစဉ်ဖြင့် ပြည်သူ့စကားဝိုင်းကို သြဂုတ်လ ၉ ရက် နံနက်ပိုင်းတွင် ပြုလုပ်မည်ဖြစ်သည်။ ပြည်သူ့စကားဝိုင်းတွင် ပြည်နယ်လွှတ်တော်ကိုယ်စားလှယ် ဦးရာလ်နှင်၊ မြို့နယ်မွေးမြူရေးနှင့်ကုသရေးဦးစီး မှူး ဒေါက်တာမြတ်လင်း၊ မြို့နယ်ကျန်းမာရေးဦးစီးမှူး ဦးရိုနိတ်ခါး၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးငူလ်ဆွင်းခိုင်၊ မြို့နယ်စိုက်ပျိုးရေးလ/ထဦးစီးမှူး ဦးဘွဲ့အုပ်ထန်းတို့က မိမိတို့ဌာန၏ ကဏ္ဍအလိုက် ပြည်သူ့အကျိုးပြု ဒေသဖွံ့ဖြိုးရေးလုပ်ငန်းဆောင်ရွက်မှုများကို ဆွေးနွေးကြမည်ဖြစ်ပြီး တက်ရောက်လာကြသည့် ဒေသခံပြည်သူများက ဆွေးနွေးချက်များအပေါ် ပြန်လည်ဆွေးနွေးမေးမြန်းနိုင်မည်ဖြစ်သည်။ ပြန်ကြားရေ:နှင့်ပြည်သူ့ဆက်ဆံရေးဦးစီးဌာနအနေဖြင့် ဖလမ်းမြို့နယ် တာရွှန်းကျေးရွာ၊ ကြောင်ဟဲင်းကျေး ရွာ၊ ရဲလ်စိန်းကျေးရွာ၊ ရမ်ထလိုကျေးရွာတို့တွင် “ ကျေးလက်ဒေသဖွံ့ဖြိုးရေး” ခေါင်းစဉ်ဖြင့် ပြည်သူ့စကားဝိုင်းကို ကျင်းပနိုင်ခဲ့ပြီး ဒေသခံပြည်သူများ၏ တင်ပြချက်များအပေါ် သက်ဆိုင်ရာဌာနများက ပြန်လည်ဖြည့်ဆည်းပေးမှုများ ပြုလုပ်ပေးခဲ့ကြောင်းသိရသည်။

မုန်တိုင်းငယ်သတင်း (သြဂုတ်လ ၇ ရက်)
၂၀၁၉ ခုနှစ်၊ သြဂုတ်လ ၇ ရက်နေ့ မြန်မာစံတော်ချိန် ၀၇:၀၀ နာရီအချိန်တွင် မိုးလေဝသနှင့် ဇလဗေဒညွှန်ကြားမှုဦးစီးဌာနမှ မုန်တိုင်းငယ်သတင်းထုတ်ပြန်ခြင်း
မိုးအဆက်မပြတ် ရွားသွန်းမှုကြောင့် ခိုင်ကမ်းမြို့ အမှတ်(၃)ရပ်ကွက်ရှိ ကွဲချောင်း ကွန်ကရစ်တံတားအနီး လမ်းမပေါ်သို့ မြေစာပြိုကျမှုဖြစ်ပွားခဲ့
ဩလ ၂၀၁၉ ခုနှစ်၊ ၇ ရက် U Min Eya Htyke

ခိုင်ကမ်း သြဂုတ် ၆ ယခု ရက်ပိုင်းအတွင်း မိုးအဆက်မပြတ် ရွာသွန်းမှုကြောင့်ချင်းပြည်နယ်၊ တီးတိန်မြို့နယ်၊ ခိုင်ကမ်းမြို့ အမှတ်(၃) ရက်ကွက်ရှိ( မြို့တွင်းလမ်း-ပိန်းပိသွားလမ်း) ကွဲချောင်းကွန်ကရစ်တံတားအနီး လမ်းမပေါ်သို့ ယနေ့ နံနက် ၈နာရီ၄၅မိနစ် အချိန်တွင် မြေစာပြိုကျမှုများဖြစ်ပေါ်ခဲ့ကြောင်းသိရသည်။ "မြေစာပြိုကျမှုကြောင့် လူနှင့် နေအိမ်အဆောက်အဦများ ထိခိုက်၊ဆုံးရှုံး ၊ပျက်စီးခြင်းများ မရှိသော်လည်း ၊ မြေစာပြိုကျမှုကြောင့် ဆိုင်ကယ်နှင့်ကားများ ဖြတ်သန်းသွားလာ၍မရခြင်း၊ စည်ပင်သာယာရေး အဖွဲ့၏ အမှတ်(၁)နှင့် အမှတ်(၃)ရပ်ကွက်ရှိ ရေသွယ်ယူထားသည့် ရေပိုက်အချို့. ပိုက်ဆက်များပြုတ်ထွက် နေခြင်းနှင့် အမှတ်(၃)ရပ်ကွက်ရှိ လိုင်ပီယာန်ဘုရားကျောင်းအတွက် ရက်ကွက်မှ သွယ်ယူထားသော ရေ ပိုက်အချို့ပျက်စီးခြင်းများဖြစ်ပေါ်ခဲ့ကြောင်း " မြေပြင်ကွင်းဆင်းစစ်ဆေးခဲ့သည့် မြို့အုပ်ချုပ်ရေးမှူး ဦးလှမျိုးထံမှ သိရသည်။ အဆိုပါမြေစာပြို ကျသည့်နေရာ၌ မြို့အုပ်ချုပ်ရေးမှူ ဦးလှမျိုး နှင့် မြို့ စည်ပင်သာယာရေးတာဝန်ခံ ဦးဇိန်ကျုံးထောင်းတို့မှ အများပြည်သူလူထု ၊ ဖြတ်သန်းသွားလာမှုရရှိစေရန်အတွက် Chin Hill Sun ကုမ္ပဏီနှင့် Van Zion ကုမ္ပဏီတို့နှင့် ညှိနှိုင်းဆောင်ရွက်ခဲ့ပြီး Chin Hill Sun ကုမ္ပဏီနှင့် Van Zion ကုမ္ပဏီတို့မှ JCB စက်(၂)စီးဖြင့် ပြိုကျနေသော မြေစာများအား ကူညီဖယ်ရှားဆောင်ရွက်ခဲ့ရာ ၁၂နာရီ၂၀မိနစ ်အချိန်တွင် ပြီးစီးခဲ့ပြီး ဆိုင်ကယ်နှင့်ကားများ ဖြတ်သန်းသွားလာရန် အဆင်ပြေနေပြီ ဖြစ်ကြောင်းသိရသည်။ ပိုက်ပြုတ်ထွက်သွားသော မြို့စည်ပင်သာယာရေး အဖွဲ့ပိုင်ရေပိုက်များအား မြို့စည်ပင်သာယာရေးအဖွဲ့မှ ဌာနအစီအစဉ်ဖြင့် ပြန်လည်စီစဉ် ဆောင်ရွက်သွားမည် ဖြစ်ပြီး လိုင်ပီယာန်ဘုရားကျောင်းအတွက် ရေသွယ်ယူထားသော ရေပိုက်ပျက်စီးမှုများအား ရပ်ကွက်အစီအစဉ်ဖြင့် ပြန်လည်ပြုပြင်ဆောင်ရွက်သွားမည်ဖြစ် ကြောင်း သိရသည်။ ခိုင်ကမ်း (ပြန်/ဆက်)

ခိုင်ကမ်း-ပိန်းပိ ကွန်ကရစ်လမ်း(၂/၀)မိုင်၏ ဆောင်ရွက်နေမှု
ဩလ ၂၀၁၉ ခုနှစ်၊ ၆ ရက် Kyaw Soe Naing

နယ်စပ်ရေးရာဝန်ကြီးဌာနမှ ၂၀၁၈-၂၀၁၉ ဘဏ္ဍာရေးနှစ် (ပြည်ထောင်စု) ဒုတိယ(၁၂)လဘတ်ဂျက်ခွင့်ပြု ရန်ပုံငွေကျပ်(၄၇၀.၅၈၄)သန်းဖြင့် ဆောင်ရွက်သည့် ခိုင်ကမ်း-ပိန်းပိ ကွန်ကရစ်လမ်း(၂/၀)မိုင်၏ ဆောင်ရွက်နေမှု

ဟားခါးမြို့နယ် ကလေးသူငယ်အခွင့်အရေးဆိုင်ရာကော်မတီ လုပ်ငန်းညှိနှိုင်းအစည်းအဝေးကျင်းပ
ဩလ ၂၀၁၉ ခုနှစ်၊ ၆ ရက် U Min Eya Htyke

ဟားခါး သြဂုတ် ၅ ကလေးသူငယ်များ၏ လူမှုဘဝ လုံခြုံမှုရှိစေရေးနှင့်ကာကွယ်စောင့်ရှောက်ပေးနိုင်ရေးအတွက် ဟားခါးမြို့နယ် ကလေးသူငယ်အခွင့်အရေးဆိုင်ရာကော်မတီ လုပ်ငန်းညှိနှိုင်းအစည်းအဝေး ကို သြဂုတ် ၅ရက်ညနေ ၃ နာရီက မြို့နယ်အထွေထွေအုပ်ချုပ်ရေးဦးစီးဌာန၊အစည်းအဝေးခန်းမ၌ ကျင်းပရာ မြို့နယ် ကလေးသူငယ်အခွင့်အရေးဆိုင်ရာကော်မတီဥက္ကဋ္ဌနှင့်အဖွဲ့ဝင်များ၊အရပ်ဖက်လူမှု အဖွဲ့အစည်းများ၊ ကလေးသူငယ်များနှင့်သက်ဆိုင်သော လူမှုအသင်းအဖွဲ့များ တက်ရောက်ခဲ့ကြပါ သည်။ အစည်းအဝေးတွင် ဟားခါးမြို့နယ်ကလေးသူငယ်အခွင့်အရေးဆိုင်ရာကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး ဦးမြင့်ဉီးက အမှာစကားပြောကြားရာတွင် ကလေးသူငယ်များ၏အခွင့်အရေး များအပြည့်အဝရရှိစေရေး၊ ကလေးသူငယ်ဥပဒေများ၊ ကလေးသူငယ်အခွင့်အရေးဆိုင်ရာ ကော်မတီ၏ လုပ်ငန်းတာဝန်များနှင့်အညီ အကောင်အထည်ဖော်ဆောင်ရွက်နိုင်ရေးအတွက် လက်တွေ့ဆောင်ရွက်နိုင်မည့်နည်းလမ်းများ၊ လုပ်ငန်းစဉ်များ အဆင်ပြေချောမွေ့စေရေးအတွက် ညှိနှိုင်းပူးပေါင်းဆောင်ရွက်နိုင်ရန် ရှင်းလင်း ဆွေးနွေးခဲ့သည်။ ထို့နောက် တက်ရောက်လာကြသည့် ဟားခါးမြို့နယ် ကလေးသူငယ်အခွင့်အရေးဆိုင်ရာ ကော်မတီအဖွဲ့ဝင်များနှင့် အရပ်ဖက်လူမှု အဖွဲ့အစည်းများ၊ ကလေးသူငယ်များနှင့်သက်ဆိုင်သော လူမှုအသင်းအဖွဲ့များ က ကလေးသူငယ်များ နှင့်၄င်းတို့၏အခွင့်အရေးများ၊ အခွင့်အလမ်းများဆုံးရှုံးမှု မရှိစေရေးအတွက် မိမိတို့ဌာန ၊ မိမိတို့ အဖွဲ့ အစည်းများ၏ လက်ရှိ ဆောင်ရွက်နေသည့် လုပ်ငန်းများ အပေါ်အားသာချက်၊အားနည်းချက်များကို တင်ပြကြပြီးနောက် ကလေးသူငယ်များနှင့်ပတ်သက်၍ ဆက်လက်အကောင်အထည်ဖော် ဆောင်ရွက်ပေးမည့် နည်းလမ်းများ၊ လုပ်ငန်းစဉ်များအား ရှင်းလင်းဆွေးနွေးခဲ့ကြကြောင်း သိရှိရပါသည်။ ခရိုင်ပြန်/ဆက်