ဖလမ်းမြို့နယ်၌ COVID-19 ရောဂါ ကာကွယ်ရေးအရှိန်အဟုန်မြှင့်ဆောင်ရွက်လျက်ရှိပြီးရောဂါပိုးတွေ့ရှိခြင်းမရှိ
ဧလ ၂၀၂၀ ခုနှစ်၊ ၃ ရက် U Min Eya Htyke

ဖလမ်း ဧပြီ ၃ ချင်းပြည်နယ်၊ ဖလမ်းမြို့နယ်၌ COVID-19 ရောဂါကာကွယ်ရေး ကျန်းမာရေး ဝန်ထမ်းများနှင့် သက်ဆိုင်ရာ တာဝန်ရှိသူများက အရှိန်အဟုန်မြှင့်ဆောင်ရွက်လျက်ရှိပြီး ရောဂါပိုး တွေ့ရှိခြင်းမရှိကြောင်း မြို့နယ်ကျန်းမာရေးမှူး ဦးရိုနိတ်ခါးထံမှ သိရသည်။ ဖလမ်းမြို့နယ်တွင် မြို့ပေါ်(၄)ရပ်ကွက်နှင့် ကျေးရွာ(၂၉)ရွာ၌ ပြည်ပနိုင်ငံများမှ ပြန်လာသူများနှင့် အလည်လာသူများ (၁၀၇)ဦးကို Home Quarantine ဖြင့် (၁၄)ရက်ကြာစောင့်ကြည့်စစ်ဆေးပြီး (၁၄)ရက်ပြည့်သူ (၅၅)ဦးကို ရောဂါပိုးမတွေ့ရှိပါသဖြင့် စောင့်ကြည့်စစ်ဆေးခြင်းမှ လွှတ်ပေးကာ (၁၄)ရက်မပြည့်သေးသူ (၅၂)ဦးကို ဆက်လက်စောင့်ကြည့်စစ်ဆေးဆဲဖြစ်သည်။ အဆိုပါ (၁၄)ရက်ကြာ စောင့်ကြည့်စစ်ဆေးသည့် (၁၀၇)တွင် ရောဂါပိုးတွေ့ရှိခြင်းမရှိကြောင်း သိရသည်။ ဂျွန်( ပြန်/ဆက် )

COVID-19ရောဂါကာကွယ်ရေး မြန်မာ့တပ်မတော်မှ ကျန်းမာရေးစစ်ဆေးခြင်းနှင့် ပိုးသတ်ဆေးဖျန်းခြင်းဆက်လက်ဆောင်ရွက်
ဧလ ၂၀၂၀ ခုနှစ်၊ ၃ ရက် U Min Eya Htyke

ဖလမ်း ဧပြီ ၃ COVID-19 ရောဂါကာကွယ်ရေး မြန်မာ့တပ်မတော်မှ ကျန်းမာရေးစစ်ဆေးခြင်းနှင့် ပိုးသတ်ဆေး ဖျန်းခြင်းကို ဧပြီ ၃ ရက် နံနက် ၁၀ နာရီက ပြုလုပ်ခဲ့ကြောင်းသိရသည်။ ထိုသို့ဆောင်ရွက်ရာတွင် ဖလမ်းမြို့အခြေစိုက် ခလရ(၂၆၈)မှ ဌာနချုပ် တပ်ခွဲမှူး ဗိုလ်မှူး အောင်မျိုးထွဋ် ဦးဆောင်သော အရာရှိစစ်သည် (၁၀)ဦးတို့က COVID-19 ရောဂါကာကွယ်ရေး ဖလမ်းမြို့ နယ်စပ်ဒေသ တိုင်းရင်းသားလူငယ်များဖွံ့ဖြိုးရေးသင်တန်းကျောင်းနှင့် နာဇရက်လူငယ်ဖွံ့ဖြိုးရေးပရဟိတဂေဟာတို့၌ ကျန်းမာ ရေးစစ်ဆေးပေးခြင်းနှင့် ပိုးသတ်ဆေးဖျန်းပေးခြင်းများ ဆောင်ရွက်ခဲ့ကြောင်း သိရသည်။ ဂျွန်( ပြန်/ဆက် )

COVID-19 ကာကွယ်၊ထိန်းချုပ်၊ကုသရေး အမျိုးသားအဆင့် ဗဟိုကော်မတီ၏ လမ်းညွှန်ချက်နှင့်အညီ စီမံဆောင်ရွက်နိုင်ရေး ပြည်နယ်အဆင့် အစည်းအဝေးသို့ ချင်းပြည်နယ်ဝန်ကြီးချုပ် တက်ရောက်
ဧလ ၂၀၂၀ ခုနှစ်၊ ၃ ရက် Daw Cing Sian Hawm Lun

COVID-19 ကာကွယ်၊ထိန်းချုပ်၊ကုသရေး အမျိုးသားအဆင့် ဗဟိုကော်မတီ၏ လမ်းညွှန်ချက်နှင့်အညီ စီမံဆောင်ရွက်နိုင်ရေး ပြည်နယ်အဆင့် အစည်းအဝေးသို့ ချင်းပြည်နယ်ဝန်ကြီးချုပ် တက်ရောက်

COVID-19ရောဂါကာကွယ်၊ထိန်းချုပ်ရေးအဖွဲ့၊​​ပြည်နယ်ဆင့်ဉီးဆောင်ပြီးပညာပေးဆွေးနွေးပွဲတီးတိန်၌ပြုလုပ်
ဧလ ၂၀၂၀ ခုနှစ်၊ ၃ ရက် Daw Cing Sian Hawm Lun

COVID-19ရောဂါကာကွယ်၊ထိန်းချုပ်ရေးအဖွဲ့၊​​ပြည်နယ်ဆင့်ဉီးဆောင်ပြီးပညာပေးဆွေးနွေးပွဲတီးတိန်၌ပြုလုပ်

မင်းတပ်ခရိုင် ပြည်သူ့ဆေးရုံကြီး၌ ကိုဗစ်-၁၉ ရောဂါကာကွယ်ရေး ပိုးသတ်ဆေးဖျန်းခြင်းဆောင်ရွက်
ဧလ ၂၀၂၀ ခုနှစ်၊ ၂ ရက် U Min Eya Htyke

မင်းတပ် ၊ ဧပြီ - ၂ ချင်းပြည်နယ်၊ မင်းတပ်ခရိုင်ပြည်သူ့ဆေးရုံကြီး၌ ကိုဗစ်-၁၉ရောဂါ ကြိုတင်ကာကွယ်ရေး ပိုးသတ်ဆေးဖျန်းခြင်းကို မင်းတပ်ခရိုင်စီမံခန့်ခွဲမှုကော်မတီဥက္ကဋ္ဌ ဦးမောင်ထူးနှင့် ဌာနဆိုင်ရာများ ပူးပေါင်၍ ယနေ့ညနေ ၂ နာရီအချိန်က ဆောင်ရွက်ခဲ့ကြောင်းသိရသည်။ မင်းတပ်မြို့နယ်အတွင်းသို့ နိုင်ငံရပ်ခြားမြှပန်လည်ရောက်ရှိလာသည့် ပြည်သူများတွင် ကိုဗစ်-၁၉ ရောဂါ သံသယလူနာတွေ့ရှိပါက သီးခြားကုသနိုင်ရန် ကြိုတင်ပြင်ဆင်ထားသည့် အခန်းများကိုလည်း ပိုးသတ်ဆေးဖျန်းခြင်း ဆောင်ရွက်ခဲ့ကြသည်။ မြို့နယ်ကျန်းမာရေးနှင့် ကုသရေးဦးစီးဌာမှူး ဒေါက်တာ ဇော်ဝင်နိုင် က" ကိုဗစ်-၁၉ ရောဂါကြိုတင်ကာကွယ်ရေး အသိပညာပေးခြင်းကို အရှိန်ဟုန်မပြတ် ဆောင်ရွက်တဲ့အပြင် လူအများဝင်ထွက်သွားလာတဲ့ နေရာတြွေဖစ်တဲ့ မြို့မဈေး၊မြန်မာ့စီးပွားရေးဘဏ် နှင့် ဆေးရုံအဆောက်အဦတွေမှ ပိုးသတ်ဆေးဖျန်းခြင်းကို ဆောင်ရွက်လျက်ရှိပါတယ်၊ မင်းတပ်မြို့နယ်အတွင်း မှာ နိုင်ငံရပ်ခြားကပြန်လာသူ (၉၉)ဦးရှိပေမယ့် အများစုက(၁၄)ရက်ပြည့်ပြီးပါပြီ၊ ဧပြီလ(၈)ရက်နေ့ ကျရင်တော့ နိုင်ငံခြားကပြန်လာသူ အားလုံးက(၁၄)ရက်ပြည့်မှာပါ၊ သံသယလူနာတွေ့ရိြှခင်းမရှိပါဘူး" ဟုပြောကြားသည်။ မင်းတပ်မြို့တွင် ကိုဗစ်-၁၉ရောဂါ ကြိုတင်ကာကွယ်နိုင်ရေး အများပြည်သူဝင်ထွက်သွားလာသည့် နေရာများတွင် ပိုးသတ်ဆေးဖျန်းခြင်းကို တနင်္လာနေ့တိုင်း ဆောင်ရွက်လျက်ရှိရာ ကိုဗစ်-၁၉ရောဂါ ကာကွယ်၊ထိန်းချုပ်၊ကုသရေးကော်မတီ ဝင်များနှင့်ဌာနဆိုင်ရာများ ပူးပေါင်းပါဝင်လျက်ရှိကြောင်း သိရသည်။ ဆလိုင်းအောင် (ပြန်/ဆက်)

ချင်းပြည်နယ်၊ ပလက်ဝမြို့နယ်မှ ဆမီးမြို့သို့ ပြောင်းရွှေ့ရောက်ရှိလျက်ရှိသော တိုက်ပွဲရှောင် ပြည်သူများ နေထိုင်နိုင်ရန် ရွက်ဖျင်တဲများပို့ဆောင်လျက်ရှိ
ဧလ ၂၀၂၀ ခုနှစ်၊ ၂ ရက် U Min Eya Htyke

ဟားခါး ဧပြီ ၂ ချင်းပြည်နယ်၊ ပလက်ဝမြို့နယ်မှ ဆမီးမြို့သို့ ပြောင်းရွှေ့ရောက်ရှိလျက်ရှိသော တိုက်ပွဲရှောင် ပြည်သူများကို ချင်းပြည်နယ်အစိုးရအဖွဲ့၏ စီစဉ်ကြီးကြပ်မှုဖြင့် ဧပြီလ ၂ ရက်နေ့တွင် ချင်းပြည်နယ်၊ ဟားခါးမြို့မှ ဆမီးမြို့သို့ ပို့ဆောင်နေပြီဖြစ်ကြောင်း ချင်းပြည်နယ် လုပ်ငန်းလိုင်စင်နှင့်သယ်ယူပို့ဆောင်ရေးကြီးကြပ်ညှိနှိုင်းမှုဦးစီးဌာန၊ ပြည်နယ်ဦးစီးမှူး ဦးစောမြင့်လွင်ထံမှ သိရှိရသည်။ “ပလက်ဝမြို့နယ်ကနေ ဆမီးမြို့သို့ပြောင်းရွှေ့လာကြတဲ့တိုက်ပွဲရှောင်မိသားစုဝင်တွေ အတွက် ချင်းပြည်နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနက ရွက်ဖျင်တဲတွေနဲ့ ပြည်နယ်မီးသတ်ဦးစီးဌာနက ရွက်ဖျင်တဲတွေကို ချင်းပြည်နယ်အစိုးရအဖွဲ့ရဲ့ စီစဉ်ကြီးကြပ်မှု နှင့်အတူ ဆမီးမြို့ကို မော်တော်ယာဉ်များနဲ့ဒီနေ့ပေးပို့လိုက်ပြီဖြစ်ပါတယ်”ဟု ချင်းပြည်နယ် လုပ်ငန်းလိုင်စင်နှင့်သယ်ယူပို့ဆောင်ရေးကြီးကြပ်ညှိနှိုင်းမှုဦးစီးဌာန၊ ပြည်နယ်ဦးစီးမှူး ဦးစောမြင့်လွင်က ပြောပြခဲ့ပါတယ်။ ချင်းပြည်နယ်အစိုးရအဖွဲ့အနေဖြင့် ပလက်ဝမြို့နယ်မှ ဆမီးမြို့သို့ ပြောင်းရွှေ့ရောက်ရှိ လာကြသည့် တိုက်ပွဲရှောင်မိသားစုဝင်များအား ယာယီရွက်ဖျင်တဲများ၊ စားသောက်ကုန်ပစ္စည်း များကိုလည်းကောင်း၊ ထန်တလန်မြို့နယ်၊ သီကီရ်ကျေးရွာသို့ ဒုတိယအကြိမ်ပြောင်းရွှေ့ ရောက်ရှိလာသော တိုက်ပွဲရှောင်ပြည်သူများအား ဧပြီလ ၁ ရက်နေ့တွင် ထောက်ပံ့ပစ္စည်းများ၊ စားသောက်ကုန်ပစ္စည်းများအားလည်းကောင်း၊ စေတနာရှင်အလှူရှင်များနှင့်ပူးပေါင်း၍ အလှူငွေနှင့် ကျန်းမာရေးဆေးဝါးများကိုလည်းကောင်း ထောက်ပံ့ပေးနိုင်ခဲ့ကြောင်း သိရှိရပါသည်။ မြင့်နိုင်စိုး(ပြန်/ဆက်)

COVID-19 ရောဂါကာကွယ်နိုင်ရေး တပ်မတော်သားများကမြန်မာ့စီးပွားရေးဘဏ်အား ပိုးသတ်ဆေးဖျန်းပေး
ဧလ ၂၀၂၀ ခုနှစ်၊ ၂ ရက် U Min Eya Htyke

ဖလမ်း ဧပြီ ၂ COVID-19 ရောဂါ ကာကွယ်နိုင်ရေး တပ်မတော်သားများက ဖလမ်းမြို့၊ မြန်မာ့စီးပွားရေးဘဏ်ကို ဧပြီ ၂ ရက် ညနေ ၃ နာရီက ပိုးသတ်ဆေးဖျန်းပေးကြောင်း သိရသည်။ ထိုသို့ဆောင်ရွက်ရာတွင် ဖလမ်းမြို့အခြေစိုက် ခလရ (၂၆၈)မှ ဌာနချုပ်တပ် ခွဲမှူး ဗိုလ်မှူး အောင်မျိုးထွဋ် ဦးဆောင်သော အရာထမ်း၊ အမှုထမ်းတပ်ဖွဲ့ဝင်များက COVID-19 ရောဂါကာကွယ်နိုင်ရေး မြန်မာ့စီးပွားရေးဘဏ် အဆောက်အဉီ အတွင်းနှင့် အပြင် တို့ကို ပိုးသတ်ဆေးဖျန်းပေးခဲ့ကြောင်းသိရသည်။ ဂျွန်( ပြန်/ဆက် )