ထန်တလန်မြို့နယ်အတွင်းရှိ ပြည်သူများ COVID-19 ကူးစက်ရောဂါနှင့် ပတ်သက်၍ သိရှိလိုက်နာဆောင်ရွက်စေရေးနှိုးဆော်ဆောင်ရွက်လျက်ရှိ
ဧလ ၂၀၂၀ ခုနှစ်၊ ၂ ရက် Daw Cing Sian Hawm Lun

ထန်တလန်မြို့နယ်အတွင်းရှိ ပြည်သူများ COVID-19 ကူးစက်ရောဂါနှင့် ပတ်သက်၍ သိရှိလိုက်နာဆောင်ရွက်စေရေးနှိုးဆော်ဆောင်ရွက်လျက်ရှိ

ဧ​ပြီ၂ရက်မှစ၍စောင့်ကြပ်ကြည့်ရှုခြင်းမှရပ်နားပေး
ဧလ ၂၀၂၀ ခုနှစ်၊ ၂ ရက် Daw Cing Sian Hawm Lun

(၃၄)ဦးအား ကျန်းမာရေးအခြေအနေ ကောင်းမွန်သဖြင့် ဧ​ပြီ၂ရက်မှစ၍စောင့်ကြပ်ကြည့်ရှုခြင်းမှရပ်နားပေးလျက်ရှိကြောင်းသိရှိရ

COVID-19 ရောဂါကာကွယ်နိုင်ရေး ဖလမ်းမြို့ပေါ်ရှိခရစ်ယာန်ဘုရားရှိခိုးကျောင်းများအား ပိုးသတ်ဆေးဖျန်းပေး
ဧလ ၂၀၂၀ ခုနှစ်၊ ၂ ရက် U Min Eya Htyke

ဖလမ်း ဧပြီ ၂ COVID-19 ရောဂါကာကွယ်နိုင်ရေး ဖလမ်းမြို့ပေါ်ရှိ ခရစ်ယာန်ဘုရား ရှိခိုးကျောင်းများအား ပိုးသတ်ဆေးဖျန်းခြင်းကို ဧပြီ ၁ ရက် ညနေပိုင်းကစ၍ စတင် ဆောင်ရွက်ခဲ့ကြောင်းသိရသည်။ အလားတူ ဧပြီ ၂ ရက် နံနက်ပိုင်းက ဖလမ်းမြို့ ချင်းခရစ်ယာန် ဓမ္မတက္ကသိုလ်ကျောင်း စာကြည့်တိုက်နှင့် အခန်းများကို COVID-19 ရောဂါကာကွယ် နိုင်ရေး ပိုးသတ်ဆေးဖျန်းပေးသည်။ အဆိုပါပိုးသတ်ဆေးဖျန်းခြင်းကို COVID-19 Falam ကော်မတီ၏ ရန်ပုံ ငွေထောက်ပံ့ပေးမှုဖြင့် ဖလမ်းလူငယ်အဖွဲ့က ဦးဆောင်၍ ပိုးသတ်ဆေးဖျန်းခြင်း ဖြစ်သည်။ COVID-19 Falam ကော်မတီသည် ပြည်တွင်း ပြည်ပ အလှူရှင်များ၏ ထည့်ဝင်ငွေများဖြင့် မြို့ပေါ်ခရစ်ယာန်ဘုရားရှိခိုးကျောင်းနှင့် မြို့မစေျးနေရာများကို ပိုးသတ်ဆေးဖျန်းပေးလျက်ရှိကြောင်းသိရသည်။ ဂျွန်( ပြန်/ဆက် )

ချင်းပြည်နယ် အစိုးရအဖွဲ့၊ပြည်နယ်လမ်းပန်းဆက်သွယ်ရေးဝန်ကြီး ဟားခါးမြို့နယ် နယ်မြေခံဝန်ကြီးဦးဆောင်၍ COVID-19 ရောဂါ ကူးစက်မှုမရှိစေရေး ပိုးသတ်ဆေးဖျန်းခြင်းလုပ်ငန်းများ ဆောင်ရွက်
ဧလ ၂၀၂၀ ခုနှစ်၊ ၂ ရက် U Min Eya Htyke

ဟားခါး ဧပြီ ၂ ချင်းပြည်နယ် COVID-19 ရောဂါ ကာကွယ်၊ထိန်းချုပ်၊ကုသရေး အရှိန်အဟုန်မြှင့် ဆောင်ရွက် လျက်ရှိရာ ဟားခါးမြို့နယ် နယ်မြေခံဝန်ကြီး ပြည်နယ် လမ်းပန်းဆက်သွယ်ရေးဝန်ကြီး ဦးရွှေထီးအိုး ဦးဆောင်၍ ပြည်နယ်၊ခရိုင်၊မြို့နယ်မီးသတ်ဦးစီးဌာနမှ အရာထမ်း၊အမှုထမ်း၊မီးသတ်တပ်ဖွဲ့ဝင်များ၊ ယာဉ်ထိန်းရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဟားခါးမြို့အတွင်း COVID-19 ရောဂါ ကူးစက်မှု မရှိစေရေး ပိုးသတ်ဆေးဖျန်းခြင်း လုပ်ငန်းများကို ဧပြီလ ၂ရက် နံနက် ၉ နာရီအချိန်က ဟားခါးမြို့ အဝေးပြေးကားဂိတ်နေရာ ကားဝင်းအတွင်း ခရီးသည်တင် မော်တော်ယာဉ်များ၊ ပစ္စည်းထားရှိရာနေရာများနှင့် ခရီးသည်ထိုင်နေရာများ ၊ လုံခြုံရေး စစ်ဆေးရေးဂိတ်မှူးရုံးခန်းများ အားလုံးနှင့်မြို့အဝင် ဂိတ်နေရာများကို ပိုးသတ်ဆေးများ ပက်ဖျန်း ခဲ့ကြကြောင်း သိရသည်။ ရှေးဦးစွာ အဝေးပြေးကားဂိတ် ပိုးသတ်ဆေးဖျန်းခြင်းလုပ်ငန်းများအား နယ်မြေခံဝန်ကြီး ပြည်နယ် လမ်းပန်းဆက်သွယ်ရေးဝန်ကြီး ဦးရွှေထီးအိုးက လိုက်လံကြည့်ရှု စစ်ဆေးခဲ့ရာ ချင်းပြည်နယ် လုပ်ငန်းလိုင်စင်နှင့် သယ်ယူပို့ဆောင်ရေးကြီးကြပ်ညှိနှိုင်းမှုဦးစီးဌာန၊ ပြည်နယ် ဦးစီးမှူး ဦးစောမြင့်လွင်က မော်တော်ယာဉ် များတွင် စီးနင်းလိုက်ပါမည့် ခရီးသွားပြည်သူများအား COVID-19 ရောဂါကူးစက်မှု မရှိစေရေး မော်တော်ယာဉ်ပိုင်ရှင်များ၊ ဂိတ်မှူးများ၊ ယာဉ်မောင်းများနှင့် ပူးပေါင်း၍ လက်ဆေးကန်များ၊ Hand Gel များ၊ အသိပညာပေး ပိုစတာများ ဆောင်ရွက်မှု အခြေအနေများကို လည်းကောင်း၊ ပြည်နယ်မီးသတ် ဦးစီးဌာန၊ခေတ္တပြည်နယ်မှူး ဦးကျော်ကျော်က ဟားခါးမြို့အတွင်း ပိုးသတ်ဆေး ပက်ဖျန်းခြင်းလုပ်ငန်းများ အချိန်ပြည့်ဆောင်ရွက်နေမှုနှင့် ဆက်လက် ဆောင်ရွက်မည့် အခြေအနေ များကို လည်းကောင်း ရှင်းလင်းတင်ပြကြသည်။ ထို့နောက် ဟားခါးမြို့အဝင် လုံခြုံရေး စစ်ဆေးရေးဂိတ်၊မော်တော်ယာဉ် Toll Gateနှင့် ဟားခါးမြို့ မြန်မာ့စီးပွားရေးဘဏ်တို့၌ COVID-19 ရောဂါ ကူးစက်မှု မရှိစေရေး ပိုးသတ်ဆေးများ ပက်ဖျန်းပေးခဲ့ရာ ပြည်နယ်လမ်းပန်းဆက်သွယ်ရေးဝန်ကြီးနှင့်အတူ ပူးပေါင်းအဖွဲ့များက လိုက်ပါ ဆောင်ရွက်ခဲ့ကြပါသည်။ ဟားခါးမြို့အတွင်း COVID-19 ရောဂါကူးစက်မှုမရှိစေရေး အရှိန်အဟုန်မြှင့် ဆောင်ရွက် လျက်ရှိပြီး ပြည်နယ်၊ခရိုင်၊မြို့နယ်မီးသတ်တပ်ဖွဲ့များနှင့် ခရိုင်၊ မြို့နယ်အုပ်ချုပ်ရေးမှူးများ၊ မြို့နယ်စည်ပင်သာယာရေးကော်မတီဝင်များ၊ ပြည်နယ်ပြည်သူ့ကျန်းမားရေးနှင့်ကုသရေးဦးစီးဌာနမှ ကျန်းမာရေးဝန်ထမ်းများ၊ အရပ်ဖက် အဖွဲ့အစည်းများက သက်ဆိုင်ရာ တာဝန်ရှိသူများနှင့် ပူးပေါင်း၍ အသိပညာပေးနှိုးဆော်ခြင်းများ၊ ရောဂါကူးစက်မှုမရှိစေရေး ပိုးသတ်ဆေးဖျန်းခြင်း များနှင့် ကြိုတင်ပြင်ဆင်ရေးလုပ်ငန်းများကို အချိန်ပြည့်ဆောင်ရွက်လျက်ရှိကြောင်း သိရှိရပါသည်။ မြင့်နိုင်စိုး (ပြန်/ဆက်)

မင်းတပ်မြို့ ပရဟိတအလှူရှင်အဖွဲ့မှ Covid-19 ရောဂါကာကွယ်ရေးအတွက် နှာခေါင်းစည်း Mask များပေးအပ်လှူဒါန်း
ဧလ ၂၀၂၀ ခုနှစ်၊ ၁ ရက် U Min Eya Htyke

မင်းတပ် ဧပြီ ၁ ချင်းပြည်နယ် မင်းတပ်မြို့မှ ပရဟိတအလှူရှင်အဖွဲ့မှ Covid-19 ရောဂါကာကွယ်ရေးအတွက် နှာခေါင်းစည်း Mask များ မတ် ၃၀ ရက်နေ့တွင် အခမဲ့ဖြန့်ဝေလှူဒါန်းလျက်ရှိကြောင်း သိရသည်။ မင်းတပ်မြို့မှ ပရဟိတအလှူရှင်အဖွဲ့မှ Covid-19 ရောဂါကာကွယ်ရေးအသိပညာပေးလုပ်ငန်း များဆောင်ရွက်ရာတွင် အသုံးပြုရန်နှင့် မိဘပြည်သူများအား အခမဲ့ဖြန့်ဝေပေးရန်အတွက် မင်းတပ်မြို့ နယ်တွင် တာဝန်ထမ်းဆောင်လျက်ရှိသော ကျန်းမာရေးဝန်ထမ်း ၁၃၆ ဦးအား တစ်ဦးလျှင် ၁၂ ခု နှုန်းဖြင့် ၁၆၃၂ ခုကို လည်းကောင်း၊ မြို့ဝင်ပူးပေါင်းစစ်ဆေးရေးဂိတ်တွင် ၃၄၈ ခုကို လည်းကောင်း၊ မင်းတပ်မြို့ မြန်မာ့စီးပွားရေးဘဏ်ဝန်ထမ်း ၃၂ ဦးအတွက် တစ်ဦးလျှင် ၁၀ ခုနှုန်းဖြင့် အခု ၃၂၀ ကို လည်းကောင်း စုစုပေါင်း နှာခေါင်းစည်း Mask အခု ၂၃၀၀၊ အရက်ပျံဂါလန် ၂၀နှင့် Hand Gel ၈ ဘူး ကာလတန်ဖိုးငွေကျပ်-၉၂၀၀၀၀ တို့ကို ပေးအပ်လှူဒါန်းလျက်ရှိသည်။ စည်ပင်သာယာရေးဦးစီးဌာနမှ ယနေ့ နံနက် ၁၀ နာရီခွဲတွင် မင်းတပ်မြို့ မြို့မဈေးရှိ ဈေးရောင်း သူများနှင့် လာရောက်ဝယ်ယူသည့် မိဘပြည်သူများအား Covid-19 ရောဂါကာကွယ်ရေးအတွက် နှာခေါင်းစည်း Mask အခု၂၀၀ အခမဲ့ဖြန့်ဝေကြကြောင်း သိရသည်။ ခွီရှိန်းမောင်း(ခရိုင်ပြန်/ဆက်)