မြန်မာနိုင်ငံအမျိုးသမီးရေးရာအဖွဲ့ချုပ် နာယက၊ ဥက္ကဌနှင့် အဖွဲ့ဝင်များ အမျိုးသမီးဘဝ ဖွံ့ဖြိုးတိုးတက်ရေးအတွက် ဟာခါးမြို့နယ်သို့ ကွင်းဆင်းဆောင်ရွက်
ဖလမ်း၌ ဝဥစိုက်ပျိုးရေးနည်းပညာ သင်တန်းပို့ချ
ဟားခါး ဇန်နဝါရီ ၈ နိုင်ငံတော်စီးပွားရေးရာပေါင်းစပ်ညှိနှိုင်းရေးကော်မတီရုံး၊ စီမံကိန်းရေးဆွဲရေးဉီးစီးဌာန၊ မြန်မာဖွံ့ဖြိုးမှုအဖွဲ့ အစည်းနှင့်Renaissance Institute နှင့်ချင်းပြည်နယ်အစိုးရအဖွဲ့တို့ပူးပေါင်းကျင်းပသည့် မြန်မာနိုင်ငံ၏ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း (MSDP) ၊စီမံကိန်း ဘဏ် (Project Bank) ဆိုင်ရာ ရှင်းလင်းဆွေးနွေးပွဲနှင့် စီမံကိန်း အဆိုပြုလွှာပုံစံ ဖြည့်စွက်ခြင်းဆိုင်ရာရှင်းလင်းပွဲ အခမ်းအနားကို ယနေ့မွန်းလွဲ၁နာရီအချိန်က ချင်းပြည်နယ်ဟားခါးမြို့ အမှတ်(၁)အခြေခံပညာအထက်တန်းကျောင်း ဗိုလ်တိုက်ချွန်း ခန်းမ၌ ကျင်းပပြုလုပ်ရာ ချင်းပြည်နယ် ဝန်ကြီးချုပ် ဉီးဆလိုင်းလျန်လွယ် တက်ရောက်၍ အမှာစကားပြောကြားသည်။ ဆက်လက်၍ Myanmar Development Institute (MDI) မှ Senior Policy Specialist ဒေါ်သီဒါနွဲ့က စီမံကိန်းလုပ်ငန်းများ ဆောင်ရွက်ရာတွင် အောင်မြင်စွာ အကောင်အထည်ဖော်ဆောင်ရွက်နိုင်ရေးအတွက် သတင်း အချက်အလက်များရရှိစေရေး၊ မြန်မာနိုင်ငံအတွက်ရေရှည်တည်တံ့ပြီးဟန်ချက်ညီသောဖွံ့ဖြိုးတိုးတက်မှုစီမံကိန်းများ နှင့် စီမံကိန်းဘဏ်ဆိုင်ရာ လုပ်ငန်းအချက်အလက်များနှင့်ပတ်သတ်၍ အကျယ်တဝင့်ရှင်းလင်းဆွေးနွေးပြီးနောက် Myanmar Development Institute (MDI)မှ Project Evaluation Specialist ဒေါက်တာစိုးခိုင် က စီမံကိန်း အဆိုပြုလွှာ ဖြည့်စွက်ခြင်းများနှင့် ပတ်သတ်၍ တိကျ မှန်ကန်သော ဖွံ့ဖြိုးမှူများနှင့် မြန်မာနိုင်ငံ၏ ရေရှည်တည်တံ့ ခိုင်မြဲပြီးဟန်ချက်ညီသော ဖွံ့ဖြိုးတိုးတက်မှုစီမံကိန်းများ ထွက်ပေါ်လာရေး ဖြည့်စွက်ရမည့် စီမံကိန်း အဆိုပြုလွှာပါ ပုံစံအချက်အလက်များနှင့်ပတ်သတ်၍ အကျယ်တဝင့် ရှင်းလင်းဆွေးနွေးသည်။ ထို့နောက်တက်ရောက်လာကြသူများက စီမံကိန်းဘဏ်၊စီမံကိန်းရှင်းလင်းဆွေးခြင်းများနှင့်ပတ်သတ်၍သိရှိလို သည်များကိုပြန်လည်မေးမြန်းဆွေးနွေးခဲ့ကြပါသည်။ယင်းနောက် ချင်းပြည်နယ်အစိုးရအဖွဲ့ဝန်ကြီးချုပ်က Myanmar Development Institute (MDI) မှ တာဝန်ရှိသူများနှင့်စီမံကိန်းရေးဆွဲရေးဉီးစီးဌာနရုံးချုပ်မှတာဝန်ရှိသူများကို အမှတ်တရလက်ဆောင်ပစ္စည်းများ ပေးအပ်ခဲ့ကြောင်း ၊ အဆိုပါ ရှင်းလင်းဆွေးနွေးပွဲအခမ်းအနားသို့ ချင်းပြည်နယ် ဝန်ကြီးချုပ် ဉီးဆလိုင်းလျန်လွယ်၊ ပြည်နယ်အစိုးရအဖွဲ့ဝင်ဝန်ကြီးများ ၊ ပြည်နယ်အစိုးရအဖွဲ့အတွင်းရေးမှူး ဉီးတိုးဝင်း နှင့် ပြည်နယ်၊ခရိုင်၊မြို့နယ်အဆင့်ဌာနဆိုင်ရာများမှတာဝန်ရှိသူများ တက်ရောက်ခဲ့ကြကြောင်းသိရှိရသည်။ မြင့်နိုင်စိုး(ပြန်/ဆက်)
ဝန်ထမ်းများလုပ်ငန်းစွမ်းဆောင်ရည်မြင့်မားရေးဟားခါးခရိုင်Community Centre ခန်းမ၌အခြေခံကွန်ပျူတာသင်တန်းအမှတ်စဉ်(၁/၂၀၂၀) ဖွင့်လှစ်
ဟားခါးမြို့၌ကျင်းပသည့်ပညာရေးစုံညီပွဲတော်အခမ်းအနားသို့ ချင်းပြည်နယ်ဝန်ကြီးချုပ်ဉီးဆလိုင်းလျန်လွယ်တက်ရောက်အမှာစကားပြောကြား
ဟားခါး ဇန်နဝါရီ ၆ ၂၀၁၉ Myanmar Idol Winner Ester Dawt Chin Sung အား ကြိုဆိုပွဲနှင့်ဂုဏ်ပြုပွဲအခမ်းအနားတို့ကို ၄င်း၏မွေးရပ်မြေ ဖြစ်သော ချင်းပြည်နယ်ဟားခါးမြို့ ၌ ဇန်နဝါရီလ ၅ ရက်နေ့ မှ ၆ ရက်နေ့အထိ ကျင်းပပြု လုပ်ခဲ့ကြောင်းသိရှိရပါသည်။ Myanmar Idol၏ ပထမဉီးဆုံးအမျိုးသမီး Winnerဖြစ်သူ Ester Dawt Chin Sung သည် ဇန်နဝါရီ လ ၅ ရက်နေ့ ညနေ ၄ နာရီခန့် တွင် ဟားခါးမြို့ သို့ ရောက်ရှိလာရာ ဟားခါးမြို့သစ် ဖြစ်သော ဟားခါးထန်ရပ်ကွက်၊( ၄ )လမ်းဆုံနေရာ၌ လည်းကောင်း ၊ဟားခါးမြို့သစ် (၃) လမ်းဆုံ (ထန်တလန် လမ်းဆုံ )နေရာ၌ လည်းကောင်း ဟားခါးမြို့ရှိသူမ၏ ပရိသတ်များ၊ဆွေမျိုးများ၊ မြို့မိမြို့ဖ များ နှင့်ဒေသခံပြည်သူများက လှိုက် လှိုက်လှဲလှဲ ကြိုဆိုခဲ့ကြ ပြီး ညနေ ၅ နာရီခန့် အချိန်တွင် ဟားခါးမြို့ Carson Hall ခန်းမ ၌ မြို့မိမြို့ဖ များနှင့်ဒေသခံများကပန်းစည်းများ၊ ပန်းကုံးများဖြင့် ကြိုဆိုကာ ဂုဏ်ပြုအခမ်းအနားကျင်းပပြုလုပ်ခဲ့ကြပါသည်။ အခမ်းအနားတွင် သိက္ခာတော်ရ ဆရာတော် Rev.Ram Cung က အဖွင့်ဆုတောင်းပေးခဲ့ပြီးနောက် ချင်းပြည်နယ် လွတ်တော် ဥက္ကဌ ဉီးဇိုဘွဲ ၊ ချင်းပြည်အစိုးရအဖွဲ့ဝင် ပြည်နယ်လူမှုရေးဝန်ကြီး ဉီးပေါင်လွန်းမင့်ထန် တို့က အဖွင့်နှုတ်ခွန်းဆက်အမှာစကားပြောကြားပြီး ချင်းတိုင်းရင်းသားများက ချင်းရိုးရာအကများဖြင့် ဂုဏ်ပြု ကပြဖျော်ဖြေခဲ့ကြပါသည်။ ထို့နောက် မြို့မိမြို့ဖဖြစ်သူ ဉီးထလာဟရဲ က ပြည်နယ်ဂုဏ်ဆောင် ၂၀၁၉ Myanmar Idol Winner Ester Dawt Chin Sung အားဒေသခံပြည်သူများကိုယ်စား ကျေးဇူးတင်စကားပြောကြားကာပြည်နယ်လူမှုရေးဝန်ကြီးနှင့် Pastor Lai Cungတို့က ဂုဏ်ပြု မှတ်တမ်းနှင့် အမှတ်တရ လက်ဆောင်ပစည်းများပေးအပ်ပြီးနောက် ၂၀၁၉ Myanmar Idol Einner Ester Dawt Chin Sung က တစ်ကိုယ်တော် တေးသီချင်းများဖြင့် ပြန်လည်သီဆိုဖျော်သည်။ယင်းနောက်တက်ရောက် လာကြသူများက အထူးဆုတောင်း၍ကောင်းချီးပေးခဲ့ကြပါသည်။ ဆက်လက်ပြီး ဇန်နဝါရီ လ ၆ ရက်နေ့တွင် ချင်းပြည်နယ်အစိုးရအဖွဲ့ က ဉီးစီးကျင်းပသည့် ဂုဏ်ပြုပွဲအခမ်းအနားကို နံနက် ၉ နာရီအချိန်တွင် ချင်းပြည်နယ်အစိုးရအဖွဲ့ရုံး၊ပြည်နယ် အထွေထွေအုပ်ချုပ်ရေးဉီးစီးဌာန အစည်းအဝေးခန်းမ ၌ ကျင်းပရာချင်းပြည်နယ်ဝန်ကြီးချုပ်ဉီးဆလိုင်းလျန်လွယ်၊ပြည်နယ်တရားလွှတ်တော်တရားသူကြီးချုပ်ဉီးဝင်းမြင့်ကျော်၊ ပြည်နယ်ဉပဒေချုပ်ဉီးဆန်နီထန်ကျုံး၊ပြည်နယ်စာရင်းစစ်ချုပ်ဉီးလာလ်တင်မန်းနှင့်ပြည်နယ်အစိုးရအဖွဲ့ဝင် ဝန်ကြီးများ ၊ ပြည်နယ်အဆင့်ဌာနဆိုင်ရာများ၊ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။ အခမ်းအနားတွင်ပြည်နယ်ဝန်ကြီးချုပ်က Winnerဆုရှင် Ester Dawt Chin Sungအတွက် ဘုရားသခင် ကောင်းချီးပေးပါစေကြောင်း၊ဆက်လက်ပြီးလည်းအောင်မြင်မှုများရရှိကာပြည်နယ်၏ဂုဏ်ကိုတိုး၍မြှင့်တင်ပေးနိုင်ပါစေ ကြောင်းနှင့်ပြည်နယ်၏ကိုယ်စားအထူးကျေးဇူးတင်ဝမ်းမြောက်ပါကြောင်းဂုဏ်ပြုချီးမွမ်းစကားပြောကြားသည်။ ထို့ နောက်ဝန်ကြီးချုပ်ကပြည်နယ်အစိုးရအဖွဲ့မှချီးမြှင့်သည့်ဂုဏ်ပြုငွေနှင့်ဂုဏ်ပြုမှတ်တမ်းလွှာကိုလည်းကောင်း၊ပြည်နယ်လူမှုရေးဝန်ကြီးကပြည်နယ်အဆင့်ဌာနဆိုင်ရာများမှချီးမြှင့်သည့် ဂုဏ်ပြုငွေနှင့်ဂုဏ်ပြုမှတ်တမ်းလွှာကိုလည်းကောင်း ပေးအပ်ချီးမြှင့်ရာ Winner Ester Dawt Chin Sung ကလက်ခံရယူကာကျေးဇူးတင်စကား ပြန်လည်ပြောကြားပြီးတက်ရောက်လာကြသူများနှင့်အမှတ်တရစုပေါင်းမှတ်တမ်းဓါတ်ပုံရိုက်ကူးခဲ့ကြကြောင်းသိရှိရပါသည်။ မြင့်နိုင်စိုး ( ပြန်ဆက်)
ဖလမ်း ဇန်နဝါရီ ၄ ချင်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးဆလိုင်းလျန်လွယ်သည် ပြည်နယ်စိုက်ပျိုးရေး၊ မွေးမြူရေး၊ သစ်တောနှင့် သတ္တုဝန်ကြီး ဦးမန်းဟင်းဒါလ်၊ ပြည်နယ်စည်ပင်သာယာရေး၊ လျှပ်စစ်နှင့်စက်မှုလက်မှုဝန်ကြီး ဦးစိုးထက်၊ ချင်းပြည်နယ်အစိုးရအဖွဲ့အတွင်းရေ:မှူး ဦးတိုးဝင်းနှင့် တာဝန်ရှိသူများလိုက်ပါလျက် ဇန်နဝါရီ ၄ရက် မွန်းတည့် ၁၂နာရီက ဖလမ်းမြို့ ဒေသဖွံ့ဖြိုးရေးလုပ်ငန်းများကို ကြည့်ရှုစစ်ဆေးသည်။ ပြည်နယ်ဝန်ကြီးချုပ်နှင့်အဖွဲ့ဝင်များသည် ဖလမ်းမြို့ မြို့နယ်ခန်းမအဆောက်အအုံဆောက်လုပ်မည့် မြေနေရာများနှင့် ဖလမ်းမြို့နယ်သစ်တောဦ:စီးမှူးရုံး အဆောက်အအုံသစ်ဆောက်လုပ်မည့် မြေနေရာများကို ကြည့်ရှု စစ်ဆေးသည်။ ထို့နောက် မြို့နယ်ခန်းမ၌ ခရိုင်/မြို့နယ်ဌာနဆိုင်ရာများမှတာဝန်ရှိသူများ၊ မြို့မိမြို့ဖများ၊ စည်ပင်သာ ယာရေးကော်မတီဝင်များနှင့် တွေ့ဆုံကာ ပြည်နယ်ဝန်ကြီးချုပ်က ဒေသဖွံ့ဖြိုးတိုးတက်ရေးလုပ်ငန်းဆောင်ရက်နေမှု များနှင့် ဆက်လက်ဆောင်ရွက်ရမည့်လုပ်ငန်းများကို ရှင်းလင်းဆွေးနွေးပြီး ဖလမ်းမြို့ လုံပီးမြို့ပြစီမံကိန်းအကောင်အ ထည်ဖော်ရေးကော်မတီမှ တာဝန်ရှိသူများက လုံပီးမြို့ပြစီမံကိန်းလမ်းဖောက်လုပ်ပြီးစီးမှုအခြေအနေများ၊ ဘဏ္ဍာငွေ ရရှိ၊ သုံးစွဲမှုအခြေအနေများ၊ ဆက်လက်ဆောင်ရွက်ရမည့်လုပ်ငန်းအခြေအနေများနှင့် လိုအပ်ချက်များကို တင်ပြဆွေးနွေးကြကာ ပြည်နယ်ဝန်ကြီးချုပ်နှင့် တာဝန်ရှိသူများက တင်ပြချက်များအပေါ် ရှင်းလင်းဆွေးနွေးကြကြောင်းသိရသည်။ တလွန်းအာ(ပြန်/ဆက်)
ဟားခါး ဇန်နဝါရီ ၄ ၂၀၂၀ပြည့်နှစ် ဇန်နဝါရီလ ၄ရက်နေ့တွင်ကျရောက်သည့် (၇၂)နှစ်မြောက်လွတ်လပ်ရေးနေ့ကို ဂုဏ်ပြု ဖွင့်လှစ်သည့် ခရီးသည်နှင့်ကုန်စည်ပို့ဆောင်ရေး(အဝေးပြေး)ကားဂိတ် ဖွင့်ပွဲအခမ်းအနားကို ယနေ့နံနက် ၈ နာရီ အချိန်က ဟားခါးမြို့၊ကျောဘုတ်ရပ်ကွက် ဟားခါး-ဂန့်ဂေါကားလမ်းမကြီးရှိ အဝေးပြေး ကားဂိတ်သစ်နေရာတွင် ကျင်းပပြုလုပ်ရာ ချင်းပြည်နယ်ဝန်ကြီးချုပ် ဦးဆလိုင်းလျန်လွယ်တက်ရောက် ချီးမြှင့်ခဲ့ကြောင်းသိရှိရပါသည်။ အစီအစဉ်အရ ခရီးသည်နှင့်ကုန်စည်ပို့ဆောင်ရေး(အဝေးပြေး)ကားဂိတ်သစ် အဆောက်အဦအား ချင်းပြည်နယ် ဝန်ကြီးချုပ်ဦးဆလိုင်းလျန်လွယ် ၊ပြည်နယ်တရားလွှတ်တော် တရားသူကြီးချုပ် ဦးဝင်းမြင့်ကျော်၊ ပြည်နယ်လွှတ်တော် ဒုတိယဉက္ကဌ ဦးတိတ်ထန်း၊ပြည်နယ်စည်ပင်သာယာရေး၊ လျှပ်စစ်နှင့်စက်မှုလက်မှုဝန်ကြီး ဦးစိုးထက်နှင့် မြိုမိမြို့ဖ ဦးငွန်ဆန်းအောင်တို့က ဖဲကြိုးဖြတ် ဖွင့်လှစ်ပေးခဲ့ကြသည်။ ထို့နောက် ဖွင့်ပွဲအထိမ်းအမှတ်ကမ္ဗည်းမော်ကွန်းကျောက်စာကို ချင်းပြည်နယ်ဝန်ကြီးချုပ်က စက်ခလှုပ် နှိပ် ဖွင့်လှစ်ပေးပြီးနောက် ဝန်ကြီးချုပ်နှင့်တက်ရောက်လာကြသူများက အမွှေးနံသာရည်များဖြင့် ပက်ဖြန်း ပေးခဲ့ကြသည်။ ယင်းနောက် ချင်းပြည်နယ်ဝန်ကြီးချုပ် ဦးဆလိုင်းလျန်လွယ်က ချင်းပြည်နယ်အတွင်း ဘက်စုံဖွံ့ဖြိုးတိုးတက် စေရန်အတွက် စီမံချက်များရေးဆွဲ အကောင်အထည်ဖော် ဆောင်ရွက် လျက်ရှိရာ ယာဉ်ရပ်နားစခန်းများ တည်ဆောက်ရေးလုပ်ငန်းသည်လည်း တစ်ခု အပါအဝင် ဖြစ်ပါကြောင်း၊ ဟားခါးမြို့သည် ချင်းပြည်နယ်၏ မြို့တော်ဖြစ်သောကြောင့် မြို့တော်အင်္ဂါရပ်နှင့်အညီ သန့်ရှင်းသာယာစေရေး ရည်ရွယ်လျက် ယာဉ်ရပ်နားစခန်းကို ဖွင့်လှစ်ရခြင်းဖြစ်ပါကြောင်း၊ ပြည်တွင်းပြည်ပမှ ခရီးသည်များ ဝင်ရောက်လာကြ မည်ဖြစ်ရာ ခရီးသွားများ အဆင်ပြေလွယ်ကူစေရေး၊ ပတ်ဝန်းကျင် သာယာ လှပရေး၊ကားဂိတ်လုပ်ငန်းရှင်များနှင့် ဆက်စပ်လျက်ရှိသော နယ်ပယ် အသီးသီးမှတာဝန်ရှိသူများက အလေးထားဆောင်ရွက် သွားကြစေလိုကြောင်း အမှာစကားပြောကြားပါသည်။ ဆက်လက်ပြီး ပြည်နယ်စည်ပင်သာယာရေး၊ လျှပ်စစ်နှင့်စက်မှုလက်မှုဝန်ကြီး ဦးစိုးထက်က ခရီးသည်နှင့် ကုန်စည်ပို့ဆောင်ရေး(အဝေးပြေး)ကားဂိတ် အဆောက်အဦနှင့် ယာဉ်ရပ်နားစခန်းများ ဆောက်လုပ်မှုနှင့်ပတ်သက်၍ ရှင်းလင်းပြောကြားပြီးနောက် CPC(ချင်းအများနှင့်သက်ဆိုင်သော ကုမ္ပဏီ)မှ တာဝန်ရှိသူတစ်ဦးက အဝေးပြေးကားဂိတ် ဖွင့်လှစ်နိုင်ခြင်းနှင့်ပတ်သက်၍ ပြည်သူလူထုကိုယ်စားကျေးဇူးတင်စကားပြန်လည် ပြောကြားခဲ့ပါသည်။ ထို့နောက် ချင်းပြည်နယ်ဝန်ကြီးချုပ်နှင့် တက်ရောက်လာကြသူများက ခရီးသည်နှင့်ကုန်စည် ပို့ဆောင်ရေး (အဝေးပြေး)ကားဂိတ်သစ် အဆောက်အဦနှင့်ယာဉ်ရပ်နားစခန်းများအား လှည့်လည်ကြည့်ရှု ခဲ့ကြကြောင်းသိရှိရသည်။ မြင့်နိုင်စိုး(ပြန်/ဆက်)