သက်ငယ်မုဒိမ်းမှုများမဖြစ်ပွားစေရေးအသိပညာပေးဟောပြော
အောက်လ ၂၀၁၉ ခုနှစ်၊ ၂၅ ရက် U Min Eya Htyke

ဟားခါး အောက်တိုဘာ ၂၅ ချင်းပြည်နယ်အတွင်း မှုခင်းကျဆင်းရေးကိုအရှိန်အဟုန်မြှင့်ဆောင်ရွက်လျက်ရှိရာ သက်ငယ်မုဒိမ်းမှု များမဖြစ်ပွားစေရေးအတွက် ဟားခါးမြို့နယ်ရဲတပ်ဖွဲ့မှူးရုံးမှ အသိပညာပေးဟောပြောပွဲကို အောက်တိုဘာ ၂၅ ရက် နံနက် ၇ နာရီခွဲက ဟားခါးမြို့ ၊ ဟားခါးထာရ် (၁) ရပ်ကွက် အုပ်ချုပ်ရေးမှူးရုံး၌ ကျင်းပသည်။ ဟောပြောပွဲတွင် ဟားခါးမြို့နယ်ရဲတပ်ဖွဲ့မှူးရုံးမှ မှုခင်းမှတ်တမ်းတာဝန်ခံ ရဲအုပ်သိန်းထွန်းဉီးက သက်ငယ်မုဒိမ်းမှုများ မဖြစ်ပွားစေရေး အသိပညာပေးဟောပြောခဲ့ပြီး ဟားခါးထာရ်(၁)ရပ်ကွက်မှ ပြည်သူ(၂၂) ဉီးတက်ရောက်ခဲ့ကြောင်းသိရှိရသည်။ ကျော်စွာ(ပြန်/ဆက်)

ချင်းပြည်နယ်အစိုးရအဖွဲ့ဝန်ကြီးချုပ်ဖလား အမျိုးသားအလွတ်တန်း မြို့နယ်ပေါင်းစုံတင်းနစ်ပြိုင်ပွဲ ဆုချီးမြှင့်ပွဲကျင်ပ
အောက်လ ၂၀၁၉ ခုနှစ်၊ ၂၅ ရက် U Min Eya Htyke

ဟားခါး အောက်တိုဘာ ၂၅ ၂၀၁၉ခုနှစ် ချင်းပြည်နယ်အစိုးရအဖွဲ့ဝန်ကြီးချုပ်ဖလား အမျိုးသားအလွတ်တန်း မြို့နယ်ပေါင်းစုံ တင်းနစ်ပြိုင်ပွဲဆုချီးမြှင့်ပွဲအခမ်းအနားကို ယနေ့ညနေ ၃ နာရီက ဟားခါးမြို့ ဖိုင်ဇောင်းတင်းနစ်ကွင်း၌ကျင်းပ သည်။ အခမ်းအနားတွင် ချင်းပြည်နယ်ဝန်ကြီးချုပ်ကိုယ်စား ပြည်နယ်အထူးစုံစမ်းစစ်ဆေးရေးဉီးစီးဌာန ညွှန်ကြားရေးမှူး ဉီးရွှေလှက အမှာစကားပြောကြားရာတွင် ချင်းပြည်နယ်အတွင်းဘက်စုံဖွံ့ဖြိုးတိုးတက်ရေး လုပ်ငန်းများကို အကောင်အထည်ဖော်ဆောင်ရွက်ရာတွင် အားကစားကွင်း၊အားကစားရုံ၊ အားကစားလှုပ်ရှားမှု လုပ်ငန်းများကိုလည်း ပြည်နယ်၊ခရိုင်၊မြို့နယ်အလိုက်တွန်းအားပေးဆောင်ရွက်လျက်ရှိကြောင်း ၊ ချင်းပြည်နယ် တွင်တင်းနစ်အားကစားနည်းကိုမြို့နယ်တိုင်းရှိ လူငယ်လူရွယ်များပိုမိုစိတ်ဝင်စားလာစေရန်၊နိုင်ငံတော်နှင့် ချင်းပြည်နယ်အတွက်အားထားရမည့်တင်းနစ်မျိုးဆက်သစ်လူငယ်အားကစားသမားများပေါ်ထွန်းလာစေရန်၊ ၂၀၁၉ ခုနှစ် နိုဝင်ဘာလတွင် ကျင်းပပြုလုပ်မည့်တိုင်းဒေသကြီးနှင့်ပြည်နယ်တင်းနစ်ပြိုင်ပွဲတွင် ချင်းပြည်နယ် တင်းနစ်အသင်းမှအောင်မြင်မှုများရရှိလာမည်ကိုယုံကြည်မျှော်လင့်ကြောင်းအမှာစကားပြောကြားသည်။ ထို့နောက် တင်းနစ်ပြိုင်ပွဲတွင် ပထမ၊ဒုတိယ၊တတိယ ဆုရရှိကြသည့် ဟားခါးမြို့နယ်၊ မတူပီမြို့နယ်နှင့်ဖလမ်းမြို့နယ်တို့မှ ပြိုင်ပွဲဝင်အသင်းသားများအား ပြည်နယ်အထူးစုံစမ်းစစ်ဆေးရေးဉီးစီးဌာန ညွှန်ကြားရေးမှူးနှင့်တာဝန်ရှိသူများက ဆုများအသီးသီးပေးအပ်ချီး မြှင့်ကာ စုပေါင်းမှတ်တမ်းတင် ဓာတ်ပုံ ရိုက်ကူးခဲ့ကြပြီး ပြိုင်ပွဲကိုအောက်တိုဘာ ၂၃ ရက်နေ့မှ ၂၅ ရက်နေ့အထိ ၃ ရက်ကြာ ကျင်းပပြုလုပ် ခဲ့ကြောင်းသိရှိရသည်။ ကျော်စွာ(ပြန်/ဆက်)

မသန်စွမ်းမှုအား ဖွံ့ဖြိုးရေးကဏ္ဍတိုင်းတွင်ထည့်သွင်းစဉ်းစားလာရေးဆိုင်ရာ အလုပ်ရုံဆွေးနွေးပွဲ ပြုလုပ်
အောက်လ ၂၀၁၉ ခုနှစ်၊ ၂၅ ရက် U Min Eya Htyke

*ဖလမ်း အောက်တိုဘာ ၂၅* မသန်စွမ်းမှုအား ဖွံ့ဖြိုးရေးကဏ္ဍတိုင်းတွင် ထည့်သွင်းစဉ်းစားလာ ရေးဆိုင်ရာအလုပ်ရုံ ဆွေးနွေးပွဲကို အောက်တိုဘာ ၂၄ ရက် နံနက် ၉ နာရီခွဲက ဖလမ်းမြို့ နှစ်ခြင်းခရစ်ယာန်နယ်အဖွဲ့ အစည်းအဝေးခန်းမ၌ ပြုလုပ်သည်။ အဆိုပါဆွေးနွေးပွဲတွင် ဧဒင်မသန်စွမ်းသက်ငယ်များပြုစုရာရိပ်မြုံအသင်းမှ မန်နေဂျင်း ဒါရိုက်တာ ဦးထာအုပ်က မသန်စွမ်းမှုဆိုင်ရာအလုပ်ရုံဆွေးနွေးပွဲနှင့်ပတ်သက်သော အချက်များ ပြောကြားရှင်းလင်းပြီး တက်ရောက်လာကြသူများအား အဖွဲ့(၄)ဖွဲ့ခွဲကာ ကျန်းမာရေး၊ ပညာရေး၊ လူမှုရေး၊ အသက်မွေးဝမ်းကျောင်းနှင့် ပညာရေးခေါင်းစဉ်ဖြင့် အဖွဲ့လိုက် အကြံပြုဆွေးနွေး ကြကြောင်းနှင့် အလုပ်ရုံဆွေးနွေးပွဲကို အောက်တိုဘာ ၂၄ ရက်မှ ၂၅ ရက်နေ့ထိ ပြုလုပ်ခဲ့ကြောင်းသိရသည်။ ဂျွန်( ပြန်/ဆက်)

ချင်းပြည်နယ်e-Government အကောင်အထည်ဖော်ရေးလုပ်ငန်းကော်မတီ အခြေခံကွန်ပျူတာသင်တန်း(၁/၂၀၁၉)ဖွင့်ပွဲကျင်းပ
အောက်လ ၂၀၁၉ ခုနှစ်၊ ၂၄ ရက် U Min Eya Htyke

ဟားခါး အောက်တိုဘာ ၂၄ ချင်းပြည်နယ်အစိုးရအဖွဲ့၊ချင်းပြည်နယ် e-Government အကောင်အထည်ဖော်ရေးလုပ်ငန်း ကော်မတီ ၏ဉီးဆောင်မှုဖြင့် အခြေခံကွန်ပျူတာသင်တန်း (၁/၂၀၁၉) ဖွင့်ပွဲအခမ်း အနားကို အောက်တိုဘာ ၂၄ ရက် နံနက် ၉ နာရီက ဟားခါးမြို့ အစိုးရ စက်မှုလက်မှုသိပ္ပံကျောင်း အစည်းအဝေး ခန်းမ၌ကျင်းပသည်။ အခမ်းအနားတွင် ချင်းပြည်နယ်အစိုးရအဖွဲ့အတွင်းရေးမှူး ၊ ချင်းပြည်နယ် e-Government ဉီးဆောင် ကော်မတီအတွင်းရေးမှူး ဉီးတိုးဝင်းက ကွန်ပျူတာဖြင့် ရုံးလုပ်ငန်းများ လွယ်ကူလျင်မြန်စွာဆောင်ရွက်တက်စေ ရန်နှင့် e-Governmentစနစ်များအကောင်အထည်ဖော်ရာတွင် အောင်မြင်စေရန်အတွက် ချင်းပြည်နယ်အတွင်းရှိ နိုင်ငံ့ဝန်ထမ်းများအတွက်ရည်ရွယ်၍သင်တန်းဖွင့်လှစ်ရခြင်းဖြစ်ကြောင်း ၊ e-Governmentသည် အစိုးရလုပ်ငန်း စဉ်များအား အစိုးရအဖွဲ့ရအဖွဲ့အစည်းများ ၊ နိုင်ငံသားများ ၊ စီးပွားရေးလုပ်ငန်းရှင်များနှင့်ဆက်ဆံဆောင် ရွက်သည့်အခါ လွယ်ကူလျင်မြန်စေရန် သတင်းအချက်အလက်နှင့် ဆက်သွယ်ရေးနည်းပညာ(ICT)ကိုအသုံးပြု ပြီး အစိုးရ၏လုပ်ငန်းများ ပိုမိုကောင်းမွန်သည့် ဝန်ဆောင်မှုအဖြစ်ထိရောက်စွာ အကျိုးရှိရှိအသွင်ပြောင်းလဲခြင်း ဖြစ်ကြောင်း၊ e-Government၏ရည်မှန်းချက်ပန်းတိုင်သို့ အောင်မြင်စွာရောက်ရှိနိုင်ရန် နိုင်ငံသားများအား Online Service များပိုမိုဝန်ဆောင်မှုပေးချင်းသည်အရေးပါသည့်အချက်ဖြစ်ကြောင်း၊ ဉပမာ e-Ticket, e-Passport,e-Custom,e-Visa,e-Reservation,e-Taxationတို့ဖြစ်ကြောင်း၊ e- Service ၏အကျိုးကျေးဇူးများ ကတော့အသုံးပြုသူတွေအတွက် ပိုမိုဝန်ဆောင်ပေးနိုင်ခြင်း၊ အချိန်နှင့်တပြေးညီဆောင်ရွက်နိုင်ခြင်း၊ အသုံးပြု သူအခြေပြုဝန်ဆောင်မှုများပိုမိုများပြားလာပြီးပိုမိုအသုံးပြုလာနိုင်မည်ဖြစ်ကြောင်း၊ အဖွဲ့အစည်း၊ ကုမ္ပဏီ၏ Imageပိုမိုကောင်းမွန်လာမည်ဖြစ်ကြောင်း၊ အပြိုင်အဆိုင်ဆောင်ရွက်မှုများမှ အကျိုးကျေးဇူးများလာမည် ဖြစ်ကြောင်းအမှာစကားပြောကြားပြီးနောက် သင်ရိုးစာအုပ်နှင့်သင်တန်းစရိတ်ထောက်ပံ့ငွေများအား အစိုးရ စက်မှုလက်မှုသိပ္ပံ(ဟားခါး)ကျောင်းအုပ်ကြီး ဒေါက်တာဆလိုင်းတလွန်ဇထန်းထံပေးအပ်သည်။ အဆိုပါ သင်တန်းကို တစ်ကြိမ်လျှင်သင်တန်းသား၊သင်တန်းသူ (၃၅)ဉီးနှုန်းဖြင့် ရက်သတ္တ (၂)ပတ်ကြာ သင်တန်း ဖွင့်လှစ်သွားမည်ဖြစ်ကာယခုနှစ်မှ၂၀၂၁ခုနှစ်အထိ အောက်တိုဘာနှင့် နိုဝင်ဘာလများတွင်ဆက်လက် ဖွင့်လှစ်သင်ကြား ပေးသွားမည်ဖြစ်ကြောင်းသိရှိရသည်။ ကျော်စွာ(ပြန်/ဆက်)

ဟားခါးမြို့နယ်၏ ၂၀၁၉−၂၀၂၀ ဘဏ္ဍာရေးနှစ်စီမံကိန်းတာဝန်ပေးအပ်ပွဲအခမ်းအနားကျင်းပ
အောက်လ ၂၀၁၉ ခုနှစ်၊ ၂၃ ရက် U Min Eya Htyke

ဟားခါး အောက်တိုဘာ ၂၃ ချင်းပြည်နယ် ဟားခါးမြို့နယ်၏ ၂၀၁၉−၂၀၂၀ ဘဏ္ဍာရေးနှစ်စီမံကိန်းတာဝန်ပေးအပ်ပွဲအခမ်းအနားကို အောက်တိုဘာ ၂၃ ရက် မွန်းလွဲ ၂ နာရီက ဟားခါးမြို့နယ်စုပေါင်းရုံးအစည်းအဝေးခန်းမ၌ ကျင်းပသည်။ အခမ်းအနားတွင် ဟားခါးမြို့နယ်အထွေထွေအုပ်ချုပ်ရေးဉီးစီးဌာန ၊ မြို့နယ်အုပ်ချုပ်ရေးမှူး ဉီးမြင့်ဉီးက အမှာစကားပြောကြားပြီး မြို့နယ်စီမံကိန်းရေးရာဉီးစီးဌာန ဉီးစီးမှူး ဉီးမာန်အဲရ် ကစီမံကိန်းလုပ်ငန်းများနှင့်ပတ် သက်၍ ရှင်းလင်းတင်ပြသည်။ ထို့နောက် စီမံကိန်းတာဝန်များကို မြို့နယ်အုပ်ချုပ်ရေးမှူးနှင့် မြို့နယ်စီမံကိန်းရေးရာဉီးစီးဌာန ဉီးစီးမှူး တို့က သက်ဆိုင်ရာ ကဏ္ဍ(၁၄)ခုတွင်တာဝန်ရှိသူများအား တာဝန်များပေးအပ်ကြသည်။ ဟားခါးမြို့နယ်၏ ၂၀၁၈−၂၀၁၉ ဘဏ္ဍာနှစ်တွင် နှစ်အလိုက်စျေးနှုန်းများအရ ကျပ်သန်းပေါင်း ၅၈၆၀၂.၂ သန်း အကောင်အထည်ဖော်ဆောင်ရွက်နိုင်ခဲ့ပြီး ၂၀၁၉−၂၀၂၀ ဘဏ္ဍာနှစ်တွင် ကျပ်သန်းပေါင်း ၆၆၈၈၂.၆သန်းတို့အကောင်အထည်ဖော်ဆောင်ရွက်သွားမည်ဖြစ်ရာ ပုံမှန်စျေးနှုန်းများအရ (၈.၆)ရာခိုင်နှုန်း တိုးတက်ရန်ရည်မှန်းထားရှိကြောင်း မြို့နယ်စီမံကိန်းရေးရာဉီးစီးဌာန ဉီးစီးမှူး ဉီးမာန်အဲရ်ထံမှသိရှိရသည်။ ကျော်စွာ(ပြန်/ဆက်)

ချင်းပြည်နယ်အထူးကုနယ်လှည့်ဆေးကုသရေးအဖွဲ့မှ ရိခေါ်ဒါရ်တိုက်နယ်ဆေးရုံသို့ အခမဲ့ဆေးကုသပေး
အောက်လ ၂၀၁၉ ခုနှစ်၊ ၂၃ ရက် U Min Eya Htyke

ရိခေါ်ဒါရ် အောက်တိုဘာ ၂၃ ချင်းပြည်နယ် ပြည်သူ့ကျန်းမာရေး၊ ကုသရေးဦးစီးဌာနမှဦးဆောင်၍ Access to health fund, Save the Children, Marie Stopes Myanmar နှင့် မြန်မာနိုင်ငံဆရာဝန်များ အသင်း(ချင်းပြည်နယ်)တို့၏ ပူးပေါင်းပံ့ပိုးမှုဖြင့် ဟားခါးမြို့ပြည်သူ့ဆေးရုံကြီးမှ ဆေးရုံအုပ် ကြီး ဒေါက်တာဇင်ကိုကိုအောင်နှင့် အထူးကုဆရာဝန်ကြီးများ၊ သူနာပြုဆရာမကြီးများပါဝင် သည့် အထူးကုနယ်လှည့်ဆေးကုသရေးအဖွဲ့သည် အောက်တိုဘာ ၂၂ ရက်က ရိခေါ်ဒါရ်မြို့ တိုက်နယ်ဆေးရုံသို့ရောက်ရှိလာကြပြီး ရပ်ကွက်ပြည်သူများအား အခမဲ့ဆေးကုသ ဆောင်ရွက်ပေးကြောင်း သိရသည်။ အဆိုပါအထူးကုနယ်လှည့်ဆေးကုသရာတွင် သားဖွား/မီးယပ်မှ လူနာ ၃၈ ဦး၊ အထူးကုဆရာဝန်ကြီး(ဆေးပညာ)မှ လူနာ ၇၁ ဦး၊ အထူးကုဆရာဝန် (သွား)မှ လူနာ ၅၁ဦး၊ အထူးကုဆရာဝန်(ကလေး)မှ လူနာ ၄၈ ဦး၊ အထူးကုဆရာဝန်(ခွဲစိတ်)မှ လူနာ ၅၃ဦး၊ စုစုပေါင်း လူနာ ၂၆၁ ဦးတို့အား ဆေးကုသမှု ပြုလုပ်ပေးခဲ့ကြောင်း၊ ထို့အပြင် အသေးစား ခွဲစိတ်မှု သုံးဦးနှင့် တီဘီရောဂါရှာဖွေခြင်းအနေဖြင့် လူနာ ၁၉ ဦးတို့ရှာဖွေပေးနိုင်ခဲ့ကြောင်း သိရသည်။ အထူးကုနယ်လှည့်ဆေးကုသမှုတွင် ရိခေါ်ဒါရ်မြို့ ရပ်ကွက်ပြည်သူများအပြင် အနီး အနားပတ်ဝန်းကျင်မှ ကျေးလက်နေပြည်သူများပါ လာရောက်ဆေးကုသမှုခံယူကြပြီး ပြည်သူများ အားရကျေနပ်မှုရှိကြကြောင်း သိရသည်။ ရိခေါ်ဒါရ် ပြန်/ဆက်

ဖလမ်းမြို့ရှိ ကာရာအိုကေ( Karaoke )ဆိုင်များအား မှတ်ပုံတင်ထုတ်ပေးနိုင်ရေး ကွင်းဆင်းစစ်ဆေး
အောက်လ ၂၀၁၉ ခုနှစ်၊ ၂၂ ရက် U Min Eya Htyke

ဖလမ်း အောက်တိုဘာ ၂၂ ဖလမ်းမြို့ရှိ ကာရာအိုကေ( Karaoke )ဆိုင်(၂)ဆိုင်အား တရားဝင်မှတ်ပုံတင် ထုတ်ပေးနိုင်ရေး ဌာနဆိုင်ရာ ပူးပေါင်းအဖွဲ့က အောက်တိုဘာ ၂၂ ရက် မွန်းလွဲ ၂ နာရီက ကွင်းဆင်းစစ်ဆေးသည်။ ထိုသို့စစ်ဆေးရာတွင် ခရိုင်နှင့်မြို့နယ် အထွေထွေအုပ်ချုပ်ရေးဦးစီးဌာန၊ မြန်မာနိုင် ငံရဲတပ်ဖွဲ့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စည်ပင်သာယာရေး အဖွဲ့တို့မှ တာဝန်ရှိသူများပါဝင်သော ပူးပေါင်းအဖွဲ့က ကာရာအိုကေဆိုင်များအား သတ်မှတ်ထားသည့်အရည်အသွေး၊ ပတ်ဝန်းကျင်များ၏ ထောက်ခံချက်၊ လုံခြုံမှု ရှိ/မရှိ စသည့်အချက်များကို စစ်ဆေးခဲ့ကြကြောင်းသိရသည်။ ဂျွန်( ပြန်/ဆက် )

ဝန်ထမ်းများလုပ်ငန်းစွမ်းဆောင်ရည်မြင့်မားရေးအခြေခံကွန်ပျူတာသင်တန်းဟားခါး၌ဖွင့်လှစ်
အောက်လ ၂၀၁၉ ခုနှစ်၊ ၂၂ ရက် U Min Eya Htyke

ဟားခါး အောက်တိုဘာ ၂၂ ဟားခါးခရိုင်ပြန်ကြားရေးနှင့်ပြည်သူ့ဆက်ဆံရေးဉီးစီးဌာနနှင့်ဟားခါးမြို့နယ်အထွေထွေအုပ်ချုပ်ရေးဉီးစီးဌာနတို့ပူးပေါင်း၍ ဝန်ထမ်းများ လုပ်ငန်းစွမ်း ဆောင်ရည်မြင့်မားရေးအခြေခံ ကွန်ပျူတာ သင်တန်းဖွင့်ပွဲ အခမ်းအနားကို ယနေ့နံနက် ၁၀ နာရီက ဟားခါးခရိုင် ပြန်ကြားရေးနှင့်ပြည်သူ့ဆက်ဆံရေးဉီးစီးဌာန Community Centre ခန်းမ၌ကျင်းပသည်။ အခမ်းအနားတွင် ဟားခါးမြို့နယ်အထွေထွေအုပ်ချုပ်ရေးဉီးစီးဌာန၊မြို့နယ်အုပ်ချုပ်ရေးမှူးဉီးမြင့်ဉီးက ဝန်ထမ်းများအနေဖြင့် ပြည်သူ့အကျိုးပြုလုပ်ငန်းများ လုပ်ဆောင်ရသည့်အတွက် အရည်အသွေးပြည့်မီစေရန် နှင့်ရုံးလုပ်ငန်းများတွင် စွမ်းစောင်ရည် မြင့်မားရေးရည်ရွယ်၍ အခြေခံကွန်ပျူတာ သင်တန်း ဖွင့်လှစ်သင်ကြား ပေးရခြင်းဖြစ်ကြောင်း၊သင်တန်းသား၊သူတန်းသူများကလည်းသင်ကြားသည့်ဘာသာရပ်အလိုက်ကြိုးစားသွား ကြရန်နှင့် မြို့နယ်အတွင်းရှိ အထွေထွေအုပ်ချုပ်ရေးဉီးစီးဌာနဝန်ထမ်းများအား အခြေခံကွန်ပျူတာသင်တန်းများ ဆက်လက်သင်ကြားပေးသွားမည်ဖြစ်ကြောင်း အမှာစကားပြောကြားပြီးနောက် ပြန်ကြားရေးနှင့်ပြည်သူ့ ဆက်ဆံရေး ဉီးစီးဌာနဟားခါးခရိုင်ဉီးစီးအရာရှိ ဉီးမြင့်နိုင်စိုးက လူထုအခြေပြုဗဟိုဌာနတွင် သင်တန်းများ ဖွင့်လှစ်ဆောင်ရွက်ရခြင်းများနှင့်ပတ်သတ်၍ရှင်းလင်းပြောကြားသည်။ အဆိုပါ သင်တန်းတွင် Microsoft Word ၊ Microsoft Power Point ၊ Micorsoft Excel ၊ Microsoft Publisher ၊ Adobe Photoshop စသည့် ဘာသာရပ်များ သင်ကြားပို့ချ ပေးသွားမည်ဖြစ်ပြီး သင်တန်းသို့ ဟားခါးမြို့နယ်အတွင်းရှိ အထွေထွေအုပ်ချုပ်ရေးဉီးစီးဌာန မှ စာရေးဝန်ထမ်း (၁၀)ဉီး၊အခြားဌာနဆိုင်ရာများမှ (၁၀)ဉီး တက်ရောက်ခဲ့ကြကာ သင်တန်းကာလမှာ အောက်တိုဘာ ၂၂ ရက်မှ ဒီဇင်ဘာ ၅ ရက်နေ့အထိ သင်ကြားပို့ချ ပေးသွားမည်ဖြစ်ကြောင်း သိရှိရသည်။ ကျော်စွာ(ပြန်/ဆက်)

စာဖတ်ရှိန်မြင့်မားရေးရွေ့လျားစာကြည့်တိုက်ယာဉ်ဖြင့် အခြေခံပညာကျောင်းများသို့ စာအုပ်များလှည့်လည်ငှားရမ်းပေး
အောက်လ ၂၀၁၉ ခုနှစ်၊ ၂၁ ရက် U Min Eya Htyke

ဟားခါး အောက်တိုဘာ ၂၁ ပြန်ကြားရေးနှင့်ပြည်သူ့ဆက်ဆံရေးဉီးစီးဌာန ၊ ချင်းပြည်နယ်ဟားခါးခရိုင်ရုံး လူထုအခြေပြုဗဟိုဌာန (Community Centre) အနေဖြင့် ကလေးများစာပေဖတ်ရှုသည့် အလေ့အထကောင်းများ ရရှိစေရေး၊ စာဖတ်ရှိန်မြင့်မားရေးတို့အတွက် ရွေ့လျားစာကြည့်တိုက်ယာဉ်ဖြင့် စာအုပ်များလှည့်လည်ဌားရမ်းပေးလျက်ရှိရာ ယနေ့နံနက်(၁၀)နာရီအချိန်တွင် ဟားခါးမြို့ကျောဘုတ်ရပ်ကွက်ရှိ အခြေခံပညာအလယ်တန်းကျောင်းသို့ ရောက်ရှိပြီး ကျောင်းသား၊ကျောင်းသူလေးများအား စာအုပ်၊စာစောင်များ ငှားရမ်းပေးခြင်း၊တိုင်းရင်းသား ပုံပြင်စာအုပ်များ ဖတ်ပြခြင်းတို့ကိုကွင်းဆင်းဆောင်ရွက်ခဲ့ပါသည်။ ထို့နောက် စိန်ဂျွန်းကိုယ်ပိုင်အထက်တန်းကျောင်းနှင့် အမှတ်(၄)အခြေခံပညာအထက်တန်းကျောင်း တို့ သို့ ရောက်ရှိပြီး စာအုပ်များလှည့်လည်ငှားရမ်းပေးခဲ့ရာ ကျောင်းသား၊ကျောင်းသူလေးများ ဝမ်းမြောက်ဝမ်းသာ ငှားရမ်းဖတ်ရှုခဲ့ကြောင်းသိရသည်။ ကျော်စွာ(ပြန်/ဆက်)