စာဖတ်ရှိန်မြင့်မားရေးရွေ့လျားစာကြည့်တိုက်ယာဉ်ဖြင့် အခြေခံပညာကျောင်းများသို့ စာအုပ်များလှည့်လည်ငှားရမ်းပေး
အောက်လ ၂၀၁၉ ခုနှစ်၊ ၂၁ ရက် U Min Eya Htyke

ဟားခါး အောက်တိုဘာ ၂၁ ပြန်ကြားရေးနှင့်ပြည်သူ့ဆက်ဆံရေးဉီးစီးဌာန ၊ ချင်းပြည်နယ်ဟားခါးခရိုင်ရုံး လူထုအခြေပြုဗဟိုဌာန (Community Centre) အနေဖြင့် ကလေးများစာပေဖတ်ရှုသည့် အလေ့အထကောင်းများ ရရှိစေရေး၊ စာဖတ်ရှိန်မြင့်မားရေးတို့အတွက် ရွေ့လျားစာကြည့်တိုက်ယာဉ်ဖြင့် စာအုပ်များလှည့်လည်ဌားရမ်းပေးလျက်ရှိရာ ယနေ့နံနက်(၁၀)နာရီအချိန်တွင် ဟားခါးမြို့ကျောဘုတ်ရပ်ကွက်ရှိ အခြေခံပညာအလယ်တန်းကျောင်းသို့ ရောက်ရှိပြီး ကျောင်းသား၊ကျောင်းသူလေးများအား စာအုပ်၊စာစောင်များ ငှားရမ်းပေးခြင်း၊တိုင်းရင်းသား ပုံပြင်စာအုပ်များ ဖတ်ပြခြင်းတို့ကိုကွင်းဆင်းဆောင်ရွက်ခဲ့ပါသည်။ ထို့နောက် စိန်ဂျွန်းကိုယ်ပိုင်အထက်တန်းကျောင်းနှင့် အမှတ်(၄)အခြေခံပညာအထက်တန်းကျောင်း တို့ သို့ ရောက်ရှိပြီး စာအုပ်များလှည့်လည်ငှားရမ်းပေးခဲ့ရာ ကျောင်းသား၊ကျောင်းသူလေးများ ဝမ်းမြောက်ဝမ်းသာ ငှားရမ်းဖတ်ရှုခဲ့ကြောင်းသိရသည်။ ကျော်စွာ(ပြန်/ဆက်)

ဇာဟောင်မျိုးနွယ်စုများ၏ နှစ်သစ်ကူးပွဲတော် FANG ER (ဖါန်းအဲရ်)ပွဲတော် ဖလမ်း၌ကျင်းပပြုလုပ်
အောက်လ ၂၀၁၉ ခုနှစ်၊ ၁၉ ရက် U Min Eya Htyke

ဖလမ်း အောက်တိုဘာ ၁၉ ချင်းရိုးရာနှစ်သစ်ကူးပွဲတော်တစ်ခုဖြစ်သော ဇာဟောင်မျိုးနွယ်စုများ၏ FANG ER (ဖါန်းအဲရ်)ပွဲတော် အခမ်းအနားကို ဖလမ်းမြို့ ဇာဟောင်မျိုးနွယ်စုများက အောက်တိုဘာ ၁၉ ရက် မွန်းတည့် ၁၂ နာရီအချိန်တွင် ဖါရ်ထောက်ရပ်ကွက်၊ YCC (Young Community Centre) ၌ ကျင်းပပြုလုပ်သည်။ ရှေးဦးစွာ သိက္ခတော်ရဆရာတော် ခေါသင်လိန်က အဖွင့်ဆုတောင်းပေးသည်။ ထို့နောက် ဇာဟောင်မျိုးနွယ်စု များ၏ FANG ER (ဖါန်းအဲရ်) ဖြစ်ပေါ်လာပုံကို ဦးဟရန်းသင်ဒုက ပြောကြားပြီး ချင်းပြည်နယ်၀န်ကြီးချုပ် ဦးဆလိုင်းလျန်လွယ်၊ ပြည်နယ်စာရင်းစစ်ချုပ် ဦးလာလ်တင်မန်း၊ အမျိုးသားလွှတ်တော်ကိုယ်စားလှယ် ဦးဇုန်လှယ်ထန်းတို့က အမှာ စကားပြောကြားကြသည်။ ဆက်လက်၍ ဇာဟောင်မျိုးနွယ်စုလူငယ်များက ဇာဟောင်ရိုးရာအကများ၊ တေးသီချင်းများဖြင့် သီဆိုဖျော်ဖြေ တင်ဆက်ကြကြောင်းနှင့် အဆိုပါပွဲတော်သို့ ချင်းပြည်နယ်၀န်ကြီးချုပ်၊ ပြည်နယ်စာရင်းစစ်ချုပ်၊ အမျိုးသားလွှတ်တော် ကိုယ်စားလှယ်၊ ဖလမ်းမြို့နယ်အတွင်းရှိ ဇာဟောင်မျိုးနွယ်စုများနှင့် ဖိတ်ကြားထားသူများ တက်ရောက်ကြကြောင်း သိရသည်။ အလားတူ ချင်းရိုးရာနှစ်သစ်ကူးပွဲတော်ကို ဖလမ်းမြို့ပေါ်တွင်သာမက မြို့နယ်အတွင်းရှိ ကျေးရွာများမှလည်း အသီးသီးကျင်းပပြုလုပ်လျက်ရှိကြောင်းသိရသည်။ တလွန်းအာ ပြန်/ဆက

ဟားခါးမြို့၌ ချင်းရိုးရာ နှစ်သစ်ကူးပွဲတော် CHIN KUM THAR (THO) ကျင်းပ
အောက်လ ၂၀၁၉ ခုနှစ်၊ ၁၉ ရက် U Min Eya Htyke

ဟားခါး အောက်တိုဘာ ၁၉ ချင်းရိုးရာ နှစ်သစ်ကူးပွဲတော် CHIN KUM THAR (THO) ပွဲတော်ကို ချင်းစာပေနှင့်ယဉ်ကျေးမှုအသင်း၏ ဉီးဆောင်မှုဖြင့် အောက်တိုဘာလ ၁၉ ရက် နံနက် ၁၀ နာရီတွင် ချင်းပြည်နယ်ဟားခါးမြို့ အမှတ်(၂)အခြေခံ ပညာအထက်တန်းကျောင်း ဗိုလ်ကြွမ်ဘိ ခန်းမ၌ကျင်းပပြုလုပ်ရာ ချင်းပြည်နယ်လွှတ်တော်ဉက္ကဌ ဉီးဇိုဘွဲ ၊ ပြည်နယ်ဉပဒေချုပ်ဉီးဆန်နီထန်ကျုံး ၊ ပြည်နယ်အစိုးရအဖွဲ့ဝင်ဝန်ကြီးများ ၊ ချင်းပြည်နယ်စာပေနှင့်ယဉ်ကျေးမှု အသင်းမှတာဝန်ရှိသူများနှင့် ယဉ်ကျေးမှုအကအဖွဲ့များ ၊ ပြည်နယ်အဆင့်ဌာနဆိုင်ရာ အကြီးအကဲများနှင့် ဖိတ်ကြားထားသူများတက်ရောက်ခဲ့ကြသည်။ အစီအစဉ်အရ ရှေးဉီးစွာ ချင်းပြည်နယ်လွှတ်တော်ဉက္ကဌဉီးဇိုဘွဲက အမှာစကားပြောကြားပြီးနောက် ချင်းပြည်နယ်လူမှုရေးဝန်ကြီးဉီးပေါင်လွန်းမင့်ထန်က ချင်းတိုင်းရင်းသားတို့၏ရိုးရာပွဲတော်တစ်ခုဖြစ်သော နှစ်သစ်ကူးပွဲတော် CHIN KUM THAR (THO) ကျင်းပရခြင်းများနှင့်ပတ်သတ်၍ ရှင်းလင်းပြောကြားသည်။ ထို့နောက် ဟားခါးမြို့ မြို့မိ၊မြို့ဖများကိုယ်စား အဖွဲ့ဝင် ဉီးရာလ်ခမ်းက ချင်းနှစ်သစ်ကူးပွဲတော်(THO)၏ အနှစ်သာရများနှင့် နှစ်စဉ်ပွဲတော်ကျင်းပနိုင်ရေး ဆောင်ရွက်မှုအခြေအနေတို့ကို ရှင်းလင်းပြောကြားသည်။ ယင်းနောက် ၂၀၁၉ ခုနှစ် တက္ကသိုလ်ဝင်တန်းစာမေးပွဲတွင် ထူးချွန်စွာအောင်မြင်ခဲ့ကြသည့် ကျောင်းသား ကျောင်းသူလေးများအား ပြည်နယ်လွှတ်တော်ဉက္ကဌ ၊ ပြည်နယ်ဉပဒေချုပ်နှင့်ပြည်နယ်အစိုးရအဖွဲ့ဝင်ဝန်ကြီး များက ဂုဏ်ပြုမှတ်တမ်းလွှာများနှင့်ဂုဏ်ပြုဆုငွေများကို အသီးသီးပေးအပ်ချီးမြှင့်ခဲ့ကြပြီး ပြည်နယ် ယဉ်ကျေးမှု အကအဖွဲ့နှင့်ချင်းတိုင်းရင်းသူ ၊ တိုင်းရင်းသားလေးများက ချင်းရိုးရာဝါးညှပ်အက၊ ရိုးရာဝတ်စုံ ဝတ်စား ဆင်ယင်မှုပြသခြင်း ၊ တပင်တိုင်တေးသီချင်းများသီဆို၍ ဖျော်ဖြေတင်ဆက်ခဲ့ကြသည်။ မွန်းလွဲ(၁)နာရီအချိန်တွင် ချင်းရိုးရာနဘန်းပွဲကို ဆက်လက်ကျင်းပ ခဲ့ပြီး ပြိုင်ပွဲတွင် ဆုရရှိကြသူများကို ပွဲတော်ကျင်းပရေးကော်မတီက ဆုများအသီးသီးပေးအပ် ချီးမြှင့်ခဲ့ကြ ကြောင်း သိရှိရသည်။ မြင့်နိုင်စိုး(ပြန်/ဆက်)

ချင်းပြည်နယ်ဝန်ကြီးချုပ်ဦးဆလိုင်းလျန်လွယ်က ဖလမ်းမြို့၊ တလန်လိုရပ်ကွက်နေပြည်သူများနှင့်တွေ့ဆုံ
အောက်လ ၂၀၁၉ ခုနှစ်၊ ၁၉ ရက် U Min Eya Htyke

ဖလမ်း အောက်တိုဘာ ၁၈ ချင်းပြည်နယ်၀န်ကြီးချုပ် ဦးဆလိုင်းလျန်လွယ်နှင့် အဖွဲ့၀င်များက ဖလမ်းမြို့၊ တလန်လိုရပ်ကွက်နေပြည်သူ များနှင့် တွေ့ဆုံပွဲကို အောက်တိုဘာ ၁၈ ရက် ညနေ ၇ နာရီက တလန်လိုရပ်ကွက် ဦးဆွီးလှယ်ထန်းနေအိမ်၌ ကျင်းပ ပြုလုပ်သည်။ တွေ့ဆုံပွဲတွင် ချင်းပြည်နယ်၀န်ကြီးချုပ် ဦးဆလိုင်းလျန်လွယ်က အဖွင့်အမှာစကားပြောကြားသည်။ ထို့နောက် တလန်လိုရပ်ကွက်အုပ်ချုပ်ရေးမှူး ဦးဇနယ်လိန်၊ ရပ်မိရပ်ဖ ဦးနိုးလျန်ဆန်းနှင့် ဦးအောင်၀င်းတို့က ရပ်ကွက်အတွင်းရှိ ဖွံ့ဖြိုးတိုးတက်ရေးအတွက် ဆောင်ရွက်ပေးစေလိုသည့် လုပ်ငန်းများကို တင်ပြဆွေးနွေးကြသည်။ ယင်းနောက် တင်ပြဆွေးနွေးချက်များအပေါ် ချင်းပြည်နယ်၀န်ကြီးချုပ်နှင့် တာ၀န်ရှိသူများက ပြန်လည်ရှင်းလင်းဆွေးနွေးကြကြောင်းသိရသည်။ အဆိုပါတွေ့ဆုံပွဲတွင် ချင်းပြည်နယ်၀န်ကြီးချုပ် ဦးဆလိုင်းလျန်လွယ်၊ ပြည်နယ်စာရင်းစစ်ချုပ် ဦးလာလ်တင်မန်း၊ ပြည်သူ့လွှတ်တော်ကိုယ်စားလှယ် ဒေါက်တာဆလိုင်းရီယမ်းဗဲလ်၊ အမျိုးသားလွှတ်တော်ကိုယ်စား လှယ် ဦးဇုန်လှယ်ထန်း၊ ပြည်နယ်လွှတ်တော်ကိုယ်စားလှယ် ဦးရာလ်နှင်၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာ များမှ တာ၀န်ရှိသူများနှင့် တလန်လိုရပ်ကွက်နေပြည်သူများ တက်ရောက်ကြကြောင်းသိရသည်။ တလွန်းအာ ပြန်/ဆက်

စာဖတ်ရှိန်မြင့်မားရေးရွေ့လျားစာကြည့်တိုက်ယာဉ်ဖြင့်ဟားခါးပညာရေးကောလိပ်သို့ စာအုပ်များလှည့်လည်ငှားရမ်းပေး
အောက်လ ၂၀၁၉ ခုနှစ်၊ ၁၈ ရက် U Min Eya Htyke

ဟားခါး အောက်တိုဘာ ၁၈ ပြန်ကြားရေးနှင့်ပြည်သူ့ဆက်ဆံရေးဉီးစီးဌာန ၊ ချင်းပြည်နယ်ဟားခါးခရိုင်ရုံး လူထုအခြေပြုဗဟိုဌာန (Community Centre) အနေဖြင့် ကလေးများစာပေဖတ်ရှု့သည့် အလေ့အထကောင်းများ ရရှိစေရေး၊ စာဖတ်ရှိန်မြင့်မားရေးတို့အတွက် အခြေခံပညာကျောင်းများနှင့်ကောလိပ်ကျောင်းများသို့ ရွေ့လျားစာကြည့် တိုက်ယာဉ်ဖြင့် စာအုပ်များ လှည့်လည်ငှားရမ်းပေးလျက်ရှိရာ ယနေ့နေ့လယ်၁၂နာရီအချိန်က ဟားခါးမြို့ ၊ ဟားခါးပညာရေးကောလိပ်သို့ရောက်ရှိ၍ ဆရာ၊ဆရာမများနှင့် သင်တန်းသား၊သင်တန်းသူများအား နှစ်သက်ရာ စာအုပ်များငှားရမ်းပေးခြင်း၊အသင်းဝင်ကတ်များပြုလုပ်ပေးခဲ့ကြကြောင်း သိရှိ ရပါသည်။ ဟားခါးခရိုင်ရုံး လူထုအခြေပြုဗဟိုဌာနအနေဖြင့် ရွေ့လျားစာကြည့်တိုက်ယာဉ်ဖြင့် ဟားခါးမြို့နယ် အတွင်းအခြေခံပညာကျောင်းပေါင်း ၁၇ ကျောင်း ၊ ကောလိပ်ကျောင်း ၃ ကျောင်းနှင့် စုပေါင်းရုံးများ၊ အခြား သောဌာနဆိုင်ရာများသို့ နှစ်ပတ်လျှင်တစ်ကြိမ်အလှည့်ကျ သွားရောက်၍ စာအုပ်စာစောင်များ ငှားရမ်းပေး လျက်ရှိရာစာငှားသူ၊အသင်းဝင်သူများတိုးတက်များပြားလျက်ရှိကြောင်း သိရှိရပါသည်။ ကျော်စွာ(ပြန်/ဆက်)

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချင်းပြည်နယ်ဦးစီးမှူးရုံး၊ ဟားခါးမြို့၏ (၁၁.၁၀.၂၀၁၉)မှ(၁၇.၁၀.၂၀၁၉)ရက်နေ့ထိ လုပ်ငန်းဆောင်ရွက်မှု
အောက်လ ၂၀၁၉ ခုနှစ်၊ ၁၈ ရက် Thuhta Par

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချင်းပြည်နယ်ဦးစီးမှူးရုံး၊ ဟားခါးမြို့၏ (၁၁.၁၀.၂၀၁၉)မှ(၁၇.၁၀.၂၀၁၉)ရက်နေ့ထိ လုပ်ငန်းဆောင်ရွက်မှုများအား ပြည်သူတွေသိရှိနိုင်ရန်တင်ပြသည်။

ဟားခါးမြို့၌ကျင်းပပြုလုပ်သည့်အပြည်ပြည်ဆိုင်ရာသဘာဝဘေးအန္တရာယ်ထိခိုက်ဆုံးရှုံးနိုင်ခြေလျှော့ချရေးနေ့ အခမ်းအနားသို့ ချင်းပြည်နယ်ဝန်ကြီးချုပ်တက်ရောက်
အောက်လ ၂၀၁၉ ခုနှစ်၊ ၁၈ ရက် U Min Eya Htyke

ဟားခါး အောက်တိုဘာ ၁၈ ချင်းပြည်နယ်အစိုးရအဖွဲ့၏ကြီးကြပ်မှုနှင့်အတူချင်းပြည်နယ်ဘေးအန္တရာယ်ဆိုင်ရာစီမံခန့်ခွဲမှုဉီးစီးဌာန နှင့်ရွေ့ပြောင်းသွားလာခြင်းဆိုင်ရာနိုင်ငံတကာအဖွဲ့အစည်း(IOM)တို့ ပူးပေါင်း၍ ၂၀၁၉ခုနှစ်အောက်တိုဘာ (၁၃)ရက်နေ့တွင်ကျရောက်ခဲ့ပြီးသောအပြည်ပြည်ဆိုင်ရာသဘာဝဘေးအန္တရာယ်ထိခိုက်ဆုံးရှုံးနိုင်ခြေလျှော့ချ ရေးနေ့အခမ်းအနားကိုယနေ့ နံနက်(၉)နာရီက ဟားခါးမြို့ အမှတ်(၁)အခြေခံပညာအထက်တန်းကျောင်း ဗိုလ်တိုက်ချွန်းခန်းမ၌ကျင်းပပြု လုပ်ရာ ချင်းပြည်နယ်အစိုးရအဖွဲ့ပြည်နယ်ဝန်ကြီးချုပ်ဉီးဆလိုင်းလျန်လွယ်၊ ပြည်နယ်လွှတ်တော်ဉက္ကဌဉီးဇိုဘွဲ ၊ ပြည်နယ်စာရင်းစစ်ချုပ် ဉီးလားလ်တင်မန်း၊ ပြည်နယ်အစိုးရအဖွဲ့ဝင် ဝန်ကြီးများ ၊ ပြည်နယ်အုပ်ချုပ်ရေးမှူး ဉီးတိုးဝင်းနှင့် ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ ၊ အရပ်ဖက်အဖွဲ့အစည်းများက ဖိတ်ကြားထားသော ပုဂ္ဂိုလ်များနှင့် ဒေသခံ ပြည်သူများတက်ရောက်ခဲ့ကြသည်။ အစီအစဉ်အရ ရှေးဉီးစွာ ပြည်နယ်ဝန်ကြီးချုပ်ဉီးဆလိုင်းလျန်လွယ်က သဘာဝဘေးအန္တရာယ်သည် နိုင်ငံတကာအသီးသီးတွင်ဖြစ်ပွားလျက်ရှိပြီး ထိခိုက်ပျက်စီးဆုံးရှုံးမှုများလည်းကြီးမားစွာ ကြုံတွေ့ရတက် ပါကြောင်း ၊ ချင်းပြည်နယ်သည်လည်း သဘာဝဘေးအန္တရာယ်ထိခိုက်ဆုံးရှုံးနိုင်ခြေရှိသော မြေမျက်နှာအသွင်ပြင် အနေအထားများကြောင့်သဘာဝဘေးကြိုတင်ကာကွယ်မှုများ ၊ ဘေးအန္တရာယ်အတွက် ထိခိုက်ဆုံးရှုံးနိုင်ခြေ များကို ကြိုတင်ပြင်ဆင်ထားရှိ ကြရမည်ဖြစ်ပါကြောင်း၊ ယနေ့ကျင်းပပြုလုပ်သည့် အပြည်ပြည်ဆိုင်ရာ သဘာဝဘေး အန္တရာယ်ထိခိုက်ဆုံးရှုံးနိုင်ခြေလျှော့ချရေးနေ့အခမ်းအနားကျင်းပခြင်းနှင့်အတူ သဘာဝဘေးနှင့် ပတ်သတ်သည့် အသိပညာပေးမှတ်တမ်းဓာတ်ပုံများ၊လက်ကမ်းစာစောင်များကသိရှိနိုင်သည့် ကြိုတင်ပြင်ဆင် ရမည့်အချက်အလက်များ ဖြင့် ထိခိုက်ဆုံးရှုံးနိုင်ခြေကိုလျှော့ချဆောင်ရွက်နိုင်အောင်ဆောင်ရွက်ကြရမည်ဖြစ်ပါ ကြောင်း အမှာစကားပြောကြားသည်။ ဆက်လက်ပြီး ၂၀၁၉ ခုနှစ် အပြည်ပြည်ဆိုင်ရာ သဘာဝဘေးအန္တရာယ်ထိခိုက်ဆုံးရှုံးနိုင်ခြေလျှော့ချရေး နေ့အထိမ်းအမှတ် ကုလသမဂ္ဂအထွေထွေအတွင်းရေးမှူချုပ်ထံကပေးပို့သည့်သဝဏ်လွှာအား ရွေ့ပြောင်းသွား လာနေထိုင်ခြင်းဆိုင်ရာ နိုင်ငံတကာအဖွဲ့အစည်း(IMO)မှအမျိုးသားအစီအစဉ်အရာရှိ ဒေါ်အေးသိမ့်သူက ဖတ်ကြားတင်ပြသည်။ ထို့နောက် ၂၀၁၉ ခုနှစ် အပြည်ပြည်ဆိုင်ရာ သဘာဝဘေးအန္တရာယ်ထိခိုက်ဆုံးရှုံးနိုင်ခြေလျှော့ချရေး နေ့အထိမ်းအမှတ် ၊ အထက်တန်းနှင့်အလယ်တန်းအဆင့်စာစီစာကုံးပြိုင်ပွဲများတွင်ဆုရရှိကြသည့် ကျောင်းသား၊ ကျောင်းသူလေးများအား ချင်းပြည်နယ်ဝန်ကြီးချုပ်ဉီးဆလိုင်းလျန်လွယ် ၊ ပြည်နယ်လွှတ်တော်ဉက္ကဌဉီးဇိုဘွဲ၊ ပြည်နယ်လူမှုရေးဝန်ကြီးဉီးပေါင်လွန်းမင့်ထန်တို့က ဆုများအသီးသီးပေးအပ်ချီးမြှင့်ခဲ့ကြသည်။ ယင်းနောက် ပြည်နယ်ဝန်ကြီးချုပ်နှင့်တက်ရောက်လာကြသူများက ချင်းပြည်နယ်သဘာဝဘေး အန္တရာယ်ဆိုင်ရာစီမံခန့်ခွဲမှုဉီးစီးဌာနက ပြသထားသည့် အသိပညာပေးမှတ်တမ်းဓာတ်ပုံများ ၊ ပိုစတာများ ၊ သဘာဝဘေးစီမံခန့်ခွဲမှုလုပ်ငန်းသုံးပစ္စည်းများ ၊ ဆုရစာစီစာကုံးများကို ကြည့်ရှုခဲ့ကြကြောင်းသိရှိရသည်။ မြင့်နိုင်စိုး(ပြန်/ဆက်)

ယူနီဆက်မှ ပံ့ပိုးပေးသော တိုင်းရင်းသား စာပေနှင့်ထုတ်ဝေသည့် ရုပ်ပြစာအုပ်များ ဖတ်ရှုငှါးရမ်းသူများပြားလျက်ရှိ
အောက်လ ၂၀၁၉ ခုနှစ်၊ ၁၈ ရက် U Min Eya Htyke

တီးတိန် အောက်တိုဘာ ၁၈ ကုလသမဂ္ဂ ကလေးများရန်ပုံငွေအဖွဲ့(ယူနီ ဆက်)မှ ချင်းပြည်နယ် တီးတိန်မြို့နယ်ပြန်ကြား ရေးနှင့်ပြည်သူ့ဆက်ဆံရေးဦးစီးဌာန ပြည်သူ့စာ ကြည့်တိုက်အတွက် ပံံ့ပိုးပေးသော တိုင်းရင်း သားစာပေနှင့်မြန်မာစာဖြင့်ထုတ်ဝေသည့် ရုပ်ပြ စာအုပ်များကို စာငှါး၊စာဖတ်ပရိသတ်များ စိတ်ဝင်တစားဖတ်ရှုငှါးရမ်းလျက်ရှိကြောင်း စာ ထောက်(၃)ဒေါ်ညောင်းဆန်းနဲမ်းထံမှသိရ သည်။ အဆိုပါစာအုပ်များသည် ယူနီဆက်မှ တီးတိန် မြို့နယ်ပြန်/ဆက်ရုံး ပြည်သူ့စာကြည့်တိုက်အ တွက် ရုပ်ပြစာအုပ် ၂၅မျ ို း စုစုပေါင်း ၂၅၀အုပ် ပံ့ပိုးပေးခဲ့ခြင်းဖြစ်ကြောင်းသိရသည်။ မြို့နယ(ပြန်/ဆက်)

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချင်းပြည်နယ်ဦးစီးမှူးရုံး၊ ဟားခါးမြို့၏ (၄.၁၀.၂၀၁၉)မှ(၁၀.၁၀.၂၀၁၉)ရက်နေ့ထိ လုပ်ငန်းဆောင်ရွက်မှု
အောက်လ ၂၀၁၉ ခုနှစ်၊ ၁၇ ရက် James Sing

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ချင်းပြည်နယ်ဦးစီးမှူးရုံး၊ ဟားခါးမြို့၏ (၄.၁၀.၂၀၁၉)မှ(၁၀.၁၀.၂၀၁၉)ရက်နေ့ထိ လုပ်ငန်းဆောင်ရွက်မှုများအား အများပြည်သူသိရှိစေရန် တင်ပြသည်

ခရီးသည်တင်ယာဉ်လိုင်းများတွင် အသက်ကယ်ထိုင်ခုံခါးပတ်ဝတ်ဆင်ရေးရှောင်တခင်စစ်ဆေးခြင်းဟားခါး၌ဆောင်ရွက်
အောက်လ ၂၀၁၉ ခုနှစ်၊ ၁၇ ရက် U Min Eya Htyke

ဟားခါး အောက်တိုဘာ ၁၇ ယာဉ်မတော်တဆမှုကြောင့် မလိုလားအပ်သည့် ထိခိုက်ဒဏ်ရာများ၊ သေဆုံးမှုများလျော့နည်း လာစေရေးရည်ရွယ်၍ မော်တော်ယာဉ်မောင်းနှင်သူများနှင့် လိုက်ပါစီးနင်း သူများအားလုံး အသက်ကယ်ထိုင်ခုံ ခါးပတ် ဝတ်ဆင်ရေးအတွက်ရှောင်တခင်စစ်ဆေးခြင်းကို အောက်တိုဘာ၁၇ရက် နံနက်၉နာရီခွဲက ဟားခါးမြို့၊ စုပေါင်းကားဂိတ်တွင် ဆောင်ရွက်ခဲ့သည်။ အဆိုပါ စစ်ဆေးခြင်းတွင်ချင်းပြည်နယ်အစိုးရအဖွဲ့ဝင် ပြည်နယ်လမ်းပန်းဆက်သွယ်ရေးဝန်ကြီး ဉီးရွှေထီးအိုးနှင့်အတူ ဒေသဆိုင်ရာကြီးကြပ်ကွပ်ကဲရေးအဖွဲ့အတွင်းရေးမှူး ပြည်နယ်လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းရေးဌာန ပြည်နယ်ဦးစီးမှူး ဦးစောမြင့်လွင်၊ အမှတ်(၁၆)ယာဉ်ထိန်း ရဲတပ်ဖွဲ့မှူးရဲမှူးဘင်နီဖိုင်း၊ပြည်နယ်ကုန်းလမ်းပို့ဆောင်ရေးညွှန်ကြားမှုဉီးစီးဌာနမှူးဉီးမျိုးလွင်ဉီးနှင့် ပူးပေါင်း အဖွဲ့များကပါဝင်ဆောင်ရွက်ခဲ့ကြပြီး ခရီးစဉ်အလိုက် ပြေးဆွဲလျက်ရှိသည့် အဝေးပြေးခရီးသည်တင်ယာဉ်လိုင်း ပေါ်တွင် ယာဉ်စတင်ထွက်ခွါပြီး အခြားဖျော်ဖြေရေးဇာတ်လမ်းခွေများမပြသမီယာဉ်အန္တရာယ်ကင်းရှင်းရေး အသိပညာပေး(Video)ခွေများ ပြသပေးရန် ရှင်းလင်းပြောကြားခြင်း နှင့် ပညာပေးလက်ကမ်းစာစောင်များ ဖြန့်ဝေပေးခြင်းများ ဆောင်ရွက်ခဲ့ကြကြောင်း သိရသည်။ ခရိုင်(ပြန်/ဆက်)