ယာဉ်အန္တရာယ်ကင်းရှင်းစေရေးသတိပေးဆိုင်းဘုတ်များတပ်ဆင်နိုင်ရေးကွင်းဆင်းစစ်ဆေး
ဩလ ၂၀၁၉ ခုနှစ်၊ ၁၆ ရက် U Min Eya Htyke

ယာဉ်အန္တရာယ်ကင်းရှင်းစေရေးသတိပေးဆိုင်းဘုတ်များတပ်ဆင်နိုင်ရေးကွင်းဆင်းစစ်ဆေး

မြန်မာနိုင်ငံကြက်ခြေနီအသင်း အချိန်ပြည့်အမှုဆောင်အဖွဲ့၀င်များနှင့် ဖလမ်းမြို့နယ်ကြက်ခြေနီအသင်းအဖွဲ့၀င်များ တွေ့ဆုံပွဲပြုလုပ်
ဩလ ၂၀၁၉ ခုနှစ်၊ ၁၅ ရက် U Min Eya Htyke

ဖလမ်း သြဂုတ် ၁၅ မြန်မာနိုင်ငံကြက်ခြေနီအသင်းအချိန်ပြည့်အမှုဆောင်အဖွဲ့၀င်များနှင့် ဖလမ်းမြို့နယ်ကြက်ခြေနီအသင်းအဖွဲ့ ၀င်များ တွေ့ဆုံပွဲကို သြဂုတ်လ ၁၅ ရက် မွန်းတည့် ၁၂နာရီခွဲက ဖလမ်းခရိုင်ပြန်ကြားရေးနှင့်ပြည်သူ့ဆက်ဆံရေးဦးစီး ဌာန၊ Community Centre ခန်းမ၌ ပြုလုပ်သည်။ ရှေးဦးစွာ မြန်မာနိုင်ငံကြက်ခြေနီအသင်း အချိန်ပြည့်အမှုဆောင်အဖွဲ့၀င် ဦးကင်ဘွိုင်းက အမှာစကားပြောကြားသည်။ ထို့နောက် ဖလမ်းမြို့နယ်ကြက်ခြေနီအသင်းဉက္ကဌ ဦးရူလ်ဇမ်းနှင့် တပ်ခွဲမှူး ဦးသောခ်ဆန်းတို့က ဒေသအတွင်းလုပ်ငန်းဆောင်ရွက်မှုများ၊ ဆက်လက်ဆောင်ရွက်ရမည့်လုပ်ငန်းစဉ်များနှင့် ကြုံတွေ့နေရသည့်အခက်အခဲများကို တင်ပြဆွေးနွေးကြပြီး အမှုဆောင်အဖွဲ့၀င် ဦးကင်ဘွိုင်းနှင့် ညွှန်ကြားရေးမှူး ဒေါ်အေးအေးငြိမ်းတို့က ပြန်လည်ရှင်းလင်းဆွေးနွေးကြသည်။ ဆက်လက်၍ ဖလမ်းမြို့နယ်ကြက်ခြေနီအသင်းအတွက် မြန်မာနိုင်ငံကြက်ခြေနီအသင်းမှ လှူဒါန်းသော ရှေးဦးပြုစုခြင်းဆေးအိတ်ကြီး(၁)ခုနှင့် ဆေးအိတ်ငယ်(၃၀)ခု၊ ကြက်ခြေနီ၀တ်စုံ(၇)စုံ၊ အသက်ရှူအားကူခြင်းနှင့် နှလုံး နိုးဆွခြင်းသင်ထောက်ကူအရုပ်(၁)ရုပ်တို့အား အမှုဆောင်အဖွဲ့၀င် ဦးကင်ဘွိုင်းနှင့် ညွှန်ကြားရေးမှူး၊ ဒေါ်အေးအေးငြိမ်းတို့က ပေးအပ်လှူဒါန်းရာ တာ၀န်ရှိသူများက လက်ခံရယူကြသည်။ အဆိုပါတွေ့ဆုံပွဲသို့ မြန်မာနိုင်ငံကြက်ခြေနီအသင်းအချိန်ပြည့်အမှုဆောင်အဖွဲ့၀င် ဦးကင်ဘွိုင်း၊ မြန်မာနိုင်ငံ ကြက်ခြေနီအသင်း၊ ရခိုင်ပြည်နယ်စီမံချက်လုပ်ငန်းများစီမံခန့်ခွဲမှုယူနစ်၊ ညွှန်ကြားရေးမှူး ဒေါ်အေးအေးငြိမ်း၊ အပြည်ပြည်ဆိုင်ရာကြက်ခြေနီကော်မတီမှ ကွင်းဆင်းအရာရှိ ဦးနိုင်နာလော့နော်နှင့် ဖလမ်းမြို့နယ်ကြက်ခြေနီအသင်း အဖွဲ့၀င်များ တက်ရောက်ကြကြောင်းသိရသည်။ ခရိုင်ပြန်/ဆက်

ဖလမ်း၌ သဘာ၀ဘေးအန္တရာယ်ဆိုင်ရာ အသိပညာပေးဟောပြော
ဩလ ၂၀၁၉ ခုနှစ်၊ ၁၅ ရက် U Min Eya Htyke

ဖလမ်း သြဂုတ် ၁၅ ဘေးအန္တရာယ်၊ သဘာ၀ဘေးအန္တရာယ်ဖြစ်ပွါးခြင်းမှ ကြိုတင်ကာကွယ်ခြင်းလုပ်ငန်းများဆောင်ရွက်နိုင်ရေး အတွက် အသိပညာပေးဟောပြောခြင်းကို သြဂုတ် ၁၅ ရက် နံနက် ၁၁နာရီခွဲက ဖလမ်းမြို့၊ မြို့နယ်ခန်းမ၌ ကျင်းပပြု လုပ်သည်။ ဟောပြောပွဲတွင် ဖလမ်းမြို့နယ်အုပ်ချုပ်ရေးမှူး ဦးကြားအွယ်က အမှာစကားပြောကြားသည်။ ထို့နောက် ဖလမ်းခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ဒုတိယဦးစီးမှူး ဦးလာလ်မွာန်ပွီးနှင့် အငယ်တန်းစာရေး ဦးဘီးကျုံးထန်တို့က သဘာ၀ဘေးကြောင့်ဖြစ်သော ဘေးအန္တရာယ်များနှင့် လူကြောင့်ဖြစ်သော ဘေးအန္တရာယ်အမျိုးအစားများ၊ ဘေးအန္တရာယ်မဖြစ်ပွါးမီနှင့် ဖြစ်ပွါးပြီးနောက်ပိုင်း ဆောင်ရွက်ရ မည့်လုပ်ငန်းစဉ်များ၊ သတိပြုရန် ဆောင်ရန်၊ ရှောင်ရန်စသည်များကို Power Point ဖြင့် ရှင်းလင်းဟောပြောဆွေးနွေးကြသည်။ ယင်းနောက် တက်ရောက်လာသူများ၏ သိရှိလိုသည်များကို အပြန်အလှန် ရှင်းလင်းဆွေးနွေးခဲ့ကြောင်း သိရသည်။ အဆိုပါဟောပြောပွဲသို့ ဖလမ်းမြို့နယ်အတွင်းရှိ ရပ်ကွက်/ကျေးရွာအုပ်ချုပ်ရေးမှူးများနှင့် စာရေးများ တက်ရောက်ကြကြောင်းသိရသည်။ ခရိုင်ပြန်/ဆက်

သက်ငယ်မုဒိမ်းမှုများမဖြစ်ပွားစေရေး အသိပညာပေးဟောပြော
ဩလ ၂၀၁၉ ခုနှစ်၊ ၁၅ ရက် U Min Eya Htyke

ဟားခါး သြဂုတ် ၁၅ ချင်းပြည်နယ် ၊ ရဲတပ်ဖွဲ့မှူး ရဲမှူးကြီးခင်ကျော်၏ လမ်းညွှန်မှုဖြင့် ချင်းပြည်နယ်အတွင်း မှုခင်းကျဆင်းရေးအရှိန်အဟုန်မြှင့်ဆောင်ရွက်လျက်ရှိရာ သက်ငယ်မုဒိမ်းမှုများမဖြစ်ပွားစေရေး အသိပညာပေး ဟောပြောပွဲကို သြဂုတ် ၁၅ ရက် နံနက် ၉ နာရီက ဟားခါးမြို့နယ် ချွန်ကျုံးကျေးရွာ အုပ်ချုပ်ရေးမှူးရုံး ၌ကျင်းပ သည်။ ဟောပြောပွဲတွင် ဟားခါးမြို့နယ် ခေတ္တမြို့နယ်ရဲတပ်ဖွဲ့မှူး ရဲမှူး မျိုးကြည်က သက်ငယ်မုဒိမ်းမှု၊ခိုးမှု၊ လူကုန်ကူး၊မူးယစ်၊လူသတ်မှုစသည့် မှုခင်းများမဖြစ်ပွားစေရေးနှင့်ပြစ်မှု၊ပြစ်ဒဏ်များအား အသိပညာပေးဟော ပြောသည်။ ထို့နောက် ချွန်ကျုံးကျေးရွာသူ၊ကျေးရွာသားများက သိရှိလိုသူများမေးမြန်းရာ ခေတ္တမြို့နယ် ရဲတပ်ဖွဲ့မှူး ရဲမှူး မျိုးကြည်က ပြန်လည်ရှင်းလင်းပြောကြားကာ ကျေးရွာအုပ်ချုပ်ရေးမှူး ဉီးရာလ် ကုန်းက ကျေးဇူးတင်စကားပြောကြားသည်။ ပြည်နယ်ရဲတပ်ဖွဲ့မှူးရုံးအနေဖြင့် ချင်းပြည်နယ်အတွင်း သက်ငယ်မုဒိမ်းမှု၊ခိုးမှု၊ လူကုန်ကူး၊မူးယစ်၊ လူသတ်မှုစသည့်အမှုအခင်းများနှင့် တရားမဝင်ကိစ္စရပ်များအား အချိန်နှင့် တစ်ပြေးညီ သတင်းပေး တိုင်ကြားနိုင်ရေး အတွက်နယ်မြေအလိုက်ဖုန်းနံပါတ်များ တပ်ဆင်ပေးထားကြောင်းရှိရသည်။ ခရိုင်(ပြန်/ဆက်)

ကလေးများကာယ၊ဉာဏဖွံ့ဖြိုးရေးရည်ရွယ်၍စကားပုံဆက်၊အရုပ်ဆက်ပြိုင်ပွဲများကျင်းပ
ဩလ ၂၀၁၉ ခုနှစ်၊ ၁၅ ရက် U Min Eya Htyke

ဟားခါး သြဂုတ် ၁၅ ကျောင်းသားကျောင်းသူလေးများ ကာယ၊ဉာဏစွမ်းရည်ဖွံ့ဖြိုးတိုးတက်လာစေရေးနှင့်စာပေလေ့လာဖတ်ရှု သည့်အလေ့အကျင့်ကောင်းများ ရရှိလာစေရေး၊ အသိပညာဗဟုသုတများ တိုးတက်လာစေရေး၊စာကြည့်တိုက်နှင့် ရင်းနှီးကျွမ်းဝင်မှုရှိလာစေရေး ရည်ရွယ်၍ စကားပုံဆက်နှင့်အရုပ်ဆက်ပြိုင်ပွဲများကို သြဂုတ် ၁၅ ရက် မွန်းတည့် ၁၂ နာရီက ဟားခါးခရိုင်ပြန်ကြားရေးနှင့်ပြည်သူ့ဆက်ဆံရေးဉီးစီးဌာန၊ လူထုအခြေပြုဗဟိုဌာန(Community Centre)၊ ကလေး စာဖတ်ခန်း၌ ကျင်းပသည်။ အဆိုပါ စကားပုံဆက်နှင့်အရုပ်ဆက်ပြိုင်ပွဲ ကျင်းပရခြင်း ရည်ရွယ်ချက်များအား ဟားခါးခရိုင်ပြန်ကြားရေးနှင့် ပြည်သူ့ဆက်ဆံရေးဉီးစီးဌာန ဒုတိယဉီးစီးမှူး ဒေါ်နီလာဝင်းကရှင်းလင်းပြောကြားကာ Chin Galaxy ကိုယ်ပိုင် အထက်တန်းကျောင်းမှ အလယ်တန်းအဆင့်ကျောင်းသား၊ ကျောင်းသူ (၁၅) ဉီးတို့က ဝင်ရောက်ယှဉ်ပြိုင်ကြပြီး ပြိုင်ပွဲဝင်ကလေးငယ်များအားပြည်နယ်ပြန်ကြားရေးနှင့်ပြည်သူ့ဆက်ဆံရေးဉီးစီးဌာန လက်ထောက်ညွှန်ကြားရေးမှူး ဒေါ်ပုမ်ခန့်နွမ်က အမှတ်တရလက်ဆောင်များပေးအပ်ခဲ့ကြောင်း သိရသည်။ ခရိုင်(ပြန်/ဆက်)

အိန္ဒိယနိုင်ငံ၏ (၇၃)နှစ်မြောက် လွတ်လပ်ရေးနေ့အား ဂုဏ်ပြုသောအားဖြင့် မြန်မာ-အိန္ဒိယနှစ်နိုင်ငံတပ်မတော် ချစ်ကြည်ရေးအားကစားပြိုင်ပွဲကျင်းပ
ဩလ ၂၀၁၉ ခုနှစ်၊ ၁၅ ရက် U Min Eya Htyke

ရိခေါ်ဒါရ် သြဂုတ် ၁၅ ၂၀၁၉ ခုနှစ်၊ သြဂုတ် ၁၅ ရက်နေ့တွင် ကျရောက်သည့် အိန္ဒိယနိုင်ငံ၏ ၇၃ နှစ်မြောက် လွတ်လပ်ရေးနေ့အခမ်းအနားကို အိန္ဒိယနိုင်ငံ၊ မီဇိုရမ်ပြည်နယ်၊ ကြမ်ဖိုင်းခရိုင်၊ ဇိုခေါထာရ်ကျေးရွာ မြန်မာ-အိန္ဒိယနှစ်နိုင်ငံနယ်စပ် (အိန္ဒိယဖက်ခြမ်း)၌ သြဂုတ် ၁၅ ရက် နံနက် ၁၀ နာရီတွင် ကျင်းပသည်။ အိန္ဒိယနိုင်ငံလွတ်လပ်ရေးနေ့အခမ်းအနားသို့ အိန္ဒိယနိုင်ငံ အာသံရိုင်ဖယ် စစ်တပ်မှ စစ်ဗျူဟာမှူး ဗိုလ်မှူးချုပ် Vinod S.M ၏ ဖိတ်ကြားချက်အရ မြန်မာနိုင်ငံဘက်မှ ဒေသကွပ်ကဲမှုစစ်ဌာနချုပ်(ကလေး)မှ ဗိုလ်မှူးကြီး ညီညီတင်နှင့် စစ်ဗျူဟာအခြေချ (ဟားခါး)မှ စစ်ဗျူဟာမှူး ဗိုလ်မှူးကြီး သန့်ဇင်ဦးတို့ တက်ရောက်အားပေးခဲ့သည်။ အဆိုပါ လွတ်လပ်ရေးနေ့အခမ်းအနားတွင် အိန္ဒိယနိုင်ငံဘက် St. Joseph English Medium School မှ ကျောင်းသားကျောင်းသူများနှင့် မြန်မာနိုင်ငံဘက်မှ အခြေခံပညာ အထက်တန်းကျောင်းခွဲ (တီအိုချောင်း) ကျောင်းသားကျောင်းသူများက နှစ်နိုင်ငံ နိုင်ငံတော် သီချင်းများဖြင့် သီဆိုတင်ဆက်ကြသည်။ ထို့နောက် အိန္ဒိယနိုင်ငံ အာသံရိုင်ဖယ် စစ်တပ်မှ စစ်ဗျူဟာမှူး ဗိုလ်မှူးချုပ် Vinod S.M နှင့် စစ်ဗျူဟာအခြေချ (ဟားခါး)မှ စစ်ဗျူဟာမှူး ဗိုလ်မှူးကြီး သန့်ဇင်ဦးတို့က အမှာစကားပြောကြားပြီး မြန်မာ-အိန္ဒိယနှစ်နိုင်ငံဒေသခံ ပြည်သူများ၊ ကျောင်းသားကျောင်းသူများက ချစ်ကြည်ရေး အားကစားပြိုင်ပွဲများဖြစ်သည့် တာတိုအပြေးပြိုင်ပွဲနှင့် လွန်ဆွဲပြိုင်ပွဲများကို လည်းကောင်း၊ နှစ်နိုင်ငံတပ်မတော်များမှ ချစ်ကြည်ရေး ဘော်လီဘောပြိုင်ပွဲများကိုလည်းကောင်း အသီးသီးယှဉ်ပြိုင်ကြပြီး ပြိုင်ပွဲဝင်ဆုရရှိသူများနှင့် နိုင်ငံတော်သီချင်းသီဆိုတင်ဆက်ကြသည့် နှစ်နိုင်ငံကျောင်းသား ကျောင်းသူများအား အိန္ဒိယနိုင်ငံ အာသံရိုင်ဖယ် စစ်တပ်မှ စစ်ဗျူဟာမှူး ဗိုလ်မှူးချုပ် Vinod S.M နှင့်ဒေသကွပ်ကဲမှုစစ်ဌာနချုပ်(ကလေး)မှ ဗိုလ်မှူးကြီး ညီညီတင်တို့က ဆုများ အသီးသီးချီးမြှင့်ပေးခဲ့ကြောင်း၊ အဆိုပါအခမ်းအနားသို့ နှစ်နိုင်ငံပြည်သူအင်အား ၅၀၀ ကျော်တက်ရောက်ခဲ့ကြောင်း သိရသည်။ ရိခေါ်ဒါရ် ပြန်/ဆက်

ချင်းပြည်နယ်၊ဟားခါးမြို့၊ ကျောဘုတ်ထေရဒဝါဗုဒ္ဓသာသနာပြုဘုန်းတော်ကြီးသင်ပညာရေးကျောင်းဝန်းအတွင်း တည်ဆောက်မည့် သိမ်ကျောင်းဆောင်ဖြစ်မြောက်ရေး အလှူတော်ငွေပေးအပ်ပွဲကျင်းပ
ဩလ ၂၀၁၉ ခုနှစ်၊ ၁၅ ရက် U Min Eya Htyke

ဟားခါး သြဂုတ်−၁၅ ချင်းပြည်နယ်၊ဟားခါးမြို့၊ ကျောဘုတ်ထေရဝါဒဗုဒ္ဓသာသနာပြု ဘုန်းတော်ကြီးသင်ပညာရေးကျောင်း ဝန်းအတွင်း တည်ဆောက်မည့် သိမ်ကျောင်းဆောင်ဖြစ်မြောက်ရေး အလှူတော်ငွေပေးအပ်ပွဲအခမ်းအနားကို သြဂုတ် ၁၅ ရက် နံနက် ၉ နာရီက အဆိုပါ ကျောင်းတိုက်ဓမ္မာရုံ၌ကျင်းပပြုလုပ်ရာ ချင်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာ၀န်ကြီး ဗိုလ်မှူးကြီးဟန်ဝင်းအောင်၊ ပြည်နယ်စည်ပင်သာယာရေး၊လျှပ်စစ် နှင့်စက်မှုလက်မှုဝန်ကြီး ဉီးစိုးထက်၊ ချင်းပြည်နယ်အစိုးရအဖွဲ့အတွင်းရေးမှူးဉီးတိုးဝင်း၊ ပြည်နယ်အဆင့် ဌာနဆိုင်ရာတာဝန်ရှိသူများ၊အလှူရှင်များ၊ဒေသခံဗုဒ္ဓ ဘာသာဝင်များ နှင့် ဖိတ်ကြားထားသောဧည့်သည်တော် များ တက်ရောက်ကြသည်။ ရှေးဉီးစွာ နမောတဿ သုံးကြိမ်ရွတ်ဆိုဘုရားကန်တော့ ၍ အခမ်းအနားကိုဖွင့်လှစ်ပြီးနောက် ကျောဘုတ် ထေရဝါဒဗုဒ္ဓသာသနာပြုဘုန်းတော်ကြီးသင်ပညာရေးကျောင်း ဆရာတော်ဘဒ္ဒန္တပညောဘာသ အရှင်သူမြတ်ထံမှ ကိုးပါးသီလခံယူဆောက်တည်ကြသည်။ ဆက်လက်၍ ချင်းပြည်နယ်အစိုးရအဖွဲ့အတွင်းရေးမှူးဉီးတိုးဝင်းက အလှူတော်ငွေပေးအပ်ပွဲကျင်းပ ရခြင်းနှင့်စပ်လျဉ်း၍ဆရာတော်ထံ လျှောက်ထားတင်ပြပြီး သိမ်ကျောင်းဆောင်ဖြစ်မြောက်ရေးအတွက် ပြည်နယ်လုံခြုံရေးနှင့်နယ်စပ်ရေးရာ၀န်ကြီး ဗိုလ်မှူးကြီးဟန်ဝင်းအောင်နှင့်တာဝန်ရှိသူများက အလှူတော်ငွေ များပေးအပ်လှူဒါန်းရာပြည်နယ်အစိုးရအဖွဲ့အတွင်းရေးမှူးဉီးတိုးဝင်းကဂုဏ်ပြုမှတ်တမ်းလွှာများပြန်လည်ပေးအပ်သည်။ ထို့နောက် ဆရာတော်ဘဒ္ဒန္တပညောဘာသ အရှင်သူမြတ်ထံ ဝါဆိုသင်္ကန်းလှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး သိမ်ကျောင်းဆောင်ဖြစ်မြောက်ရေးအတွက် တက်ရောက်လာကြသည့်ဌာနဆိုင်ရာများ၊ စေတနာရှင်အလှူရှင်များ၏ စုပေါင်းလှူဒါန်းငွေ(၁၀၄)သိန်းကျပ်အပါအဝင် လှူဒါန်းမှူအစုစုတို့အတွက် ရေစက်သွန်းချ အမျှပေးဝေကြကာ ဗုဒ္ဓသာသနံစိရံတိဌတု ၃ ကြိမ်ရွတ်ဆိုပူဇော်၍ အခမ်းအနားကို ရုပ်သိမ်းခဲ့ ကြပြီး ချင်းပြည်နယ်သာသနာရေးမှူးရုံးမိသားစုတို့မှ ဆရာတော်အား နေ့ဆွမ်းဆက်ကပ်ခဲ့ကြောင်းသိရှိရသည်။ ခရိုင်(ပြန်/ဆက်)